الطفل طوايشي و الكبير منارفي ..الحالة اللي وصلنالها

[yasmine 4ever]

السلام عليكم و رحمة الله تعالى و بركاته

مرحبا يا ناس اللمة الكرام و الزوار نتاعها
ان شاء الله الجميع بخير
هادا أول موضوع ليا فهاد الركن الشباب اللي نموت عليه و على المواضيع المطروحة فيه:love01:

اليوم حبيت نحكيلكم على واحد الموقف صرا قدامي و كنت مع ماما و أختي
البارح قررنا نحبطو للمارشي كاشما نقضيو alors ماما قالتنا نحكمو الترامواي

و جابلي ربي الترامواي تاع الجزائر قاع يعرفوه و يعرفوا بللي معمر بالحكايات و المواقف و طبعا و كالعادة الترامواي ديما معمر و الغاشي الله يبارك ما كانش بلاصة حتى باش توقف :dunno01:
استنينا زوج راحو و فالثالث ركبنا
كان الcalme فالترامواي يعني الناس قاع تقصر و لكن بصوت منخفض حتى حبس عند واحد المحطة مدايرة بالضبط قدام واحد المسجد

فجأة سمعنا الهاراج و العياط انا خزرت فالباب كانت قدامي و نشوف واحد الجماعة نتاع ذراري الكبير فيهم تقريبا 13 سنة و الصغير نقولو9 سنين المهم كانو بين خمسة تقريبا والله ما شفيت بيان و كانو باينين طوايشيين بزاف يعني قدام الجامع كانو يغنيو و يعيطو بالاك خرجو مكاش ماتش ولا..:down:
هوما غير دخلو الحس زاد و بداو يخبطو فالباب تاع الطرامواي و يغنيو و يعيطو و الغاشي ساكتلهم حتان عيط عليهم واحد الراجل
هادوك الدراري نقصو شويا الvolume اما هاداك الصغير تاع 9 سنين باين راسو خشين و ما يحبش يفهم قعد غير يعيط حتى ناض ليه رجل كهل آخر قالوا يا طفل سكتنا شويا آآآو

هاداك الطفل زاد فالهدرة مع هاداك الراجل حتى تنارفا و ناض ليه جا رايح يضربو فجأة جا واحد jeune قاعد يفك ما بيناتهم و يقولو يا بابا هادا طفل صغير ,الراجل الكبير تهدن أما الطفل كمل عليها و بدا يزيد فالهدرة مع هاداك الjeune و يقولو نجيبلك حومتي و ما نعرف و هاداك الجون راهو متفاعل معاه فاللول كان يبان حكيم ممبعد ظهر طوايشي هههههه وقاعد يقولوا ما جيبهومش أنا نجي و زاد لعياط فالترامواي و ناض هاداك الراجل لكبير نفسو عاود عيط على الطفل...

المهم حتى حبسنا فواحد لاري الطفل خرج مع صحابو هوا برا و يعيط مع الراجل تصوروا و تالمون الراجل ما حملش تعرفوا واش دار :scared01:؟؟!!! خرج مالطرامواي و راح يجري موراه برا و واحد معلابالو واش صرا,:s
و هوما غير خرجو بداو التعاليق المضحكة داخل الترامواي:d


صراحة يا خاوتي آنا كي كنت قريبة بزاف من موقع الجريمة اقصد الحدث ههه كانو مقابليني معرفتش إلا نضحك ولا نتأسف على الحال اللي وصلنالها:down:

علابالي طولت عليكم حبيت برك نمدلكم التفاصيل ههههه
إليكم الخط نستنى التعاليق نتاعكم و أتمنى من المشرفين اعتماد الموضوع

في أمان الله

منتديات اللمة الجزائرية yasmine 4ever​

​

 

[بنت الـ25]

