نتا مش نظيف ;;;; بصح الراجل ماينعابش

[nihade.off]

السلام عليكم
ان شاء الله كامل بخير
اليوم معا نضت الصباح عيطتلي صحبتي و قاتلي
راني فسخت الخطبة
نرجعو اللور شوي باش نفهمو مليح القصة
صحبتي هدي قارية pharmacie و مخلصة و بنت ناس
و حقيقة ماشاء الله لباس اخلاق المهم
جا مكتوبها و قبلت ودارو الخطبة و من بعد هدرة تجيب هدرة حتان قاتلها صحبتها بلي خطيبها هادا كانت عندو علاقات من قبل;
الطفلة سقساتو للتاكد قالها نعم هي قاتلو اسمحلي مانقدرش نكمل مع واحد مش نظيف
و كي قالت لدارهم لاموها و قالولها الراجل ماينعابش خصوصا في هاد النقطة لكن هي اصرت و فسخو الخطبة اليوم
اذن واش ريكم في واش صرا يا ناس اللمة ?
و انتوما يا البنات ديرو كيفها و لا تلعبوها ماسمعتو والو ?
و انتوما يا الولاد كون جيت في بلاصتو تندم شوي على واش كنت تدير و لا والو ?
سلام​

 

[حفيد هواري بومدين]

من حقها من جيهة ولكان جات تحبو صح ماتفرطش فيه دونك الراجل مخدوع

وافقت على الموضوع

 

[Eva dz]

اختي نشكرك على موضوعك و نقولك على الاقل راهو استعرف و قال نعم


و لربما كان نادم و ناوي يبدا من جديد و كاين صحابات و انا لا اقصد صديقة هاد المخلوقة مي نقولك كاين ناس يحوسو على زلات الغير باه ما يزوجوش خصوصا اذا كانو هوما موش مزوجين يعني يتمشاو بسياسة نلعب و لا نحرم


انا تاني يا اختي كيفها ممكن نفسخ مي اذا لقيتو نادم و نحبو واش ندير ربي بلاني مي بشرط انو يتوب و تاني ما شكيتش يصرا هاك خاطش واحد لازم يكون ملتزم ووو و ربي يرزق كل بنات المسلمين بالزوج الصالح


سلام

 

[amina fifi]

والله يا ختي أنا في بلاصتها لوكان نتحط في نفس الموقف...نشوف قبل عقلية خطيبي..إذا كان ندم فعلا ...وتاب ...فالله سبحانه يحب التوابين ويحب المتطهرين ...فكيف لا اقبله أنا ...؟؟؟ومع ذالك كل واحدة وعقليتها ...ومن حقها كذالك تفشخ الخطوبة لكن بصراحة باش تلقى واحد في وقتنا هذا ماعندوش ماضي ...وماعندوش سوابق ...بصراحة والله غير صعيبة شوية إذا لم تكن مستحيلة ...والله أعلم

 

[Sẻl Mā]

مليح كي ستعرف وقالها ايه
ومكذبش عليها
بصح هي كون جات تحبو وناوية تكمل معاه
متحبسش على جال حاجة كيما هكذا
بلاك حآب يبدآ حيآتو من جديد


sLm​

 

[The DoN]

من حقها ...
مي حكى معاها بصراحة، هذي ثاني تحسب ليه
​

 

[nanoche]

العيب ماشي في واش يدير الراجل قبل الزواج العيب لما يستمر فيه
و هو على الأقل كان صريح و هذا دليل على انو كان و ماشي ناوي يرجع أو انو اختار الزواج باش يحصن روحو و اذا اختارها هي فأكيد لميزة ما لقاهاش في هاذوك اللي كان يدور معهن
اسمحيلي صديقتك غلطت لما فسخت الخطوبة كانت قادرة هي اللي تزيد تجبدو ليها و ما تخليهش يعاود يرجع للعمى اللي كان فيه مي راهو باين بليك هي ضعيفة و ماشي قادرة على شقاها
و على كل حال كل شيء بالمكتوب مي ان شاء الله ما تندمش لأنه ماشي كامل سبة هاذي ووين راهو الراجل اللي ما عملش علاقات مهما كانت بسيطة او تجاوز فيها الحدود هاذي ترجع لأخلاق كل واحد وطيش الشباب و اللي جابتلها الهدرة اكيد ماشي حابة تعمل مزية و انما اكيد كاين عندها سبة باش تخربلها الخطوبة ديالها حتى و لو من باب الغيرة
شكرا حبيبتي على الموضوع
​

 

[ماكانش]

إذا هيا نظيفة عندها الحق
الراجل هذا لعب لعب من بعد خطب بنت فاميلة فارماسي ...
​

 

[أم راضية ~_]

السلام عليكم
زعمة تلقى راجل ما يعرف حتى مخلوقة من غير امو و خواتاتو و خالاتو وعماتو و جداتو هادي مستحييييييييييييل
الصح والرسمي الحاضر والمستقبل
وعفا الله عما سلف
؟
و ربي يسهللها ان شاء الله​

 

[serinee]

