هذا تصرف خاطئ ولا التربية معدومة ....

[hadda0425]

بسم الله الرحمان الرحيم

اليوم جبتلكم موضوع ممكن الناس كامل تعاني منو وخاصة سكان العمارات كيما حالتي
البلدية تاعنا عندها تقريب 3 سنين ملي دارت ملعب صغير لولاد الحومة باه يلعبو فيه زعم التحضر
المهم درات هذا الملعب سقماتو مليح ودرتلو مستلزمات تاعو من سياج وابواب والشبكة تع الحارس ...... هو عبارة عن ملعب لكرة القدم وكرة الطائرة يعني لوكان جا الغاشي تاعنا يخمم يقدر يديرو متنوع لكن.......
وش هو انا حبيت نحكيلكم على هذا الملعب لي مكملش سمانة تخرب من مجاميعو :d
يعني هما جيست خلصوه والغاشي هجم عليه من تخريب وتكسارو السياج طار والبيبان داوهم والشبكة تنحات ولحدايد هزوهم الشياب داوهم الحصول تصدقو بلي هذاك المتيكو تقول ما تندار جديد حاجة ما بقات فيه بشوي بشوي حتى خربوه ورجعوه سطحة كيما كان نفع ربي لبلاط فورم يابس وما يقدروش ينحيوه ههههههه
ورجعت ريمة لعادتها القديمة لg وال بالحجر والبالو يضربوه يتخبط في النوافذ تاعنا ولا في لحيوط نهار كامل ولخبيط علينا
مرات اصحاب الشقق من الرجال من لخبيط بزاف يخرجو يقطعولهم البالو وكاين لي لمخالق دار السياج تع السيلان مشوك للنوافذ تاعو باه يتفادى لخبيط لكن دون جدوى :s
وش تقولو في هذا الموضوع
حبيت نضرب عصفورين بحجر واحد
نتكلمو على زوج حوايج
الغلطة تع البلدية لي دارت الملعب في وسط السكان؟
ولا الشعب تاعنا لي مزال متخلف وما يعرفش يقدر النعمة ويقولك معندنا والو وكي تندارلو الصلاح ما يعرفش يتصرف
نخليلكم الرد ليكم
تحياتي
​

 

[حفيد هواري بومدين]

وافقت على الموضوع

 

[tistissa dj-tissou]

هذا حالنا كامل ماتلقاي ماديري ربي يهدينا ان شاء الله

 

[nanoche]

مساء الورد يا اختي حدة و مشكورة على الموضوع هذا
انا نقول ان القصد من انشاء ملاعب جوارية في الوسط العمراني هو من جهة فكرة مليحة علاش؟
لأن القصد منها كان انهم يتفاداو لعب الأطفال في وسط الطريق و باش يخليو الشباب يتلمو حول الملعب احسن من انهم يروحو لجوايه اخرين عملولو سياج عالي باش ما تخرجش الكرة و تضرب كيما قلتي في النوافذ ما علا باليش اذا كانت المقاييس هي نفسها في كامل المناطق انا راني نحكي على منطقتي
و لكن و بما اننا شعب متخلف و ما ننصلحوش (اسمحولي على كل حال) انفضلو دايما سياسة واش نحبو برك و راكي شفتي بليك خذاو كل حاجة قعدت غير لابلات فورم هههههه كثر خيرهم كي خلاوهاو و بلا ما ننساو كي يكونو يلعبو والكلام الساقط اللي رانا نسمعوه
يعني احنا شعب اللي خلقنا حار فينا :bravo01:ههههههههه

و البلدية رفدت الدراpو:surrender01:
تقبلي مروري حبيبتي

​

 

[SETIF étudiant]

السلام عليكم
غاشينا البيطون وحفروه هههههه لا يتركون حجرا على حجر .. ...و لي يوجعو راسو يروح يخرب خخ (يخربون بيوتهم بايديهم برك)
ديجا حنا غاشي ماشي شعب ههههه حنا تاع مطرق تاع عصا (اضربو يعرف مضربو) ونهار ما نتسقمو ساعتها يدرولنا الملاعب و والانترنت و .....
حنا شعب متخلف عنيف حاشا القلة نهار ما يتطور فكر الشعب الجزائري وتتغير سلوكات افرادنا اني مع انشاء هاد الملاعب و .....