طبعا نعتمد الموضوع خخخخخ
اتأسفي على قلة التربية وتحسري على يامات زمان
دوكا ولى الكبير يحترم الصغير والصغير ما يحترمش الكبار :down:
بصح شكون المتسبب في ظاهرة كيما هادي؟
الأكيد ولد التسع سنين مزالو ما يعرف والو فهاد الدنيا
مي المنشأ غير سليم والديه ما رباوهش وما وقفوش عليه
وخلاوه يلتقطو مجتمع فاسد
وش يولي هدا؟ الأكيد هادي هي النتيجة والقادم أسوء
والكبير تاني مكانش يلزم يعاندو،، تبا حط عقلو بعقل ولد التسعة؟ :-o
حسبنا الله ونعم الوكيل ،، شر البلية ما يضحك :d
​

 

[SETIF étudiant]

هذا اكل من تربية المراة العاملة وابتعادنا عن الدين ................... يولدو ويرميو للشارع يربي خخخخخخخخخخ

اذا كان رب البيت ضاربا للدف .....فلا تلمن الصغـــــار على الرقص

 

[lina-67]

و الله اتاسف لما نسمع واش راه يصرى و الحال اللي لحقو ليه العرب المسلمين الصغير ما يقادر الكبير و الراجل ما يحترم المراة الا من رحم ربه و الله يا اختي راني في سنوات في دولة الغرب نركب الترام كل يوم واحد ما يهدر مع واحد كل واحد لاهي في روحو رغم انهم من مختلف الجنسيات و مختلف الديانات يعني نركب انا متحجبة مع واحدة يهودية وواحد هندي وواحد آفريكان وواحدة لابسة لبسة لا توصف ووو اطفال عجايز شباب كامل احترام متبادل الهدرة و ما تسمعيهاش و احنا شعب واحد جنسية وحدة دين واحد مازالنا هك دومآآج
التربية و ما ادراك ما التربية كلش على التربية

 

[AYITO]

يا اختي وش راح نقولك~ كل واحد وكيفاه تربى ~
~ شفتي هاد الوقت اللي وصلنا ليه ~~ ربي يهدي ما خلق ~~

 

[yasmine 4ever]

طبعا نعتمد الموضوع خخخخخ
اتأسفي على قلة التربية وتحسري على يامات زمان
دوكا ولى الكبير يحترم الصغير والصغير ما يحترمش الكبار :down:
بصح شكون المتسبب في ظاهرة كيما هادي؟
الأكيد ولد التسع سنين مزالو ما يعرف والو فهاد الدنيا
مي المنشأ غير سليم والديه ما رباوهش وما وقفوش عليه
وخلاوه يلتقطو مجتمع فاسد
وش يولي هدا؟ الأكيد هادي هي النتيجة والقادم أسوء
والكبير تاني مكانش يلزم يعاندو،، تبا حط عقلو بعقل ولد التسعة؟ :-o
حسبنا الله ونعم الوكيل ،، شر البلية ما يضحك :d

إيييه صح عندك الحق الطفل الصغير منلوموهش نلومو الولي نتاعو اللي خلاه يتربى فالشارع
و الكبير يعاند فيه خلعني ماما قالتلي واقيلا راهو صايم تاع شعبان ههه
و كيما قلتي شر البلية ما يضحك
شكرا جزيلا عزيزتي على اعتماد الموضوع و على الرد

هذا اكل من تربية المراة العاملة وابتعادنا عن الدين ................... يولدو ويرميو للشارع يربي خخخخخخخخخخ

اذا كان رب البيت ضاربا للدف .....فلا تلمن الصغـــــار على الرقص

شكرا أخي على الرد في الموضوع و معك حق هذا كله من الابتعاد عن الدين يعني الوالدين لوكان جاو يخافو من ربي لوكان رباو اولادهم لانهم مسؤولية في أعناقهم
و حتى ربات البيوت كاين اللي مللي تنوض و هيا مع الافلام و ولادها مطيشتهم بيانسور يديرو القرون
شكرا​

