قصة الناس 8 كلنا شركة في مرتك

[رضوة الجزائرية]

عدت ليكم بقصة الناس
اليوم جبت ليكم موضوع حمقني لبارح لبارح خرجت انا وختي لعشية نتساوقو المهم وحد الظاهرة اثارت جنوني وينها الحشمة وينها الحرمة ولا الرجل بالدفتر العائلي برك
لمرا المتزوجة او بالاحرى لمرا الحامل ماتسترش روحها
المشكل يتمشي معها زوجها او بعلها هههههههههه
غريبة الكل يشوفو في بطنها المكشوف الظاهر للكل وبكل تفاصيل جسمها
تسائلت زوجها ماشافهاش مين جاو خارجين ماقلهاش راه جسمك مفصل ولا هو مغلوب على امرو
زمان الله على زمان
كانت لمرا ما تحسسش اهل البيت بحملها ديما تلبس الفضافاض حتى يقولو راهو زاد عندك ضيف يتفاجا الكل
الله على ايام الحشمة والسترة
ربي يرحمها راحت يامها للاسف وخرج السفليزي
دروك لمشترى يتفرج لحامل ولمتزوجة خارجين كثر من العزباء سبحان الله
قالك وحد لمرا واحد جالس مع مرتو بالكافيتيريا وهي من غير ملابس العفو كاشفة عارية الكل لبالقهوة صارو يتفرجو فيها وقف راجلها وتخاصم مع واحد علاش تشوف في مرتي وتغازلها قالو ماشي مرتك وحدك هدي مرتنا الكل
بصراحة حشمة في بلاصتهم العين مطراسية والعين مشكلة الوان ووالوجه لوحة هدا ماشي عرض للكل
والله الرجل لمايغيرش على حرمة زوجتو بصراحة ماشي راجل سمحلولي لانها فتنة
وزيد يقول ليا يالحاجة واش حب الخاطر وهي لمرت راجل يغازلها باللمس تارة والغمز والابتسامة والضحكة المقهقهة وغريب هد الزمان الف حاجة ولا هد الشي
ربي استرني فوق الارض وتحت الارض ويوم العرض ادعو هدا الدعاء مشكورين على الردود

​

 

[شجـ الروح ـون]

السلام عليكم ورحمة الله تعالى وبركاته
ماتحيري موالو رضوة راكي ماشفتي حتى شيء
البارح ولد عمتي روح من الخدمة قاعد ويستغفر
قتلو واش بيك قالي اسكتي عليا انت ثاني هم الخدمة وزيديني
قتلو واشي قالي مع تطلع السخانة العباد يهيجوا:-r
ياخيتي وصلنا لتالي زمان والحرمة أي تودع فينا بالشوية
وشي ذكورا رانا نشوفو فيهم لوكان يطلقوني عليهم نمحيهم بالممحاة
خسارة فيه النفس اللي قاعدة تطلع وتهبط
أنا عندي أربعة خاوتي أقل مني
وعمري ماكنت ننتبه لحمل أمي حتى لوين تروح للمستشفى
والحديث قياس
مابقات حيا مابقات حشمة في وقتنا وين عادت الكنة تروح لسلفها الكبير وشيخها تشكيلهم من الوحم
أف أف أف يصيب الواحد يقتل روحو قدام عباد هك
ربي يهدينا الكل ان شاء الله
صحيتي رضوة موضوع بهيون كيفك
تحية طيبة​

 

[tistissa dj-tissou]

ربي يسترنا والزمان لي وصلنا ليه ربي يهدينا
شكرا اختي الموضوع فعلا موضوع مؤثر ومؤسف للغاية
​

 

[عطر الندى]

يعطـيك الصحة على الموضوع أختـي
واش راح تديري او وحد الزمان وصلنا لتيه يا لطـيف
متفرقش بـين المرا المتزوجة والعازبـــــة
انا عن نفسي ثالمون والفت نشـــوف هاذ المظاهر حتى ولات تجيني نورمال
على العموم كل واحد حسابو بينو و بين مولاه
ربـي يهديـنا و يسترنـــا
​