 

[أم أمين23]

المشكل انو بلادنا ولى الطالح فيها يغطي على الصالح وبما انو البلدية عارفة بلي راه كاين هاد العباد الي خدمتهم الفساد والسرقة لكل شيء لو كان فراي كان لازم تعمل احطياطات امنية يعني على اقل تقدير ادير حارس للمكان بما انو من الصعب نوفروكامرات مراقبة ولو انو كان من المفروض انتو اصحاب الحي تعسو على واش ندار وادا شفتو واحد يخرب تتصلو بالشرطة حتى لو كانت الشرطة تأتي بعد خراب مالطة بصح المهم تكونو حاولتو تحمو شيء تعمل لولادكم وطبعا هاد الامر في بلايص بزاف وينطبق على امور كثيرة

 

[ماكانش]

أهلا بيك حدة
يعطيك الصحة على الموضوع الباهي
الشعب تاعنا ألي ماهوش متربي وماهوش متحضر ومازلنا بعاد على الحضارة والتربية
حنا فالثانوية لولاد فنهاية السنة قطعو السبورات تاع الأيمينيوم خلاو الحالة وراح يخسرو والديهم
من بعد يقلك او يحي وبوتفليقة ومانعرف
علاه اويحي ألي جا ونحى السياج ؟؟؟؟
​

 

[قناص الغرام]

الله غالب الظاهرة هاذي منتشرة في 48 ولاية في التراب الجزائري
السبب نتاعها راجع الى ان الثقافة معدومة و عدم التحلي بروح المسؤولية
​

 

[بنت الـ25]

صحيتي حدودة
امممممممم نقدرو نحملو المسؤولية للطرفين
البلدية اللي ما تعرف تخطط ما تعرف تنفذ
والشعب لي مش متحضر
احنا الحمدلله دايرينا الملاعب في كل حي يلعبو لولاد وتلقاي مام لي سيبورتور دايرين
كي تقدمي تلقاي وليدات تع 7 سنين يديرو في ماتش خخخخخخ
وعدنا صال فيها من جيهة صطاد بالطاpـي لخضر ومن الجيهة لوخرا صطاد تع الgودرون
وفالنص الصالة اللي يمارسو فيها الرياضات لوخرا
ما فسدوهاش بارسكو علابالهم كي يفسدوها تطفر فيهم غير هوما

المهم انا الفساد هدا وين شفتوعندنا ؟ فالجنانات
دالاتنا البلدية حول كل عمارة جنان غرسوه شجر ونباتات وسيجوه ودارو بيبان قفلوهم بالمفاتح زعم باش يجيو كل سمانة ينظفوه
مي لولاد الصغار يحبو يدخلو تما يلعبو فالحشيش والشياب يدخلو يسفلزو :d
قلعو السياج وبلايص ثقبوه مي معليهش او صامد شوي ههههه

ياو لا حياة لمن تنادي حدودة ،، ورانا شفنا لولاد كي تخلاص لقراية كيفاش يندبو للقسم
خويا يقرا فالليسي قالي وحد الكلاسة جابو ليصونص وحرقو القسم
عمري راسك درك
:-o
​

 

[أمــ وليــد الجزائرية]

لي عودة للموضوع ختيتو

​

 

[hadda0425]

وافقت على الموضوع

شكرا على الاعتماد
​

 

[hadda0425]

هذا حالنا كامل ماتلقاي ماديري ربي يهدينا ان شاء الله

كامل تسوفريو ربي يصبركم
مرسي شاوية
​

 

[hadda0425]

