يا بنات قولولي حماتي(لعزوجة) واش دواها؟

ل

ليلى الشاوية

:: عضو منتسِب ::
دبرو عليا ربي يجازيكم خير.حماتي نار شاعلة .تحب تفهم كلشي.تسقسي على كلش.ادا خرجت وين ماشية.ادا ماطيبتش نخرج ف الجرنان ادا لبست كيفاه ادا خرجت مع راجلي تقول هادي كاش ما بقالها تحواس ,ولدت والله ما جابت بيا خبر تحبني انا الي نقوم بيها,عمرها ما هزت ولا لعبت مع ولدي.آخر حاجة جات عندي ضيفة او حاوزتني من داري ,قالت لراجلي حبسها من الخدمة قالها لالا.هدا بلاشي الهدرة عليا عتد الناس,راهي معفونة سحرت ولدي راه يحبها.ما تغسليش حوايجي ,ما تهزليش فراشي .ما تدينيش نحوس معاها,..................والله كرهت قولولي واش الحل .ادا نحقرها ,حتى لوين ,ادا نوكل عليها ربي آني قريب نجن...دبرو عليا يااااااااااااااااااانااااااااااااااااااااس.:@:@:@:@
 
السلام عليكم
واش نقولك ياختى الله يكون معاك
حاولى تتجهليها متعمريش راسك بيها
واياك تخلى زوجك يحقر عليها راهى فى اول واخر امو ولا دعات عليه مرايحينش تربحو
انا من راي درى روحك مسمعتيهاش خلاص حتى يفرج الله انا الله مع الصابرين
وديما تتدكرى راكى عندك ولد كما تدين تدان والله معاك
 
المشكل وين _راهي حالفة تخرجني من دري يعني اطلقني يا لوكان بالسحر كيما راهي تقول.ما نخبيش عليك والله راني خايفة.حتى راجلي مانحكيلوش يسمع من برا.مهما كان الشيء الي نديرو ممكن ولدي ايديرو كي يكبر ,عييت ما نحقر .فديت,,,,,,,,,,,,,,,,,,,,شكرا iman على مشاركتي همومي
 
ادعي لربي يهديها
وديما في فمك الدعاء هادا

ياحيّ ياقيوم برحمتك استغيث

كل ماهي تقابلك بالسوء انتي قابليها بالحُسنى
ماتعانديهاش
وديما ديري في بالك بلي كبيرة وجاهلة
وانتي اعقل منها
على الاقل تربحي الاجر فيها وهيا ربي يهديها
ومتنسايش بلي والدة راجلك
مهما يكون ديري لي عليك وربي معاك
سلامي
​
 
توقيع السلطانة
شوفي ليلى المهم راجلك يكون فاهم بلي هي لي ظالماتك هاك تكوني مطمنة من جهة راجلك لانو القرارالاول والاخير في يدو وهي ما عندها مادخلها
كيفاش تتعاملي معاها(هاذي بغات بسيكو هههه) طنشيها لانها انسانة ممكن تكون من العجايز تع بكري لي ينشنشو ويحوسو على الكنة انت ما تعمريش راسك بيها خليها دير وش تحب وتقول وش بغات وما تعاندهاش وما ترديلهاش الكلام بالنسبة لخدمتك هاذي حاجة تخصك وتخص زوجك واحد ما يقدر يدخل فيها
ربي يكون معاك
​
 
ربي يهديها وربي يكون معاك ويحسن عونك عليها
انتي يا اختي حاولي تخرجيها معاك وسايسيها وماترديش عليها كي تهدر اسكتي وخليها برك
صافي نتي خلي غير المليحة تجي من عندك وهي درك راهي كبيرة والانسان كلما يكبر عقله يصغار كيما يقولو وهي راهي حاسبة اديتيلها وليدها خلاص وهو انساها مي نتوما حاولو تبينولها العكس بلي مازلتو تحبوها وتحتارموها وخاولو تشاوروها في امور حتى ولو كانت صغيرة و جامليها بالهدايا كل مرة واهدري عليها غير بالخير حتى ولو جاتك هدرة بلي راهي هدرت فيك وماخلاتلكش نتي ارفضي الكلام المسموع وكبري قلبك واكيد راجلك رايح يديرك في عينيه وهي تاني تعيا وتمل من الهدرة وحدها سيرتو ايلا نتي مادرتيلها والو
ربي معاك حنونة وكبري قلبك قاوي وادعي ربي يصبرك ويعطيلك قوة الاحتمال
ميرسي تقبلي مروري
 
