gالك جايبين ريال مدريد

[رهف1]

salùùt
nchllh tkounou kemel b1
اليوم و أنا نقرا في الحورنال نقرا بلي الجزائر رايحة تجيب الريال يلعبو هنا ماتش اميكال مع فريق من الفرق تاعنا
مع اللول منكذبش على خاوتي فرحت بزاااف psq نحب الرياال بزااف و قلت هاداك هو نحمق تاع البارصا سيرتو واحد العبد هكا انا و هو القط ميفوتش بيناتنا
كملت نقرا الموضوع نلقاهم جايبيينهم و 20 ملياااااااااااااااار
يا ودي 20 مليار راهي ميزانية ولاية
20 مليار هادي لاه متقسموهاش على شباب البطالين لاه مديروش بيها محلات للشباب باه يخدمو
وفي اللاخر يقولك باه نسعدو الشعب
او الشعب باه تسعدو عاونوو
الشعب راه ياكول من المزابل حاشاكم خاوتي الشعب راه يموت بالجوع و هوما يمدو في الدراهم لللاعبين اللي نصهم ماشي مسلمين و مبعدا علابالي ضوك يزيدو يقالولهم جيبو البارصا و يزيدو يمدولهم 20 مليار ثاني
وشنهي هاد التفاهة لواكتاه و حنا هكا
اليكم الخط و ان شاء الله منكونش طولت عليكم

 

[بنت الـ25]

والله والله عرفتك سطايفية من وحد الكلمة هك خخخخخخ قبل ما نطلع ونتأكد :-h
نستعرف بروحي :-h ههههههه
(سامحوني طولت باش وافقت على الموضوع :d)

نرجعو للموضوع
ايه انا نهار قريت الخبر مت بالضحك :d قلت يعني ما كفاتش تاهيتي دارتلها ليسبان تامبر على الجبين 10-0
نزيدو احنا يبهدلونا وتولي سيرتنا على كل لسان ونزيدو نخسرو دراهم
اي دولة تعنا هادي ما يطلعش عليها نهار خاطر عندها ميزانية تع زوج دول ما عرفتش تسيرها
حصان عقلية حمار :down:
كلو ينهب لجيبو برك
وهادي راهي دايرتها موبيليس باش تشهر بروحها وتكسب اكبر عدد ممكن من المشتركين
(كي شغل احنا منعرفوهاش ) تبااااا
تقوليلي يهمها شعب؟ دنـgيلي وقوليل يهمها شعب ؟ دنـgيلي :up: خخخخخخخ
ياو طبطب :p
​

 

[رهف1]

والله والله عرفتك سطايفية من وحد الكلمة هك خخخخخخ قبل ما نطلع ونتأكد :-h

نستعرف بروحي :-h ههههههه
(سامحوني طولت باش وافقت على الموضوع :d)​

نرجعو للموضوع
ايه انا نهار قريت الخبر مت بالضحك :d قلت يعني ما كفاتش تاهيتي دارتلها ليسبان تامبر على الجبين 10-0
نزيدو احنا يبهدلونا وتولي سيرتنا على كل لسان ونزيدو نخسرو دراهم
اي دولة تعنا هادي ما يطلعش عليها نهار خاطر عندها ميزانية تع زوج دول ما عرفتش تسيرها
حصان عقلية حمار :down:
كلو ينهب لجيبو برك
وهادي راهي دايرتها موبيليس باش تشهر بروحها وتكسب اكبر عدد ممكن من المشتركين
(كي شغل احنا منعرفوهاش ) تبااااا
تقوليلي يهمها شعب؟ دنـgيلي وقوليل يهمها شعب ؟ دنـgيلي :up: خخخخخخخ
ياو طبطب :p​

اهلا بيك حبيبتي في موضوعي
نستعرف بييك جبدتيني بلي سطايفية بيناتنا وشنهي هي الكلمة???هههههههههه
اولا راهم رايحين يديرولنا التبهديييل ياخي العام اللي فات المغرب جابو البالرصا يلعبو عندهم اعطاوهم طريحة ب 8_0 و طلقوهم حنا ربي يهتر برك هههههههه
ثانيا موبيليس و نعرفوها كيما قلتي غير خلي البير بغطاه
و اخيرا شكراااا على الاعتماد حبيبتي :d انتلالي في روحك