السلام عليكم
شكا على الموضوع
انا شفت الموضوع من زواية
انو الفتاة شافت روحها مشاء الله تربية و اخلاق
يعني هدا الانسان ميستهلهاش هدا سبب لي خلاها تفسخ الخطوبة و الله اعلم
​

 

[ђĩหđǿĉħǻ]

انا لوكان جيت في بلاصتها ....نفس المووقف...
الله غاالب شكوونن اللي يحب يوقع في فخ
تقوولك كيما كان مع اللي سبقو يدير معايا...عندها الحق
​

 

[nihade.off]

من حقها من جيهة ولكان جات تحبو صح ماتفرطش فيه دونك الراجل مخدوع

وافقت على الموضوع

مخدوع في انها تحبو !! حتى اذا كانت تحبو انا نظن حاجة كيما هادي مافيهاش غير الحب و العواطف​

 

[nihade.off]

اختي نشكرك على موضوعك و نقولك على الاقل راهو استعرف و قال نعم


و لربما كان نادم و ناوي يبدا من جديد و كاين صحابات و انا لا اقصد صديقة هاد المخلوقة مي نقولك كاين ناس يحوسو على زلات الغير باه ما يزوجوش خصوصا اذا كانو هوما موش مزوجين يعني يتمشاو بسياسة نلعب و لا نحرم


انا تاني يا اختي كيفها ممكن نفسخ مي اذا لقيتو نادم و نحبو واش ندير ربي بلاني مي بشرط انو يتوب و تاني ما شكيتش يصرا هاك خاطش واحد لازم يكون ملتزم ووو و ربي يرزق كل بنات المسلمين بالزوج الصالح


سلام

عفوا اختي
صح كاين هاد النوع من الصحابات غيارة فسادة
بصح الجملة الاخيرة مافهامتهاش !!​

 

[حفيد هواري بومدين]

او ستعرف .. ربي غفرلو اسفيان وهي ماتغفرلوش ؟؟؟ لاه قبلت من الأول مالا​

إذا هيا نظيفة عندها الحق
الراجل هذا لعب لعب من بعد خطب بنت فاميلة فارماسي ...
​

 

[nihade.off]

والله يا ختي أنا في بلاصتها لوكان نتحط في نفس الموقف...نشوف قبل عقلية خطيبي..إذا كان ندم فعلا ...وتاب ...فالله سبحانه يحب التوابين ويحب المتطهرين ...فكيف لا اقبله أنا ...؟؟؟ومع ذالك كل واحدة وعقليتها ...ومن حقها كذالك تفشخ الخطوبة لكن بصراحة باش تلقى واحد في وقتنا هذا ماعندوش ماضي ...وماعندوش سوابق ...بصراحة والله غير صعيبة شوية إذا لم تكن مستحيلة ...والله أعلم

شكرا على الاضافة بصح اختي كون هو اللي سمع عليك هاد الهدرة في رايك راح يشوف لعقليتك ؟
و انا نظن بلي مازال كاين ولاد الاصل و الرجال نتاع الصح اللي ماعرفو حتى وحدة ​

 

[nihade.off]

او ستعرف .. ربي غفرلو اسفيان وهي ماتغفرلوش ؟؟؟ لاه قبلت من الأول مالا​

واحد ماعلابالو بالنية نتاعو و مام يكون تاب مش معناتو كي ماقبلتش بيه ماتغفرلوش مي حبت تدي واحد كيفها و استخسرت روحها في واحد كيما هذاك
+ قبلت على خاطر تحسبو نظيف ​

 

[SETIF étudiant]

السلام عليكم

 

[SETIF étudiant]

السلام عليكم
ما تحطوش الناس بكل في سلة واحدة.... تزيدو لرواحكم وتنقصوا لغيركم ( كما جاء في بعض الردود) هادوك اشباه الرجال ما يمثلو غير انفسهم.... وانا نقول مع هاد الجيل ومع نساء اخر زمن درك لي ما عندهاش صاحبها نبقى نحير فيها حاشا القلة
المثل يقول ما يتزاوجو حتى يتشابهو ومن حقها الا صفات تحوس علي يصفالها... مي الاخت نهاد الانسان بحاضرو ماشي بماضيه والتوبة تجب ما قبلها

 

[nihade.off]

او ستعرف .. ربي غفرلو اسفيان وهي ماتغفرلوش ؟؟؟ لاه قبلت من الأول مالا​

واحد ماعلابالو بالنية نتاعو و مام يكون تاب مش معناتو كي ماقبلتش بيه ماتغفرلوش مي حبت تدي واحد كيفها و استخسرت روحها في واحد كيما هذاك
+ قبلت على خاطر تحسبو نظيف ​

 

[nihade.off]

مليح كي ستعرف وقالها ايه
ومكذبش عليها
بصح هي كون جات تحبو وناوية تكمل معاه
متحبسش على جال حاجة كيما هكذا
بلاك حآب يبدآ حيآتو من جديد


sLm​

شكرا على المرور اختي
بصح انا نظن بلي هاذي حاجة مش صغيرة ​