هادا وين جبت فيها معركة طاحنة مع بعلي علاجال امو
ربي وكيلها
القاي حل و ردي عليا
اآآآآآآآآآآآآآآآآآآآآآآآآآآآآآآآآآآه منها آآآآآآه
ماعندي مانهدر
انا حيغمى عليا منها:cray01::cray01::cray01::cray01::cray01:
 
شكرا على التفاعل, اليوم وقعت قرة في داري قولو وعلاه......حماتي العزيزة قاتلي ما تلبسيش السروال مع انني ارتديه لكن مع بلوزة طويلة قالك حقا حقا ما عندناش النسا الي تلبس السراول,,,,,,,, او هي تشوفو لبستها بنت ال18.تقولولي خرفت ,,انا الي قريب نخرف.يااااااااااام ساجد انتي الي تحسي بيا.يا ناس مش عام ولا اثنين هادو 9 سنين و انا مع لالا عيني,,,,,,,:@:s:(
 
ربي يكون في عونك
اصبري حنونة ان الصبر جمييييييل
نورمال قالتلك على السروال نحيه وشوفيها وخليها دير رايها المهم ماتدخلش بينك وبين زوجك في امور خاصة برك قتلك كمليها بضحكة برك معاها هي راهي لاقيا راحتها معاك كلما تحاول تديرلك مشكل تلقاك بسرعة تتنرفزي وتبان عليك وعلاش ماديريلهاش رايها وخليها تبرد غير وحدها والله غير راني شايفة بزااف من هذي العجايز بنت عمتي تجي تقابلها وغير تهدر تهدر تهدر وهي غير تضحك برك ودارت قاع واش تحب كيما قضية السروال هذي هي تاني منعاتو عليها وصدقيني بعد مرور الوقت رجعت هذي العجوز والكنة سمن على عسل وراهي تشاورها في كلشي وتحب تخرج غير معاها وراهي درك تلبس السروال عادي
المهم نتي كبري قلبك هي عندها شحناس سالبة تحب النكد نتي لازم تقابليها بشحنات موجبة بالضحكة و تدي رايها شوية
ونتمنى تدي برايي وتصبري
 
قال سمية25:
ربي يهديها وربي يكون معاك ويحسن عونك عليها
انتي يا اختي حاولي تخرجيها معاك وسايسيها وماترديش عليها كي تهدر اسكتي وخليها برك
صافي نتي خلي غير المليحة تجي من عندك وهي درك راهي كبيرة والانسان كلما يكبر عقله يصغار كيما يقولو وهي راهي حاسبة اديتيلها وليدها خلاص وهو انساها مي نتوما حاولو تبينولها العكس بلي مازلتو تحبوها وتحتارموها وخاولو تشاوروها في امور حتى ولو كانت صغيرة و جامليها بالهدايا كل مرة واهدري عليها غير بالخير حتى ولو جاتك هدرة بلي راهي هدرت فيك وماخلاتلكش نتي ارفضي الكلام المسموع وكبري قلبك واكيد راجلك رايح يديرك في عينيه وهي تاني تعكنيا وتمل من الهدرة وحدها سيرتو ايلا نتي مادرتيلها والو
ربي معاك حنونة وكبري قلبك قاوي وادعي ربي يصبرك ويعطيلك قوة الاحتمال
ميرسي تقبلي مروري
إضغط للتوسيع...

مرات الكنة تكون لاباس بيها
تجيها هدرة من مرت سلفها مثلا
سيرتو مرت السلف بعد
لي تكون فتانة تدير المشاكل
تلوح الكنة ديك على راسها وتجبد هي

​
 
توقيع السلطانة
ربي يكون في عونك ومشاكل الكنة والعجوز ديما هكا ما تفراش والعجايز ديما يحبو يفهمو كل صغيرة وكبيرة انت اعمليلها برايها واش تقول قولي ايه ومن بعد ديري واش متفاهمة انت وراجلك وشدي في ربي والدعاء وربي يسهل امورك ان شاءا لله
 
الله يهديها ويهدي قاع اللي يحبو يديرو مابين الزوجة وراجلها
الله يكون في عونك
 
مهما كان الام تبقى ام

و كما تعزي امك تتحمليها مهما كانت

توجب عليك ام راجلك نفس الشيء

و كما قلتي مايحس بالجمرة غير الي كواتو

ثاني ربي وصا بالوالدين

كي يكبر المرء يوصل لدرجة يولي طفل صغير

ويخلق جو المشاكل غير باه يبين روحو و كل واحد و كيفاه يكون

و خاصة الام تحس انو جات الي تسرق وليدها و تحاول كيفاه تجبدو ليها و تبقى ديما هي الاولى