 

[روز]

ربي يسقم الاحوال ويصلح البلاد والعباد​

 

[عفيفة الحبوبة]

السلام عليكم
كي الدولة حطت ملايير على الفنانين و حفلات رأس السنة عادي جدا تجيبلك ريال و تزيد البرصا
انا لي تجهلني و تخلعني كي الناس تقولك علاه و كيفاه من بعد يروحوا يصفقولهم؟؟؟؟
الله يصلح الاحوال​

 

[amin.select]

والله غير يعطيك الصجة عالموضوع

باش يسعدو الشعب ييجيبو ارنولد يعطيو لو مئات الملايير للمؤسسة انتاعو

باش يسعدو الشعب ييجيبو ريال وب 20 مليار

انا سؤال برك

الشعب العاطل عن العمل

اللي مالالقيش واش ياكل

تسعدوا بريال وفي رمضان؟

ممكن القيادة تفهم خير منا كيفية اسعاد الشعب

ونبقاو دائما احنا الاغبياء
​

 

[رهف1]

السلام عليكم

كي الدولة حطت ملايير على الفنانين و حفلات رأس السنة عادي جدا تجيبلك ريال و تزيد البرصا
انا لي تجهلني و تخلعني كي الناس تقولك علاه و كيفاه من بعد يروحوا يصفقولهم؟؟؟؟

الله يصلح الاحوال​

شكرا على الرد حبيبتي
و الله عندك الحق كاين شي ناس صاريلهم هاكاك كيما راكي تقولي مي ماشي الناس كامل هاني انا نعشق الريااااااااااااال اكثر مما تتصوري مي معجبنيش الحال و مش راح نشجعهم لا هوما لا قرار الحكومة

 

[رهف1]

والله غير يعطيك الصجة عالموضوع​

باش يسعدو الشعب ييجيبو ارنولد يعطيو لو مئات الملايير للمؤسسة انتاعو​

باش يسعدو الشعب ييجيبو ريال وب 20 مليار​

انا سؤال برك​

الشعب العاطل عن العمل​

اللي مالالقيش واش ياكل​

تسعدوا بريال وفي رمضان؟​

ممكن القيادة تفهم خير منا كيفية اسعاد الشعب​

ونبقاو دائما احنا الاغبياء​

شفت يا خويا والله ملقينا مانديرو نفضل نبقا غبية على اني نولي ذكية كيفهم :p:p
الشعب عندو ربي راه معاه و يعاونو دايمن و ان شاء الله منحتاجوهمش يلبخو الدراهم هوما و حبابهم و العياد اللي يجيبو فيهم
دراهم الشعب كلاهم البراني

 

[ماكانش]

20 مليار على ساعتين
اففف اموال الدولة تهدر على الباطل والشعب يصفق

يعطيك الصحة رهف

 

[SETIF étudiant]

هذا الماتش يرحم باباك (بألو كازيون دو كوا) بمناسبة ماذا? حاب نفهم:s و واقيلا نتي لي راح تفهميني:d

خلينا في المهم ...واش خصك يا الجزائر خصني نلعب مع الريال ناقصين تبهدايل ولا ياخي حالة ياخي خخخخخخخخخخخ .........
واشي هذا .. ال20 مليار هذه في ساعة كان يفرقوهاعلى الشعب المغلوب على امره ماشي خير ....

le mot de la fin هي اني من الابتدائية وانا نسبورتي في البارصا ...و باش يكون في علمك برك مع قدوم نيمار ولعبه بجانب ميسي سيجعل من فريق برشلونة فريق بلايستيشن ههههههههههههههههههههههههههه

السير اليكس فيرجسون ( فريق برشلونة يلعب بطريقة لا يمكننا ان نلعبها الا بعد عشر سنوات) :s:s:s:s:s:regards01:

 

[FATIMA 19]

ههههههههههههههههههه مهزلة .
والله ياهاذو الوزراء يلاقلهم القصاص .