 

[رضوة الجزائرية]

مشكورين على الكلام الصادق والله لو تشوفني عارية نططلب منكم رجموني او ظهر مني شي بل اصفعوني ربي يسترنا ويهدينا يارب
يا اخي انا من بشار الولاية المشهورة بالموضة والعرض للازياء سابقة لاوانها ربي يهدينا ويهديهم​

 

[tistissa dj-tissou]

مشكورين على الكلام الصادق والله لو تشوفني عارية نططلب منكم رجموني او ظهر مني شي بل اصفعوني ربي يسترنا ويهدينا يارب
يا اخي انا من بشار الولاية المشهورة بالموضة والعرض للازياء سابقة لاوانها ربي يهدينا ويهديهم​

امممممين
اللهم اهدينا الى طريق الصواااب
​

 

[nanoche]

قال رَسُولِ اللهِ صَلَّى اللَّهُ عَلَيْهِ وَسَلَّمَ : " ثَلَاثَةٌ لَا يَدْخُلُونَ الْجَنَّةَ أَبَدًا: الدَّيُّوثُ مِنَ الرِّجَالِ، وَالرَّجُلَةُ مِنَ النِّسَاءِ، وَمُدْمِنُ الْخَمْرِ " . فَقَالُوا: يَا رَسُولَ اللهِ أَمَّا مُدْمِنُ الْخَمْرِ فَقَدْ عَرَفْنَاهُ، فَمَا الدَّيُّوثُ مِنَ الرِّجَالِ ؟، قَالَ: " الَّذِي لَا يُبَالِي مَنْ دَخَلَ عَلَى أَهْلِهِ " . قُلْنَا: فَالرَّجُلَةُ مِنَ النِّسَاءِ ؟، قَالَ: " الَّتِي تَشَبَّهُ بِالرِّجَالِ ".
اللي ما عندوش الغيرة على زوجته و راهو حاسب كي يخرج قدام الناس معاها و هي كاسية عارية الناس يقولو هاذاك متفتح راهو غالط في حساباتو بما انه قبل الناس تشوف عورة زوجته بتفاصيلها دونك حتى و اذا قدام عينيه تحرش بيها واحد اخر بالاك يضحك و يقوللها راهم يدراقيو فيك راكي حطة
يا ربي حتى تنجينا و تثبتنا على دينك
مشكورة حبيبتي على الموضوع القيم
​

 

[NASRO DZ]

ايه اختي الوقت هذا كل يوم حاجة جديدة

ونرجع لسبب هو الرجل اذا كان يعرف كيفاه يكون راجل يعرف كيفاه يسير امورو وامور زوجته ويعرف كل صغيرة وكبيرة

المهم اختي الوقت صعاب بزاف والناس راه كل يوم تتبدل
وكل مايزيد يوم تلقاي حاجة جديدة خرجت

تسلمي على الموضوع

 

[رضوة الجزائرية]

عندكم الحق فيما راكم قلتوه تسلمو وربي يهديني ويهدكم اجمعين​

 

[loula2]

لمرا المتزوجة او بالاحرى لمرا الحامل ماتسترش روحها
المشكل يتمشي معها زوجها او بعلها هههههههههه

​

أختي قولي بغلها مش بعلها

 

[serinee]

اهلا بك اختي و شكرا لكي على الموضوع
فعلا عقلي الصغير لا يستوعب
يا للعجب انت راك راجل زوج فلانة معندك حتى حكمة عليها تخاف تعلي صوتك ثاني تضربك
او انا لي يخلي مرتو يشوفوها كل الناس هدا ماهوش راجل وين راحت ثاني الحرمة و الحشمة انت امراة حاملة وعلاش متعرفيش تستري رووحك
اي انا نقول عندو الحق لي قالو هدي مرتنا كامل مش مرتك ختاش هو لي وصل روحو لهدوما المواصيل لكان جا راجل صح ميقبلش على مرتو تخرج من دارو بهدي الهيئة
مشكورة اختي
​