عليها لازم نتعلمو كيفاه نتعاملو معاهم و نسيسوهم

و ربي يكون معاك احتي هذا الي نقدر نساعدك بيه

​
 
قال ليلى الشاوية:
المشكل وين _راهي حالفة تخرجني من دري يعني اطلقني يا لوكان بالسحر كيما راهي تقول.ما نخبيش عليك والله راني خايفة.حتى راجلي مانحكيلوش يسمع من برا.مهما كان الشيء الي نديرو ممكن ولدي ايديرو كي يكبر ,عييت ما نحقر .فديت,,,,,,,,,,,,,,,,,,,,شكرا iman على مشاركتي همومي
إضغط للتوسيع...

كلات كسرتها و تحوس تاكل كسرتك اضربيها بصماطة ولحقرة هذا لي قال رجل ف دنيا ورجل ف الاخرة ربي يهدي ماخلق !!!!!!!!!!!!!!!!!!!!!!!!!!!!!!!!
 
ربي يهديها وانت فوتي نهار طنشيها ونهار سايسيها ونهار ديري رايها ونهار برديلها برايك
 
هناك مثل يقول
اذا تفاهمت العجوز والكنة يدخل ابليس الجنة
ساكون منصفة لا معك ولا ضدك العجوزة قبل كل شيء هي ام
والغيرة على ابنها منك شيء طبيعي هي ترى فيك صغرها الذي ضاعا
في تربية الاولاد وخدمة الزوج ترى فيك المراة العاملة والمتعلمة
المتحررة ماديا وفكريا وهذا لم تتمتع هي به
فهو نوع من الانتقام ليس منك بل من الزمن ولذا عليك ان تسيريها وتسيري على حسب خطواتها
فما الذي يقلقك عندما تقول حماتك لابنها الذي هو زوجك ان زوجتك (معفونة)
افهمي ما اقول جيدا
زوجك سيصدق امه اذا كنت فعلا كذلك وسيكذبها اذا كان العكس انت ادرى بذلك
عندما تتكلم عليك عند الغير بسوء ما الدليل والذي جاء لك بالخبر لماذا لم يدافع عنك في الغيب اذن ليس كل ما يقال لك حقيقة فاهل الفتن ما اكثرهم
والنفترض انها فعلا تكلمت عليك خذي سر عمري
كلما جاءني احد وقال ان فلان وعلان تكلم فيك اقول المهم الذي تكلم يعرف جيدا انه عندما كان يتكلم كان يكذب يكفي هذا لا ابرر لا اقابل ولا اشرح
خذيها مني قاعدة في حياتك
والعجوزة نشتريها كالطفل الصغير قدمي لها من حين لاخر هدية
تهادو تحابو حديث شريف
كلما رمتكي بالحجارة ارميها بالثمار كوني انت شجرة التفاح ستتعب امام
صبرك وقوة شخصيتك
وتاكدي من شيء لن يصيبك الا ما كتب الله لك الزواج بيد الله والطلاق بيد الله
كوني ذكية كوني العاقلة الراشدة لا للعناد والصمت افضل الحلول
وكلي امرك لله واكثري من الدعاء لها بالهداية
لان لو قلبنا الاية ووضعتي امك مكان عجوزتك وانت مكان زوجة اخوك ستنظرين الى الاشياء بعين اخرى ستعطينا كل الحق لامك وتلومين كنتكم
وفي الاخيركوني متاكدة
ان المراة الي ما شبعت مرار ما تعمر الدار ولا يوجد بيت مبني على التمر الا الذي مبني على الجمر
وتستمر الحياة
اتمنى ان تفهمي قصدي وبالتوفيق ان شاء الله
 
hadi akbar mochkil fe denia kayen 3djayez rabi y3afina
rabi m3ak khti wellah hassite bik
ana khti kanete t3ani m3a 3djouzatha oumba3d ki 3djozatha zewdjate wladha 3arfete kimat okhti telbate menha smah
rabi yhanik khti
 
تنبيه: نظرًا لتوقف النقاش في هذا الموضوع منذ 365 يومًا.
قد يكون المحتوى قديمًا أو لم يعد مناسبًا، لذا يُنصح بإشاء موضوع جديد.
العودة
Top Bottom