مساء الورد يا اختي حدة و مشكورة على الموضوع هذا
انا نقول ان القصد من انشاء ملاعب جوارية في الوسط العمراني هو من جهة فكرة مليحة علاش؟
لأن القصد منها كان انهم يتفاداو لعب الأطفال في وسط الطريق و باش يخليو الشباب يتلمو حول الملعب احسن من انهم يروحو لجوايه اخرين عملولو سياج عالي باش ما تخرجش الكرة و تضرب كيما قلتي في النوافذ ما علا باليش اذا كانت المقاييس هي نفسها في كامل المناطق انا راني نحكي على منطقتي
و لكن و بما اننا شعب متخلف و ما ننصلحوش (اسمحولي على كل حال) انفضلو دايما سياسة واش نحبو برك و راكي شفتي بليك خذاو كل حاجة قعدت غير لابلات فورم هههههه كثر خيرهم كي خلاوهاو و بلا ما ننساو كي يكونو يلعبو والكلام الساقط اللي رانا نسمعوه
يعني احنا شعب اللي خلقنا حار فينا :bravo01:ههههههههه

و البلدية رفدت الدراpو:surrender01:
تقبلي مروري حبيبتي

​

شكرا ناونش
ما عندي مانقول
الحاجة تندارت ليهم باه يلعبو لكن لا حياة لمن تنادي ما يخليو والو
الهمجية قاتلتهم
​

 

[hadda0425]

السلام عليكم
غاشينا البيطون وحفروه هههههه لا يتركون حجرا على حجر .. ...و لي يوجعو راسو يروح يخرب خخ (يخربون بيوتهم بايديهم برك)
ديجا حنا غاشي ماشي شعب ههههه حنا تاع مطرق تاع عصا (اضربو يعرف مضربو) ونهار ما نتسقمو ساعتها يدرولنا الملاعب و والانترنت و .....
حنا شعب متخلف عنيف حاشا القلة نهار ما يتطور فكر الشعب الجزائري وتتغير سلوكات افرادنا اني مع انشاء هاد الملاعب و .....

طحت في الصح
غاشي راشي لا تربية ولا هم يحزنون حاشى القلة كيما قلت
​

 

[hadda0425]

المشكل انو بلادنا ولى الطالح فيها يغطي على الصالح وبما انو البلدية عارفة بلي راه كاين هاد العباد الي خدمتهم الفساد والسرقة لكل شيء لو كان فراي كان لازم تعمل احطياطات امنية يعني على اقل تقدير ادير حارس للمكان بما انو من الصعب نوفروكامرات مراقبة ولو انو كان من المفروض انتو اصحاب الحي تعسو على واش ندار وادا شفتو واحد يخرب تتصلو بالشرطة حتى لو كانت الشرطة تأتي بعد خراب مالطة بصح المهم تكونو حاولتو تحمو شيء تعمل لولادكم وطبعا هاد الامر في بلايص بزاف وينطبق على امور كثيرة

ياه يا عائشة وش تعسي وش تخلي نورمالمو هادي حاجة بلا عسة راهي ليهم
تامني بربي كي داروه جديد دارولو عساس باه يحلهم البيبان يلعبو هذاك العساس مسكين نهار كامل وهما عقابو بالسبان والبهادل حتى كره والله المخلوق يتشمبطولو على كتافو ههههه
كره منهم راح
ولاالامن ههههه لي راك تهدري عليه حنا العمارة تاعنا حذا ل بريg اد يعني الدرك نهار كامل هما يتفرجو والله مهم لا تييين
​

 

[joumane]

الشعب تاعنا مش متربي ومش متحضر ومايستاهلش الامور هادي احنا مليحنا نعيشو في العصر الحجري
هادا واقع معاش مايصلحلنا والو والله الواحد يحب بلادو مي كي يتفكر الامور هادي يقول منرجعلهاش طووول

 

[hadda0425]

أهلا بيك حدة
يعطيك الصحة على الموضوع الباهي
الشعب تاعنا ألي ماهوش متربي وماهوش متحضر ومازلنا بعاد على الحضارة والتربية
حنا فالثانوية لولاد فنهاية السنة قطعو السبورات تاع الأيمينيوم خلاو الحالة وراح يخسرو والديهم
من بعد يقلك او يحي وبوتفليقة ومانعرف
علاه اويحي ألي جا ونحى السياج ؟؟؟؟
​

