هل أنا حامل

[nassima 87]

السلام عليكم خواتاتي حبيت نسقسيكم درت test de grossesse او خرجلي فيه زوج خطوط بصح التاني claire بزاف معرفتش لاخاطرش الشهر اللي فات تانيت شكيت كي درتو خرج خط واحد برك معناتها negatif
او في الحمل ديالي الأول اللي طاحلي غير درتو خرجو بلخف زوج خطوط او حامقيين
معلاباليش بالاك كاش وحدة صراتلها ان شاء الله تفيدوني : :d

 

[ام الحلوين]

يا رب يا رب تكوني حامل
اختي انا تاني في حملي هدا خرجلي خط غامق و اخر فاتح جدا تقريبا مايبانش .
هل عندك روطار ؟؟؟
و الف مبروك اختي .

 

[nassima 87]

يا رب يا رب تكوني حامل
اختي انا تاني في حملي هدا خرجلي خط غامق و اخر فاتح جدا تقريبا مايبانش .
هل عندك روطار ؟؟؟
و الف مبروك اختي .

الله يسلمك حنونة ان شاء الله من فمك لربي
نعم أختي عندي روطار ماحبيتش نروح دوك عند الطبيب نزيد نينا يامات او نشوف
:regards01:

 

[ام الحلوين]

ان شاء الله ربي يفرحك و نفرحو معاك
للعلم انا اخر دورة كانت في 17 جانفي و عملت تحليل في 15 فيفري .كان عندي شك اني حامل و الحمد لله خرج + و مازلت محتفظة بالتاست حتى نولد ان شاء الله .

 

[nassima 87]

ان شاء الله ربي يفرحك و نفرحو معاك
للعلم انا اخر دورة كانت في 17 جانفي و عملت تحليل في 15 فيفري .كان عندي شك اني حامل و الحمد لله خرج + و مازلت محتفظة بالتاست حتى نولد ان شاء الله .

ان شاء الله يا ربي يكملك انا تانيت كنت مخبياتو الأول حتى طيحت في 4شهور او نص مبعد رميتو

 

[ahlam02]

اختي بادن الله راكي حامل هو يخرج هكداك واحد فونسي وواحد كلاغ زيدي روحي للطبيبة باش تتاكدي

 

[anissa 13]

اختي انشاءالله راكي حامل انا صرالي كيفك خرجلي الخط الثاني كلااااار قريب مايبانش ماحبيتش نتقلق ماخبرت حتى واحد قلت بالاك ماشي بصح من بعدها رحت للطبيبة اكدتلي
ربي يفرحك اختي
قلتي الاول طاحلي يعني اجهضتي من قبل؟ فشحال من شهر؟
​

 

[نبض الحياة]

وي حبيبة ماشي ديما يخرجوا الخطين غامقين ممكن فيهم الكلآر وتكون النتيجة ايجابية
على العموم ربي يفرحك ان شاء الله
واكيد رايحة تنتبهي لتاخر الدورة واعراض الحمل الاولى
وللمزيد زوري طبيبة تزيد تديرلك تحليل
وربي يتمم حملك على خير
​

 

[nassima 87]

اختي بادن الله راكي حامل هو يخرج هكداك واحد فونسي وواحد كلاغ زيدي روحي للطبيبة باش تتاكدي

ايه ان شاء الله نزيد يامات او نروح للطبيب شكرا :-r

اختي انشاءالله راكي حامل انا صرالي كيفك خرجلي الخط الثاني كلااااار قريب مايبانش ماحبيتش نتقلق ماخبرت حتى واحد قلت بالاك ماشي بصح من بعدها رحت للطبيبة اكدتلي
ربي يفرحك اختي
قلتي الاول طاحلي يعني اجهضتي من قبل؟ فشحال من شهر؟
​

شكرا أختي نعم طاحلي في 4أشهر اونص عندي مشكل تع عنق الرحم طري بزاف تساما كي بدا يكبر لبيبي تحليت طاحلي يا ختي شحال غاصني لاخاطرش مع الأول كان حي واحد ساعة باش مات عندي 4أشهر ملي طيحت قالي الطبيب ريحي au moins 3أشهر ان شاء الله هاد المرة في الصواب

