مشكلة اختي

[رهف1]

السلام عليكم خاوتي
اليوم حبيت نحكيلكم باه تعطيونا حل
انا عندي اختي اكبر مني بسنة
هي طفلة ماهي منحرفة ماهي ملتزمة تسمع الموسيقى بزاف الصلاة مهيش محافظة عليها
المهم في ظل الاحداثالاخيرة في مصر الطفلة تأثرة و تبدلت تبع غير فيهم و تبكي
كي فضوا اعتصام رابيعة العدوية ناضت تصلي و تدعي و لما حرقوا المسجد و سبوا الاسلام اختي ولات طفلة اخرى خلااااااااص لبست الحجاب الشرعي نحات السروال سليم ولات صلاتها متخليهاش
حرنا فيها و يوم اللي شافت جثة المنشد محمد البيومي و جثة المخرج محمد ديب انهارررررررررررررررررت و نهار كامل و هي في الفراش
ملقينا كيفاه نديرو معاها نحينالها القنوات ولات تشوف في الانترنت ملقينا كي نديرو
اعطيوني حل ارجووووووووووكم
و اسمحولي طولت عليكم

 

[sahiko hamza]

رد: مشكلة اختي

حاة مليحة انها ولاة محافظة على الصلاة وحاجة مليحة انها تتأثر بخاوتنا المصريين
ماتخافيش عليها
شويا هكا وراح تريح ان شاء الله
​

 

[بنت الجسور المعلقة]

رد: مشكلة اختي

يا ختي كل واحد كيفاه ربي يديرلو طريق توبتو كاينين ناس نعرفهم حضرو غير للجنازة تابو ولاو محافظين على صلاتهم
متحيريش أختي خليوها على راحتها
ربي يتملها

 

[حكاية قمر]

رد: مشكلة اختي

حاجة مليحة كي حافظت على صلاة ونحات سروال سليم ولبست الحجاب لربما هدا سبب في هدايتها الله يهدي من يشاء وعلاه تحيروا هدي انا اعتبرها نعمة من عند الله ياريت كل شباب يتعظ ام ادا كما راهي تبانلكم مبالغة انصحوها مي مش ترجعوها كما كانت المهم لازم تخرج من حالة اكتئاب

 

[ايمان مي]

رد: مشكلة اختي

انا بالنسبة ليا حاجة مليحة انها التزمت اخيراااا و من رايي ما تخافوش عليها و ما تضيقوش عليها الخناق خليوها على راحتها و درك ترجع عادي

 

[souhas]

رد: مشكلة اختي

ختك راهي نورمال حنا لي ماناش نورمال نشوفو ناس يموتو و ندورو ريوسنا كيلي ماشاف والو سبحان الله

 

[صفاء والمروة]

رد: مشكلة اختي

اْختي هذي حاجة مليحة وهذا الطريق لاختارهها ربي باش يهديها ربي يثبتها و ان شاء الله تريح في قريب العاجل ​

 

[وجع الظلم]

رد: مشكلة اختي

يا اختي ...مصائب قوم عند قوم فوائد
مرات تحلو الدنيا في عيوننا ونراها كبيرة ونحن فيها صغار
وعندما يريد الله بنا الهداية يصغرها في عيوننا ويكبرنا على طاعته
ما يحدث في مصر ما هو الا سبب في هدايتها
في رايي اجلسو معها وتكلمو معها وحاوروها
ما يحدث في مصر هو نفس الشيء الذي يحدث في سوريا وحدث في العراق
كلهم اخوة اصبحو اعداء للاسف مثلما حصل في الجزائر يوما
عليها ان تفهم ان الموت حق لكنه ليس واجب ان يقتل الاخ اخاه من اجل الكرسي
تحت شعار الجهاد انها السياسة والرابح الاكبر هو العدو الصهيوني
وخير دليل ما جرى في الجزائر
اسئليها هل كانت راضية على ما كان يجري عندنا؟
كان الاخ يقتل اخاه والابن يقتل امه واباه تحت غطاء الجهاد
لا نغطي الشمس بالغربال كل ما يجري في مصر ما هو الا الجري وراء الكرسي المقدس
لان دم المسلم اغلى عند الله من الكعبة فما بالك بالكرسي
يا اختاه في هذا الزمن كلنا على خطىء انظري ما يجري في سوريا
الذين يموتون بالافواج اليسو ببشر بغض النظر اذا كانو مسلمين او لالالالالا
الله خلقنا لنتعايش مثل ما المسلم له حق العيش فوق الارض
الغير مسلم له نفس الحقوق والذي يحاسب ويعاقب هو الله
نحن للاسف منحنا لانفسنا حق الحساب ونسينا حق العقاب
لما لا نعاقب انفسنا مثلما نحاسب الناس؟
انا لي الحق في الحياة والتحكم وانت لالالالالالالالا
للاسف قولي لها ان كل ما يجري هو من اجل الكرسي فقط
وقولو ما قلته هذا كفرا فوالله ما تراه العين العن من كل كفر
ونطلب الشفاء لاختك وان ينير بصيرتها لعل كل ما يحدث لها خير​

 

[وهرانية في بشار]

رد: مشكلة اختي

نا بالنسبة ليا حاجة مليحة انها التزمت اخيراااا و من رايي ما تخافوش عليه

 

[samah06]

رد: مشكلة اختي

بنيتي متتحيروش وما ش نهار كامل وانتم تشوفومعاها ومرعوبين تتحسرو
اختك في سن حرجة بين المراهقة والطفولة راهي غير فترة وتعود لطبيعتها هي مرهفة لذا الاحداث اللي عدات في لبلاد متشفالهاش تاثرت باحداث مصر ونعلم ان الجزائر مرت بما هو اصعب من احداث مصر
وكيما قلتي صارت ملتزمة حاجة مليحة ربي يثبتها
ويفرج على اخواننا في مصر وسوريا وكل اقطارالوطن العربي والاسلامي يارب