 

[عابر سبيل12]

بكل صراحة رايح نحكي في مثل هاد المواضيع
صح انو المكبلغ تاع 20 مليار مبلغ كبير

بصح نقدرلا نقولك انو ماهوش ميزانية ولاية للاسف
ميزانيات الولايات تتعدى هاذا الرقم باضعاف مضاعفة وتفوق احيانا الالف مليار هاذا اولا

ثانيا المشكل ماهوش في انو تجي تلعب الريال هنا والا نروحولها احنا لالا
المشكل مشكل عقليات في الجزائر للاسف

انا معاك في انو الاموال هاذي من المفروض اننا نصرفوها في اشياء اكثر فائدة لاكن

شعبنا الحبيب اذا صرفتلو حاجة يقولك وينها لخرى ؟؟ اعطيه حاجة يقولك زيدني
يعني ماكانش حاجة تقنعنا كشعب ...لوكان يديرولنا دزاير جنة الله في الارض رايح نقولوهم وينها الزبالة راهي لازمة

وحكاية بني اسرائيل معروفة اللي نزل عليهم الله ماتكلة من الجنة قالولي نحبو على ماكلة لرض احنا صايي

يعني ياخاوتي بكل صراحة ماكانش اللي ياكل من الزبالة الا اللي مش حاب يخدم على روحو
ماهيش مشكلة ريال مدريد
​

 

[nina usma]

مي هادو مهااااااااااابل


انا شوفي كي يديرو الحفلات و يخسرو فالدراهم من وملهيييييه


واش راح تهدري


والله غير مرقوها و بزااااااااف تان


سورتو هاديك خليدة تومي ربي وكيلها


م السبور دخلتلك للثقافة ديزولي مي

القلب راه معمر​

 

[yasmine 4ever]

هههههههههههههه تعرفي ختي كي قريت الموضوع فالجورنال تخلعت قريب ما أمنتش
و بزيادة يديروها في سهرة في رمضان يعني يلهو الناس عن صلاة التراويح أو قراءة القرآن
ياخي حالة ياخي و الدراهم هاذوك كاين حوايج بزززاااف أهم باش ينفقوهم عليهم
دورك يزيدو شويا يقولنا ارضاءً لمحبي البارصا من الشعب نجيبوها تلعب فالعيد الصغير خخخخخ
ربي يهدي ما خلق​

 

[أم أمين23]

عادي مادامنا قابلين ونشجعو ونصفقو ونهلو للحاكمين يديرو هكا واكثر الايام الي فاتت برك نضحك علىسلال وتسلامو على شوازينغار تقولي طفل صغير وما فهمتش واش من قيمة والا فرحة كي جاهم وينعتو فيها في الاخبار ويعاودو وباش يجيبو والا يعرضو علماء الدين يجيبولنا في عباد ما عندهم باش يفيدونا يخسرونا وفرات
وراه قربت 5 جويلية ما نعرف واش من خرجة تزيد تخرجنا عروسة المولد في هاد العام واختفلاتها وثقافاتها 20 مليار للريال وما نعرف شحال للحتفالات ب5 جويلية والشطيح والرديح واحنا نتبعو الي مات بالجوع خلي يموت والي عايش البرا بغبار عليه واشه فيه

 

[aminas94]

السلام عليكم ورحمة الله

اختي هذا يقولو تجهيل باسم التثقيف
هذا هو التخدير يخدرو الشباب بجلد منفوخ ينط هنا وهناك
وهوما يخدمو خدمتهم
مرة فريق مشهور مرة مغني مشهور
وخلي اموال طائلة تهدر
+رجال المال والاعمال يحطلك بريكة ب10ملاين انتهاك اموال بغير حق

جامي يجيبو عالم مشهور جامي ينظمو دورات تثقيفية تعليمية للرقي

وان كانت معضمها يكون سؤال يطرح فيها كم عدد اهداف اللاعب الفلاني في الدوري الفلاني وسيارة من نصيبك
والفائز دوما معروف

آو عندهم سياسة وليد الفلاح يبقى فلاح
كي مايخدروهش هوما رايح يقرا وغدوة يديلو بلاصتو او لالا مايقبلوش

ربي يهدي ماخلق