وي حبيبة ماشي ديما يخرجوا الخطين غامقين ممكن فيهم الكلآر وتكون النتيجة ايجابية
على العموم ربي يفرحك ان شاء الله
واكيد رايحة تنتبهي لتاخر الدورة واعراض الحمل الاولى
وللمزيد زوري طبيبة تزيد تديرلك تحليل
وربي يتمم حملك على خير
​

ان شاء الله ياربي وي حنونة تأخر كاين مي الأعراض ماكانش او ان شاء الله يكون حمل بلا أعراض خاطرش اذا بداني لوحم ماتزيدوش تشوفوني في المنتدى يطيحني فراش مانحمل والو :-r

 

[SAMIRA25]

ربي انشاء الله يرزقك الحمل السليم و الذرية الصالحة و كل متمنية الامومة ​

 

[nassima 87]

ربي انشاء الله يرزقك الحمل السليم و الذرية الصالحة و كل متمنية الامومة ​

ان شاء الله شكرا

 

[somo_81]

بإذن الله راكي حامل انا تاني في حملي جاني خط غامق و التاني فاتح مبروك بصح لازم تروحي لبيبة و على ما أظن راح يقولولك ديري روسيكلاج باش مايزيدش يطيحلك ان شاء الله يسرلك امورك مع الوحم و يعطيك وقفة ساهلة

 

[nassima 87]

بإذن الله راكي حامل انا تاني في حملي جاني خط غامق و التاني فاتح مبروك بصح لازم تروحي لبيبة و على ما أظن راح يقولولك ديري روسيكلاج باش مايزيدش يطيحلك ان شاء الله يسرلك امورك مع الوحم و يعطيك وقفة ساهلة

ان شاء الله يا ربي نعم أختي قالي الطبيب المرة الجاية ان شاء الله لازم نديرولك cerclage

 

[fahita]

اولا الف مبروك راكي اونسانت ختي
تانيا لازم تروحي لجيني كولوغ وتقوليلها كيفاش صرالك على الاول باه اديرلك سيركلاج باش ما يصراش معاك كيما ع الاول وربي يتبت حملك يا رب

 

[somo_81]

اختي نسيمة ربي يكمل حملك على خير و ننصح حاجة كي ديري سيركلاج متزغديش بزاف ماتخافي على شغل ما على والو يقولو وسخ عام يروح في نهار ارتاحي لاقصى حد وكي تزيدي وري شطارتك
على خاطر السمانة لي فاتت عند جينيكولوغ جات وحدة دارت سيركلاج قريب طاحلها البيبي و العالم الله إذا طاح ولا لا قالت دارت الشغل بزاف مسكينة تتوجع شغل راح تزيد على هاديك راني نوصي فيك
و ان شاء يثبتلك حملك و يكملو على خير

 

[nassima 87]

اختي نسيمة ربي يكمل حملك على خير و ننصح حاجة كي ديري سيركلاج متزغديش بزاف ماتخافي على شغل ما على والو يقولو وسخ عام يروح في نهار ارتاحي لاقصى حد وكي تزيدي وري شطارتك
على خاطر السمانة لي فاتت عند جينيكولوغ جات وحدة دارت سيركلاج قريب طاحلها البيبي و العالم الله إذا طاح ولا لا قالت دارت الشغل بزاف مسكينة تتوجع شغل راح تزيد على هاديك راني نوصي فيك
و ان شاء يثبتلك حملك و يكملو على خير

ياختي ماعليه كي ندير ساغكلاج نغلق داري ونروح شويا عند ماما او شوية عند عجوزتي ههههههه
شكرا حنونة ان شاء الله ياربي يكون نستحفظ الماكسيموم :-r

 

[ام الحلوين]

ربي يثبتلك حملك اختي و تهلاي في روحك بزاف .
و العقوبة لكل محرومة .

 

[nassima 87]

ربي يثبتلك حملك اختي و تهلاي في روحك بزاف .
و العقوبة لكل محرومة .

ان شاء الله يا ربي