gريgري......خلي جوزك ست و خليكي راجل البيت

[nina usma]

السلام عليكم و رحمة الله و بركاته

صباح\مساء الخير ناس اللمة العزاز

نسا و رجال اللمة بيناتنا .. واش درتو كي قريتو هاد التيتغ

انا نقوللكم...

النسا دخلتو فرحانين

و الرجال دخلو حالفين

.. ياو الهربة تسلك

هههههه

اياو نبدالكم السوجي و حكايتي معى جوزك ست

يا سيدي كنت ف نت نحوس على ماش غوسات باه نبرونزي شوية

جاتني ف راسي و كتبت-وصفات جدتي السحرية-

انا قلت كاشما نستفاد من الجدة

ايا لتم كانت الكارثة

عبد مسمي روحي .......

وكاتب وصفات ف منتدى و اهم العناوين... كيف تقضي على مستقبل من تكرهين.....-من لم يتزوجك لن يتزوج ابدااا.... -و تيتغ لي راني كاتباتو......

انا دخت و زدت دخت و حبيت ندوخكم معايا

ياو هادا اكبر سحار و العياد بالله

و زيد لقيت الغاششي داخلين بلاشان و يشكرو فيه تان علا واش يشكرو معلاباليش

المهم واش جاني ف راسي..........

-اسكو تعرفو عباد سحارين

او واش رايكم ف الناس لي يدخلو لهاد المواقع تاع السحر.......

وادا عندكم اضافة زيدوها .. المجال مفتوح على السخر -السحارين-و حكاياتكم ادا عندكم

ملاحظة-

بالاكو تدخلو ل-وصفات جدتي- سينو منزيد نحكيلكم والو

-وايدا من جيهتكم سحارين غير ايvيتيو تتصورو سينو تخلاص عليكم في فم القط ههههه

كانت معاكم ختيتكم حنان

nina usma

 

[بنت الـ25]

اهلين نينا
موضوع يشد مالعينوان خخخخ
انا فقتلو من اللول عرفتو يحكي على هاد الامورات
بصح ما تصورتش كاين موقع فالنت يعلم الناس السحر؟ تبا ناس تشري فجهنم شرا
يا ختي انا هاد الدومان نكرهو ومنحبش نحكي فيه بزاف مع اني نآمن بالسحر والسحارين
تبقى الوقاية اهم طرق العلاج،، الإنسان يحصن نفسو بالأذكار والدعاء وربي يقول
وما هم بضارين به من أحد إلا بإذن الله
ربي يهدي ما خلق
مشكورة على الميضوع نينا
​

 

[سمسم السمسومة]

ذركا دعاوي الشر انتشروا في كل بلاصة و الناس رجعت قدام ربي و عبادوا تتعلم هاذ الحوايج على خاطر لقاو لي فاتحلهم المجال...هذا ما بقى غير نتعلموا نديروا السحور على بيها قعدنا ورا التخلف....و صدقيني هاذ الحوايج علاه منتشرة على خاطر حنا و بطريقة مباشرة و غير مباشرة لي رانا نمولوا فيها...ربي يهدينا يا رب و يقدر الخير

 

[nina usma]

اهلين نينا
موضوع يشد مالعينوان خخخخ
انا فقتلو من اللول عرفتو يحكي على هاد الامورات
بصح ما تصورتش كاين موقع فالنت يعلم الناس السحر؟ تبا ناس تشري فجهنم شرا
يا ختي انا هاد الدومان نكرهو ومنحبش نحكي فيه بزاف مع اني نآمن بالسحر والسحارين
تبقى الوقاية اهم طرق العلاج،، الإنسان يحصن نفسو بالأذكار والدعاء وربي يقول
وما هم بضارين به من أحد إلا بإذن الله
ربي يهدي ما خلق
مشكورة على الميضوع نينا
​

صحيتي مينات عل الاعتماد

و كيما قلتي راهم يشرو فجهنم بروحهم

​

ربي يهدي جميع الناس

مشكورة ع المرور​

 

[nina usma]

ذركا دعاوي الشر انتشروا في كل بلاصة و الناس رجعت قدام ربي و عبادوا تتعلم هاذ الحوايج على خاطر لقاو لي فاتحلهم المجال...هذا ما بقى غير نتعلموا نديروا السحور على بيها قعدنا ورا التخلف....و صدقيني هاذ الحوايج علاه منتشرة على خاطر حنا و بطريقة مباشرة و غير مباشرة لي رانا نمولوا فيها...ربي يهدينا يا رب و يقدر الخير

و حتى حنا رانا نلقاو روحنا معى هادو الناس بطريقة غير مباشرة

شفتي غلطة صغيرة مني لقيت روخي نقرا ف مواضيع اكبر المشعودين ..و العياد بالله

مشكورة خيتو​

 

[SETIF étudiant]

للاسف الشديد هاذو دعاوي الشر هي لي خلاتنا في القرون الوسطى .... القاوري خرج من لابلانيت والعربي مازال يبلوكي في التوالات (حاشاكم) ....
انا اؤمن بالسحور ها النبي صلى الله عليه وسلم واتسحر ....مثلا برك شعرة واحدة من راسك برك تقدر تبدلك وتحطملك حياتك الا ما تحبش ذيك طفلة ترجع تحبها بسيف صعيب الحال ياو خخخخخخخخخخخخخخخخخخ .... وكان جينا نطبقو حكم الشرع على المشعوذين بقطع الراس كيما في السعودية برك كان راها الامة تصلح ....