و الله اتاسف لما نسمع واش راه يصرى و الحال اللي لحقو ليه العرب المسلمين الصغير ما يقادر الكبير و الراجل ما يحترم المراة الا من رحم ربه و الله يا اختي راني في سنوات في دولة الغرب نركب الترام كل يوم واحد ما يهدر مع واحد كل واحد لاهي في روحو رغم انهم من مختلف الجنسيات و مختلف الديانات يعني نركب انا متحجبة مع واحدة يهودية وواحد هندي وواحد آفريكان وواحدة لابسة لبسة لا توصف ووو اطفال عجايز شباب كامل احترام متبادل الهدرة و ما تسمعيهاش و احنا شعب واحد جنسية وحدة دين واحد مازالنا هك دومآآج
التربية و ما ادراك ما التربية كلش على التربية

صحيح الحالة اللي وصلنالها يرثى لها ما كاين ني احترام ني والو المفروض حنا اللي نمدو خير مثال للغرب على الاخلاق الفاضلة و الادب لأن الاسلام ديننا أمرنا بذلك و لكن فالواقع البعض راهوم يشوهوا فالدين ديالنا بتصرفاتهم
شكرا جزيلا لك اختي جهاد عل المرور​

يا اختي وش راح نقولك~ كل واحد وكيفاه تربى ~
~ شفتي هاد الوقت اللي وصلنا ليه ~~ ربي يهدي ما خلق ~~

شكرا اختي على المرور و ندعو للجميع الهداية من عند الله​

 

[ملكًة الاحسآس]

وعليكم السلآآم
ايه ياأختي شفتي وين لحقنآ
مآنلومش الطفل الصغير نلوم وآلديه الي مآربآوهش
والرجل الكبير هدآكـ مسكين استُفز كفىه ولد في عمره 9 سنين يردله الهدرة
علبيهآ مآتحملش ورآح مورآه ، بصح مكآنش يحط رآسه من رآس طفل
يكبر عقله شويآ ويبلعهآ
ربي يهدي الكبير ويتربى الصغير
ميرسي على موضوعكـ البآهي اختي يآسمين
ـ حقآ مرة خلآف قولي الترآمواياغلبيتكم تعرفوه مش كآمل تعرفوه خلي استثنآء
بويسك انا من الاستثنآء مآزآل ماجاش رجلي فيه :p

​

 

[yasmine 4ever]

وعليكم السلآآم
ايه ياأختي شفتي وين لحقنآ
مآنلومش الطفل الصغير نلوم وآلديه الي مآربآوهش
والرجل الكبير هدآكـ مسكين استُفز كفىه ولد في عمره 9 سنين يردله الهدرة
علبيهآ مآتحملش ورآح مورآه ، بصح مكآنش يحط رآسه من رآس طفل
يكبر عقله شويآ ويبلعهآ
ربي يهدي الكبير ويتربى الصغير
ميرسي على موضوعكـ البآهي اختي يآسمين
ـ حقآ مرة خلآف قولي الترآمواياغلبيتكم تعرفوه مش كآمل تعرفوه خلي استثنآء
بويسك انا من الاستثنآء مآزآل ماجاش رجلي فيه :p

​

مرحبا ختي
و معك حق المسؤولية تقع على أولياء الأمور هوما اللي ما يهتموش بولادهم حتى يجوهم الشكاوي معند الناس
و لكن الرجل الكبير لازم يساعف الصغير
بالنسبة كي قلت قاع حبيت نقول بللي قاع سامعين بيه و بحكاياتو و المواقف ديالو:d و علابالي كاين بززااااف ولايات ما فيهمش الترامواي اصلا كي داروه فالعاصمة حسيت الغاشي زااد و الازدحام تاني تالمون معمر ههههه
العفو ختي و شكرا جزيلا لك على مرورك الجميل​

 

[nina usma]

راح القدر ياسمين ختيتي

ولينا فوقت نقولو الله يلطف و السلام​

 

[yasmine 4ever]