الله يسلمك سفيان
شت هادي السبورة يقراو فيها زعم الجيل لي حيربي الجيل الجاي
يبالي ما عندهم مخ ما عندهم تفكير لوكان غير يتبعو سنة الرسول صلى الله عليه وسلم لوكان راهي خرجت عليهم لانو السنة النبوية جات من غير الحياة الطبيعية
يا خاوتي لوكان تشوفو اولاد الصين و اليابان يطبقو في السنة بلا ما يفيقو في التربية والاخلاق والنظافة ..... سبحان الله
​

 

[hadda0425]

الله غالب الظاهرة هاذي منتشرة في 48 ولاية في التراب الجزائري
السبب نتاعها راجع الى ان الثقافة معدومة و عدم التحلي بروح المسؤولية
​

نقدرو نقولو التوعية من الاولياء المعدومة تاني تساهم في التخريب
مثلا طفل يكسر حاجة تروح تشكي لباباه ماشي يحكم ولدو ينبهو ووعيه على الخطأ لالا
يخرجلك بموس ولا فاس ههههه
يقولك خلي يكسر يا خي تع الحكومة :s
تع الحكومة بصح راهي لبنك ولبني منهو لحيفهم ...
شكرا ليك اخي على التفاعل
​

 

[hadda0425]

صحيتي حدودة
امممممممم نقدرو نحملو المسؤولية للطرفين
البلدية اللي ما تعرف تخطط ما تعرف تنفذ
والشعب لي مش متحضر
احنا الحمدلله دايرينا الملاعب في كل حي يلعبو لولاد وتلقاي مام لي سيبورتور دايرين
كي تقدمي تلقاي وليدات تع 7 سنين يديرو في ماتش خخخخخخ
وعدنا صال فيها من جيهة صطاد بالطاpـي لخضر ومن الجيهة لوخرا صطاد تع الgودرون
وفالنص الصالة اللي يمارسو فيها الرياضات لوخرا
ما فسدوهاش بارسكو علابالهم كي يفسدوها تطفر فيهم غير هوما

المهم انا الفساد هدا وين شفتوعندنا ؟ فالجنانات
دالاتنا البلدية حول كل عمارة جنان غرسوه شجر ونباتات وسيجوه ودارو بيبان قفلوهم بالمفاتح زعم باش يجيو كل سمانة ينظفوه
مي لولاد الصغار يحبو يدخلو تما يلعبو فالحشيش والشياب يدخلو يسفلزو :d
قلعو السياج وبلايص ثقبوه مي معليهش او صامد شوي ههههه

ياو لا حياة لمن تنادي حدودة ،، ورانا شفنا لولاد كي تخلاص لقراية كيفاش يندبو للقسم
خويا يقرا فالليسي قالي وحد الكلاسة جابو ليصونص وحرقو القسم
عمري راسك درك
:-o
​

شتي يا مينات تلقاي القلة القليلة لي تفهم فيهاد لحوايج ويحاذرو بصح كي تغلب الاغلبية
تخرج الامور عن السيطرة
تشوفي حنا العمارة تاعنا مدايرين فيها جردينة لوط يعني الجار التحتاني قايم بيها شجر تع الزعرورة واجاص وورد وتيزانة ومداير سياج والله السياج هذاك نهار كامل متكيين عليه نظلو نعيطو عليهم ولا الفواكه هاذيك جيست يخرجو الحبات الي يدخلو يندبولهم تقول عمرهم ما كلاو هههههه
ربي يجيب جيل اخر يصلح هههههه
بالنسبة للمكان تع الماتيكو ايه صح من الاول بعد قلنا مش بلاصتو
لوكان نحكيلك على السوق وين بناوه حذا مدرسة تع الاولاد يعني الحيط في الحيط :-o
دك لولاد يركزو ولا يسمعو للناس لي تبيع والحس
مزال ما فتحش بصح هك حتكون الحطة
شكرا امونة
​

 

[hadda0425]

الشعب تاعنا مش متربي ومش متحضر ومايستاهلش الامور هادي احنا مليحنا نعيشو في العصر الحجري
هادا واقع معاش مايصلحلنا والو والله الواحد يحب بلادو مي كي يتفكر الامور هادي يقول منرجعلهاش طووول

مكلاه ترجعي اقعدي تم راك مليحة ههههه
مرسي لاليشكاعلى التفاعل نقولو ربي يهدي وخلاص
​