قالوا سيسقطون الرئيس مرسي

[نوميدي]

قالوا أنهم سيسقطون الرئيس مرسي لانه لم يعد يملك اي شعبية .... إذن من هؤلاء ؟؟ أتحداهم يجيبو مظاهرة كيما هاذي فقط .... سيبقى هذا الموضوع مفتوحا إلى حين 30 يونيو وسأضع صورة عن مظاهرات المعارضة في نفس هذا الموضوع ليرى القارئ ويقارن بين المظاهرتين ايهتا أكبر حجما ... لكن بشرط لا اريد ذرائع .. لقد ولقد ولقد

 

[* بنت النيل *]

مبدأياً , انا مش شايفه اى نهضه فى مصر , مفيش مشروع نهضه فى مصر , الا لو قطع الكهربا بأكتر من ساعتين فى اليوم ده بتسموه نهضه

مع العلم ان فى امتحانات ثانويه عامه دلوقتى فى مصر

تانى حاجه انا من المعارضين لحكم الاخوان , مع انى اديت " مرسى " صوتى فى جوله الاعاده

و برغم انى من المعارضه , الا انى مش عايزه اسقط " مرسى "

لسبب واحد

علشان ميجيش رئيس بعده , ميكونش على هواهم يقوموا يعملوا مظاهرات و يسحبوا الثقه و يشيلوه

يبقى كده مصر عمرها ما هتتقدم , ده بالعكس هترجع خطوات لورا

و اتمنى ان الاخوان يراجعوا نفسهم و ميقصوش الناس و ميستفزوش الشعب و يمكن مظاهرات المعارضه دى تصحيهم و تخليهم يفوقوا

آخر حاجه ان الاخوان لما بتنزل مليونيه تأييد , بيعملوا حشد

بمعنى , ان كلهم بيتجمعوا فى القاهره بس , محدش مثلاً بيعمل تأييد فى المنصوره الاسكندريه الصعيد

كله بينزل فى القاهره

على عكس المعارضه , المعارضه النصيب الاكبر بيكون فى القاهره و الاسكندريه , بس برده باقى المحافظات بيكون فيها مظاهرات

حد يقدر يقولى , ليه مش بيحصل اصابات فى مليونيات تأييد " مرسى " , لكن بيحصل دايماً للمعارضه ؟؟

 

[نوميدي]

حد يقدر يقولى , ليه مش بيحصل اصابات فى مليونيات تأييد " مرسى " , لكن بيحصل دايماً للمعارضه ؟؟

هذا دليل على أن ولا واحد من الذين يشاركون في مظاهرات الغسلاميين ينتمي إلى البلطجية ... البلطجة نجدها فقط في مظاهرات المعارضة التي هي في الحقيقة ليست مظاهرات بل هي أعمال بلطجة بامتياز

و برغم انى من المعارضه , الا انى مش عايزه اسقط " مرسى "

هذا هو عين العقل

 

[* بنت النيل *]

و ليه المعارضه لما تنزل مظاهرات تضرب بعضها ؟؟

و ليه المعارضه لما نزلت تتظاهر عند قصر الاتحاديه الاخوان هجموا عليهم ؟؟ و تسمى ده بإيه ؟؟

مش ده برده بلطجه و لا ليه مفهوم تانى عندك ؟؟

على فكره انا من محافظه المنوفيه - مسقط رأس حسنى مبارك و بلد المليون شفيق زى ما بيقولوا - انهارده حصلت اعمال بلطجه و ناس نزلت بالشوم كسروا العربيات و المحلات و خلوا الناس تقفل محلاتها بالعافيه فى شارع تجارى حيوى

اه نسيت اقول انهم كانوا بيهتفوا اسلاميه اسلاميه ,, و كإن هى دى الدعوه للاسلام !!!

تسمى ده بإيه ؟؟

حضرتك لو متابع القنوات عندنا هتعرف ان فى شيوخ بتحرض على قتل المعارضه

و نسيبنا من ده كله بقى , و نخلينا فى المؤتمر اللى " مرسى " عمله لتأييد سوريا

و اللى فيه شيخ طلع و كفر المعارضه و ادام " مرسى " و المفروض ان هو رئيس لكل المصريين

بس الايام بتثبت انه رئيس لجماعته و بس و الباقى ميفرقوش معاه

و هو معترضش , رغم ان مش من حق اى حد انه يكفر حد تانى

و بالرغم من ده كله احنا معارضه بس مش تبع البرادعى و حمدين لان الناس دى فقدت مؤيديها