راح القدر ياسمين ختيتي

ولينا فوقت نقولو الله يلطف و السلام​

مرحبا ختي نينا
صح و ربي يهدي الجميع و يلطف بينا
شكرا لك على المرور نورتِ:regards01:​

 

[loujaina]

hhhhhhhhhh
hadé hekaya coumidéya héhh wch 7andirou tarebya mknch :/
​

 

[yasmine 4ever]

hhhhhhhhhh
hadé hekaya coumidéya héhh wch 7andirou tarebya mknch :/
​

راحت التربية للأسف ما عدا بعض الأشخاص و الحمد لله
شكرا على المرور أختي العزيزة:d​

 

[num1]

بالنسبة للقصة الاكشن هذا لي حكيتينا عليه اللوم على لولاد وص راحة الاخت اللوم يرجع لدور الاسرة الجزائرية التي لم تعد تبالي بتربية الابناء و للاسف هذا مانعكس على جميع زوايا المجتمع شوفي غير في الاحياء تلقاي ولاد 3 سنين برة
الصمت افضل قلبي تعمر
​

 

[أم أمين23]

المشكل ولى مزدوج يعني ما نلقاو شكون ننصحو الكبير والا الصغير الا هدرنا مع الصغير ما نسلكو والا نصحنا الكبير كيف كيف الهدرة الزايدة وكلام العيب ولى السمة المميزة لشعبنا ولينا نحشمو حتى نمشو في الطريق نقولو الام والتربية ماشي ديما كاينين امهات ورا ولادهم والعسة ووالو يخرجو صوفة طايرة خاصة في محيط كلو مشاكل وحس لازمنا اعادة تأهيل للمجتمع كامل وقوانين تربينا وتحكمنا من ضغيرنا لكبيرنا الي يغلط يسلك حتى ما يعاودش

 

[yasmine 4ever]

بالنسبة للقصة الاكشن هذا لي حكيتينا عليه اللوم على لولاد وص راحة الاخت اللوم يرجع لدور الاسرة الجزائرية التي لم تعد تبالي بتربية الابناء و للاسف هذا مانعكس على جميع زوايا المجتمع شوفي غير في الاحياء تلقاي ولاد 3 سنين برة
الصمت افضل قلبي تعمر
​

ههههههه فيلم أكشن و الله كي صرا قدامي الموقف شعرت بقشعريرة ما فهمتش و ما عرفتش لا نضحك أو نتأسف أو نشوف الأمر بسخرية
و الغلطة هي رمي الأولاد فالشارع العفن اللي يعلمهم حاجات فاسدة و اللوم على الاسرة كيما قلتي
و شكرا جزيلا لك على الرد:d​

 

[yasmine 4ever]

المشكل ولى مزدوج يعني ما نلقاو شكون ننصحو الكبير والا الصغير الا هدرنا مع الصغير ما نسلكو والا نصحنا الكبير كيف كيف الهدرة الزايدة وكلام العيب ولى السمة المميزة لشعبنا ولينا نحشمو حتى نمشو في الطريق نقولو الام والتربية ماشي ديما كاينين امهات ورا ولادهم والعسة ووالو يخرجو صوفة طايرة خاصة في محيط كلو مشاكل وحس لازمنا اعادة تأهيل للمجتمع كامل وقوانين تربينا وتحكمنا من ضغيرنا لكبيرنا الي يغلط يسلك حتى ما يعاودش

مرحبا أم أمين
كيما قلتي ما نسلكو مع حتى واحد الا نصحتي الصغير يبدى يخرج فالهدرة الزايدة و يقولك ما دخليش روحك أو تخرجلك يماه اللي رماتو للشارع تقولك خطي وليدي
و إلا نصحتي الكبير يتنارفا و يبدى يعيط يقولك راني كبير و نعرف صلاحي
علابيها في وقتنا قلال اللي يمدوا النصائح
و اللوم يقع على الأسرة
شكرا لك على المرور​

 

[لمار الدلوعة]

و الله اتاسف لما نسمع واش راه يصرى