 

[serinee]

اهلا بك و مشكورة على الموضوع
انا صراحة كي قريت العنوان او اندهشت و زادت دهشتي كي قريت ياخاه و العياظ بالله ناس متخافش ربي
اي السحر كاين و دركا كثر ختاش الناس دركا ولات ديرلك سحر باش تحطملك كامل حياتك
ربي يهديهم
و يحفظنا ان شاء الله
​

 

[ماكانش]

رب عافينا
لمرا تسحر الراجحل بانوثتها واخلاقها
والراجل يسحرها بروجوليتو
انا تسحرني طفلة عندها الدراهم وزينونة السماح هههه
​

 

[nina usma]

للاسف الشديد هاذو دعاوي الشر هي لي خلاتنا في القرون الوسطى .... القاوري خرج من لابلانيت والعربي مازال يبلوكي في التوالات (حاشاكم) ....
انا اؤمن بالسحور ها النبي صلى الله عليه وسلم واتسحر ....مثلا برك شعرة واحدة من راسك برك تقدر تبدلك وتحطملك حياتك الا ما تحبش ذيك طفلة ترجع تحبها بسيف صعيب الحال ياو خخخخخخخخخخخخخخخخخخ .... وكان جينا نطبقو حكم الشرع على المشعوذين بقطع الراس كيما في السعودية برك كان راها الامة تصلح ....

صحيت خويا السطايفيي

يا خو واش رايح دير هادو هوما لعرب

و قطع الراس اوبليجي خاطر خلااااص موليناش نديرو الكونفيونص حتى ف خيالنا مرقوووووووووووها

انا ايميجيني نعرف 2سحارات راهم حالفين فيا ...

ربببي يستر ههههه

مشكووووور​

 

[nina usma]

اهلا بك و مشكورة على الموضوع
انا صراحة كي قريت العنوان او اندهشت و زادت دهشتي كي قريت ياخاه و العياظ بالله ناس متخافش ربي
اي السحر كاين و دركا كثر ختاش الناس دركا ولات ديرلك سحر باش تحطملك كامل حياتك
ربي يهديهم
و يحفظنا ان شاء الله
​

كيف تقضي على حياة من لم يحبك...... واش نزييدو كتر:s​

 

[nina usma]

رب عافينا
لمرا تسحر الراجحل بانوثتها واخلاقها
والراجل يسحرها بروجوليتو
انا تسحرني طفلة عندها الدراهم وزينونة السماح هههه
​

سفيان هادي مدة مبنتش هنا ع السلامة

ياو غير اشرب كاس ما بارد الزينات الرجال عليهم بالعرام تسما ما يسحرش

صحيت خويا

 

[serinee]

كيف تقضي على حياة من لم يحبك...... واش نزييدو كتر:s​

اي هدا ما يسمى بالجهل و عدم الايمان بقضاء الله و قدره
تقولك يا اما يديني انا يا اما نخربلو حياتو يقعد هكداك طول حياتو
مشكورة للمرة 2
​

 

[nina usma]

اي هدا ما يسمى بالجهل و عدم الايمان بقضاء الله و قدره
تقولك يا اما يديني انا يا اما نخربلو حياتو يقعد هكداك طول حياتو
مشكورة للمرة 2
​

ربي يهديهم و يهدينا اجمعين على كل حال

صحيتي

:regards01:​

 

[ماكانش]

سفيان هادي مدة مبنتش هنا ع السلامة

ياو غير اشرب كاس ما بارد الزينات الرجال عليهم بالعرام تسما ما يسحرش

صحيت خويا

ههه صح وين راح نلحقو عليهم فمابالك هوما يلتاو بينا ههه

 

[nina usma]

ههه صح وين راح نلحقو عليهم فمابالك هوما يلتاو بينا ههه

هههه و الله ادا لتهات بيك مرا غير قول ان لله و ان اليه راجعون

و اطلب الرحمة لروحك هادا اضعف الايمان

هههههههه

:d​

 

[AnGeL*dZ]

ياو عاد السحر باغ أنترنات
لعرب في هاذو لحوايج برك فوحل
ربي يهدي عبادو ويهدينا
​

 

[nina usma]

ياو عاد السحر باغ أنترنات
لعرب في هاذو لحوايج برك فوحل
ربي يهدي عبادو ويهدينا
​

مي نتوما ف صومال معندكومش سحارين:s

ههههه

الله يهدينا و صح لعرب فحولا غير ف شكيل​

 

[ماكانش]

هههه و الله ادا لتهات بيك مرا غير قول ان لله و ان اليه راجعون

و اطلب الرحمة لروحك هادا اضعف الايمان

هههههههه

:d​

ههههههههه
أني قتلك قبيل اذا مليحة مرحبا هههه

 

[nanoche]

مساء النور يا نينا
هههههههه مرسي على الموضوع و على العنوان مي نقلك حاجة ؟؟؟ أنا قريت غير الكلمة اللولة gريgري و ما كملتش و من خلال المحتوى عاودت رجعت و قريت العنوان مليح هههههه
أنا نقول ربي يبعد علينا هاذ الأمور مي على بالي بليك كاين بزاف منهم على النت و في الايميل ديالي توصلني بزاف اشهارات على ناس كيما هادوما رغم أني ما نحاولش مامpا ندخل ليهم مي منذ سنة 1997 مازالهم الى اليوم يبعتولي في ليروسات ههههه و زادو من عامين حتى الgور راهم يبعتولي و كل واحد واش مسمي روحو
الحمد لله أني ما نطيحش في لعبهم
الله يهدينا و يثبتنا على الدين يااا ربي
​

 

[nina usma]

ههههههههه
أني قتلك قبيل اذا مليحة مرحبا هههه

لي يسمعك يقول راك باير :p

ياو رانا كامل كيفكيف

هههههههههه​