[S
IZE="4"]السلام عليكم خاوتي وخواتاتي...
نحكيلكم واش شفت بعيني ، وسمعت بوذني ، شفتو يتوضا باش يصلي ، امالا ناض
هز قريعة صغيرة متاع ماء هذيك امتاع نص ليتر ، قلبها على راسها وبدا يصب وانا انشوف
ونثبت ، يعصرها تطبق وتزرق ويطلقها تعاود كيما كانت حتى انكمل ، والقريعة مازال فيها الماء
ما فرغش، هيا قربت امليح وثبت في القريعة لقيتها مغلوقة بالبشون وفيه ثقبة اصغيرة مدورة .
قتلو وعلاها ادير هكا دير الطاس خير ،زعم راني فاهيم اندبر اعليه، قالي نكره الطاس يسيح
الماء بزاف بلا ما تفيق ، وراك عارف الاسراف ماهوش مليح.
اي كجيت نتوضى عانتو وديرت كيما هو ، غير انا القريعة محسوب فرغتها ما زلت بوجادي
على روحي.
وهنا دارت الدورة في راسي وقلت كي اروح للدار اندير قريعة ، هيا درتها قالولي
واش بيك اهبلت راك اتقول في الصحرا ، الماء كاين غير هو .
هيا حبيت ندخللهم الفهامة بلا تفلسيف ، جربت جبت بسينه وحطيتها تحت العين وتوضيت
ما كملت غير قريب اتعمرت ، هيا اسيدي كيفاه نتوضاو باسينه ماء وندوشو بسيتيرنه ماء ؟؟
وامبعد تشكيو الماء مكانش .....الما مكانش.
هيا ان شاء الله اتجي اعجاجه تهزكم وتحطكم في الصحرا... راني نحلي في الحكاية برك
ما هوش دعاء.
واش رايكم يا جماعة الخير ماهوش هذا تبذير واسراف ، مره اقريت حديث نبوي
انو صحابي اتوضا ودار الماء بزاف قالوا المصطفى صلى الله عليه وسلم راك اسرفت ..
وهو كان يظن الاسراف غير في الدراهم ما شي في الماء.
هيا احكيوا كيفاه تتواضاو ....وكيفاه تدوشو يعني تغتسلوا ....
وراكم تشوفو رواحكم
معتدلين ؟ والا متوسطين ؟ والامسرفين ولازم تنقصو الماء ؟
صحا صيامكم.[/SIZE]
نحكيلكم واش شفت بعيني ، وسمعت بوذني ، شفتو يتوضا باش يصلي ، امالا ناض
هز قريعة صغيرة متاع ماء هذيك امتاع نص ليتر ، قلبها على راسها وبدا يصب وانا انشوف
ونثبت ، يعصرها تطبق وتزرق ويطلقها تعاود كيما كانت حتى انكمل ، والقريعة مازال فيها الماء
ما فرغش، هيا قربت امليح وثبت في القريعة لقيتها مغلوقة بالبشون وفيه ثقبة اصغيرة مدورة .
قتلو وعلاها ادير هكا دير الطاس خير ،زعم راني فاهيم اندبر اعليه، قالي نكره الطاس يسيح
الماء بزاف بلا ما تفيق ، وراك عارف الاسراف ماهوش مليح.
اي كجيت نتوضى عانتو وديرت كيما هو ، غير انا القريعة محسوب فرغتها ما زلت بوجادي
على روحي.
وهنا دارت الدورة في راسي وقلت كي اروح للدار اندير قريعة ، هيا درتها قالولي
واش بيك اهبلت راك اتقول في الصحرا ، الماء كاين غير هو .
هيا حبيت ندخللهم الفهامة بلا تفلسيف ، جربت جبت بسينه وحطيتها تحت العين وتوضيت
ما كملت غير قريب اتعمرت ، هيا اسيدي كيفاه نتوضاو باسينه ماء وندوشو بسيتيرنه ماء ؟؟
وامبعد تشكيو الماء مكانش .....الما مكانش.
هيا ان شاء الله اتجي اعجاجه تهزكم وتحطكم في الصحرا... راني نحلي في الحكاية برك
ما هوش دعاء.
واش رايكم يا جماعة الخير ماهوش هذا تبذير واسراف ، مره اقريت حديث نبوي
انو صحابي اتوضا ودار الماء بزاف قالوا المصطفى صلى الله عليه وسلم راك اسرفت ..
وهو كان يظن الاسراف غير في الدراهم ما شي في الماء.
هيا احكيوا كيفاه تتواضاو ....وكيفاه تدوشو يعني تغتسلوا ....
وراكم تشوفو رواحكم
معتدلين ؟ والا متوسطين ؟ والامسرفين ولازم تنقصو الماء ؟
ملاحظة :
وراكم تعرفوا بقداه كان النبي الكريم يتوضا ويغتاسل ؟
يتوضا تقريبا بمد = 6.5 مللتر.
يغتسل تقريبا بالصاع او 5 امداد = حوالي 3 لتر.
وراكم تعرفوا بقداه كان النبي الكريم يتوضا ويغتاسل ؟
يتوضا تقريبا بمد = 6.5 مللتر.
يغتسل تقريبا بالصاع او 5 امداد = حوالي 3 لتر.
صحا صيامكم.[/SIZE]
آخر تعديل:
