شكون الي قال ان الجنة تحت اقدام كل الامهات؟

[وجع الظلم]

اشكون الي قال ان الجنة تحت اقدام كل الامهات؟
البنت لما تكون في دار باباها تتمنى اتكون زوجة
وبعد الزواج تحلم بالامومة
ولما ربي يرزقها تنسى رسالتها وتصبح اتفرق بين هذا وذاك
المشكلة هل كل ام تستحق ان تكون الجنة تحت اقدامها؟
اشكون هي الام الام الي تربي ولا الي تولد برك؟
اذا كان هاك حتى الامهات العازبات الجنة تحت اقدامهم ولا كيفاه؟
بزاف لمات الي يظلمو ابنائهم هذا واقع مكان لاه انخبوه
كاين الي تحب الكبيرة وتحقر الصغيرة
حتى الاحفاد مرات يدفعو الثمن
ولاد البنت الي متزوجة مع الغني مشي كيف اولاد الابن الفقير
والعكس صحيح
مشكلة العصر ولات الامهات اغيرو من بناتهم كنا نشوفوها غير في لي فيلم
بربي قولولي الغريزة الي اتبدلت ولا النية غابت؟
الام ما عادتش ام ولا المسؤولية هي الي بحرتلها؟
شتاهو الحل في رايكم؟
ماتقولوليش الامية والجهل هي السبب؟
امهاتنا بكري كانو جاهلات وربات رجال وجابت الفحلات
واليوم امهات اتعلمو وتحررو واكثر الجهل وجفت لقلوب يا لاطيف
قولولي برك اشكون هي الام الي تستاهل اتكون الجنة تحت اقدامها؟
لاخاطرش كلنا عندنا اقدم في الجنة واقدم في النار
جاوبوني بربي قبل ما نهبل
:regards01: ​

 

[magique]

رد: شكون الي قال ان الجنة تحت اقدام كل الامهات؟

انا ثاني راني محيرة وحقيقة موضوعك نبهني لاشياء كنت نسيتها
هدا الوقت فيه بزاف امور حيرتنا،، غاب العقل في هاذ الدنيا وانا هاد الشي عايشاتو حاليا
ربي يصلح لحوال تاعنا كااامل ويهدينا الى ما فيه صلاح لينا
شكرا على الموضوع
سلااام
​

 

[jojo jija]

رد: شكون الي قال ان الجنة تحت اقدام كل الامهات؟

كلامك صحيح ربي عالم بكلشي ولازم كل المهات يديرو هاد الفكر في بالهم
فكرة ان ماشي اي ام الجنة تحت اقدامها

 

[algerian gril]

رد: شكون الي قال ان الجنة تحت اقدام كل الامهات؟

3andek ha9

 

[زهر الربى]

رد: شكون الي قال ان الجنة تحت اقدام كل الامهات؟

وانا ثاني كان هذا السؤال يدور في عقلي :up::up: شكرا ليك علي المعلومة

 

[keka333]

رد: شكون الي قال ان الجنة تحت اقدام كل الامهات؟

لالا حنونتي راني منيش معاك على خاطر الرسول صلى الله عليه وسلم هو لي وصى عليهم و ايضا الله تعالى و كون شاف بلي كاينين لي مايستاهلوش راه مقالش هذا الشئ ممكن تبان قاسية بصح عند الصح راهي تفدي اولادها بلكش عندها ممكن كاينين لي شوية..... مي ربي هو لي يحاسب ماشي الانسان و لازم كل واحد يحترم الام نديالو على خاطر راهي تعبت باش جابتو و منبعد رباتو و في الاخير تقولو ماش الكل يستاهلو ...انا اسفة راني مانيش معاك في هذا الراي ...........على العموم هذا كان مجرد راي الشخصي اتمنى انو مايزعلش احد و شكرا على الموضوع

 

[ام اية الرحمان]

رد: شكون الي قال ان الجنة تحت اقدام كل الامهات؟

انا راني مانيش معاك
مهما كان ام هي ام مهما كان فيها عيب رنا ماناش ملائكة

 

[xman]

رد: شكون الي قال ان الجنة تحت اقدام كل الامهات؟

اصلا هذا ماشي حديث تع الجنة تحت اقدام الامهات


اكثر من ضعيف





مانيش نتفلسف هاكذا قريتها في ابليكاسيون اسمها الاحاديث الضعيفة

 

[حكاية قمر]

رد: شكون الي قال ان الجنة تحت اقدام كل الامهات؟

وتبقى الجنة تحت اقدامها لانه ام باختصاار منحتك الحياة عانت وعانت صرخااتها ملئت الدنيا فقط لتبصر انت النور هي امي ولو نبدتني هي امي ولو رمتني هي امي تاجي وسر سعادتي هي امي التي في احشائها تسعة اشهر بقيت الا تدري ان تسعة اشهر تلك عدااب وعدااب ثم ولادتك الم وموت يداعب الجسد والروح بالنسبة لي هدا وحده جميل لن ينسى

​

 

[وجع الظلم]

رد: شكون الي قال ان الجنة تحت اقدام كل الامهات؟

والله ردودكم شرفتني
كاين الي افهم بالاك هو عايش الحالة ولا شافها
وكاين الي ضد خاطرش اشوف الناس كامل مثل امو
صح عندكم الحق انا ثاني اما ونفهم واش قلتوبصح بلاك برك مافهمتوش قصدي
ربي دار الجنة تحت اقدام الام راني معاكم
بصح بيناتنا الام الي اتفرق بين اولادها وهذا الشيء راه صاري مكان لاه انغطوه بالغربال
هذ التفريق يزرع الكره والحقد بين الاولاد
كاين الام الي تكره اولادها خاطرش تكره والدهم الي طلقها ولا اغبنها
يا سبحان الله كاين ام اتاجر بشرف بنتها مااتقولوليش هذي الجنة تحت اقدامها
كاين الام الي طردت بنتها للشارع غير باه ما تخسرش ولدها ومرتو
كاين الي تقطع مكتوب بنتها غير باه تقعد تخدمها
سامحوني انا (ام) نعيش اولادي في جهنم وانا طامعا في الجنة هذا عدل؟
ولا واش قلتو؟
شكرا على ردودكم مهما اختلفنا في الراي​

 

[حكاية قمر]

رد: شكون الي قال ان الجنة تحت اقدام كل الامهات؟

والله ردودكم شرفتني
كاين الي افهم بالاك هو عايش الحالة ولا شافها
وكاين الي ضد خاطرش اشوف الناس كامل مثل امو
صح عندكم الحق انا ثاني اما ونفهم واش قلتوبصح بلاك برك مافهمتوش قصدي
ربي دار الجنة تحت اقدام الام راني معاكم
بصح بيناتنا الام الي اتفرق بين اولادها وهذا الشيء راه صاري مكان لاه انغطوه بالغربال
هذ التفريق يزرع الكره والحقد بين الاولاد
كاين الام الي تكره اولادها خاطرش تكره والدهم الي طلقها ولا اغبنها
يا سبحان الله كاين ام اتاجر بشرف بنتها مااتقولوليش هذي الجنة تحت اقدامها
كاين الام الي طردت بنتها للشارع غير باه ما تخسرش ولدها ومرتو
كاين الي تقطع مكتوب بنتها غير باه تقعد تخدمها
سامحوني انا (ام) نعيش اولادي في جهنم وانا طامعا في الجنة هذا عدل؟
ولا واش قلتو؟
شكرا على ردودكم مهما اختلفنا في الراي​

ورغم ما قلتي وما ستقولين تبقى الجنة تحت أقدام الأمهات أمك أمك ثم أمك وجب طاعتها واحسان اليها ونيل رضاها ونصحها بالتي هي أحسن حبيبتي لي تجربة أمي كلامي ليس من منطلق اني أعيش معها صدقني عشت ولحد لان ما زلت بعيدة عليها فترة فترة كبير من طفولتي ماما بعيدة
شوفي هدا حكم لقيتوا باحد المواقع
​

بسم الله الرحمن الرحيم
باختصار أنا عمري 35 سنة الآن طلق أبي أمي منذ عشر سنوات وحلف عليها في مشكلة وقال لها إذا لم يخرج ابنك من هذا البيت فأنت طالق، وبعد ذلك سافرت إلى بلدها واستخرجت ورقة الطلاق بطريق غير سليمة وبشهادات زور، وذلك لكي يتمكن لها الزواج مرة أخرى، وبعد ذلك تزوجت مرتين عرفيا من أولاد أصغر من أولادها، السؤال هو الآن هل يجوز برها كما قال الله وبالوالدين إحسانا؟



الإجابــة



الحمد لله والصلاة والسلام على رسول الله وعلى آله وصحبه، أما بعـد:
فإن حق الوالدين في البر والإحسان واجب على كل الأحوال، سواء كانا طائعين لله عز وجل أو عاصين له، وذلك لأن فضلهما على من ولدوا عظيم يستوجب ذلك لهما البر وحسن العشرة، وقد دلت نصوص الكتاب والسنة على وجوب بر الوالدين، بل إن القرآن الكريم قرن برهما في كثير من الآيات بتوحيد الخالق سبحانه، فقال سبحانه: وَقَضَى رَبُّكَ أَلاَّ تَعْبُدُواْ إِلاَّ إِيَّاهُ وَبِالْوَالِدَيْنِ إِحْسَانًا {الإسراء:23}، وقال سبحانه: وَاعْبُدُواْ اللّهَ وَلاَ تُشْرِكُواْ بِهِ شَيْئًا وَبِالْوَالِدَيْنِ إِحْسَانًا {النساء:36}.
وفي الحديث الصحيح المتفق عليه من حديث أبي هريرة رضي الله عنه أن رجلاً قال: يا رسول الله من أحق الناس بحسن صحابتي قال: أمك، قال: ثم من؟ قال: أمك، قال: ثم من؟ قال: أمك، قال: ثم من؟ قال: ثم أبوك.
وعلى هذا فالواجب عليك بر أمك بالمعروف والإحسان إليها، وإذا رأيت منها أمراً يخالف الشرع فلتنصحها بتركه وليكن ذلك بأسلوب مؤدب، فإن قبلت منك فاحمد ربك على ذلك، وأن أبت فليس لك إلا الدعاء لها بالتوبة والاستقامة.
علماً بأن صغر الزوج لا علاقة له بصحة النكاح، وعليه فإذا كان زواج أمك هذا الصغير زواجاً صحيحاً مستوفياً لشروط النكاح فلا حرج عليها في ذلك ولا لوم، لكن لا بد من ثبوت طلاق زوجها الأول لها وخروجها من عدته، وتراجع في ذلك الفتوى رقم: 1393، والفتوى رقم: 70.
وعلى كل حال فبر الأم والإحسان إليها واجب ولو كانت فاسقة، بل ولو كانت كافرة، قال الله تعالى: وَإِن جَاهَدَاكَ عَلى أَن تُشْرِكَ بِي مَا لَيْسَ لَكَ بِهِ عِلْمٌ فَلَا تُطِعْهُمَا وَصَاحِبْهُمَا فِي الدُّنْيَا مَعْرُوفًا وَاتَّبِعْ سَبِيلَ مَنْ أَنَابَ إِلَيَّ ثُمَّ إِلَيَّ مَرْجِعُكُمْ فَأُنَبِّئُكُم بِمَا كُنتُمْ تَعْمَلُون {لقمان: 15}.
أحترم رأيك اخية ويبقى هدا فقط من باب النقاش

 

[yasmine 4ever]

رد: شكون الي قال ان الجنة تحت اقدام كل الامهات؟

يا ختي والله صح كاين منها ماشي قاع الأمهات ملاح و حنان على ولادهم
و لكن مع ذلك الابن لازم ما يغلطش مع الأم نتاعو حتى و لو ما عاملاتوش مليح لأن الله و رسولو وصاونا على الأم مهما تكون صفاتها
و لكن في حدود حيث مانروحوش نطيعو الأم فحاجة تغضب الله
اما بالنسبة للجنة تحت أقدام الأمهات ما ندخلش فيها لأننا نحن الأبناء مطلوب علينا طاعة الأم فيما يرضي الله و كفى ما نحوسوش نفهمو إلا الجنة تحت قدمها أو لا أو هي جزاؤها النار أو جهنم
و أيضا الرسول عليه الصلاة و السلام فالحديث قال أن الجنة تحت أقدام الامهات و ما حطش استثناءات و ربي عالم
نعرف وحد البنت صديقتي يماها واعرة بزااف و متسلطة و لكن هي طايعتها و ما تزيدش كلمة فوق كلمتها و تقولي انا نطيعها فقط لأن هذا أمر من ربي سبحانو و ما نقدرش نعصيه
واش نقولك يا ختي ان شاء الله قدرت نوصل الفكرة نتاعي
يعطيك الصحة و في أمان الله

 

[ضحکَة خچڸ ღღ]

رد: شكون الي قال ان الجنة تحت اقدام كل الامهات؟

سلالامو
حبيت نقول مهما تجاهلت الام اولادها يبقى شرف الامومة اهم شئ يميز الانثى
و موحال تكرهم او تتخلى عليهم حاشا اذا قوات عليها الدنيا
الحديث ضعيف اما الوالدين في زوج سبب في دخول الاولاد الجنة
اللهم ارزقنا برهما وطاعتههما

 

[datation]

رد: شكون الي قال ان الجنة تحت اقدام كل الامهات؟

كلكم عندكم حق
ولكن إن صح الحديث فلا قول يعلو عليه إلا أن يقيده حديث آخر أو يستثني منه فهناك حديث عن التفرقة بين الأولاد في العطية والهدية فكيف بالتفرقة بالحب والحنان
موضوع جميل يحتاج إلى تدقيق أكثر في االأحاديث النبوية وسرد لواقع الناس فليس كل الناس راض عن معاملة والديه ولكن لاتقل لهما أف ولا تنهرهما.
تقبلوا تحياتي ولا تغضبوا من رأيي.

 

[Anissa_vanissa]

رد: شكون الي قال ان الجنة تحت اقدام كل الامهات؟

وي كاين بزاف حالات منهم لي دكرتيهم في موضوعك
بصح لانها الام نحاولو نصبرو و نفوتو
موضوع كويس

 

[الرومنسي الجاد]

رد: شكون الي قال ان الجنة تحت اقدام كل الامهات؟

سلآمو ,,

فيهم و عليهم صح ..

جمعت مع واحد يكره والديه ف الدم ,,وقعد يحلل و يطلع فواحد الآية ولا حديث منعرفش /:

قالك : ( كمــآ ربياني صغيرا ) هنــأ تقدر تبوجي ف الموضوع براحتكـ

ايلا مشاو معاك نية و عطاوك لي تبغي زمفيهاش تفرقة و مشاكل رآكـ تري بيان ,,

Mais ايلا خلطوها و دارولك ليكيدايجن من حياتهم هنــا منعرف ..؟

هذي يهي وقتنــا ,,كل يوم نشوفوا امور يطرطقو الراس و يحيرونــا

الواحد يستحفظ بوالديه و يجيهم ف الصواب ( لا طاعة لمخلوق في معصية الخالق )

و يديروا وش يديروا يبقاو والدينــا و نقدروا نرجعوهم للطريق ايلا غلطوا ,,و يليق انبهوهم ايلا مشاو ف الغلطة ,,

ربي يجب الخير خونــا .. والحمد لله لي راني تري بيان مع يمــا .

ربي يجب الخير و يصلحنــا و يصلح وادينــأ

 

[وجع الظلم]

رد: شكون الي قال ان الجنة تحت اقدام كل الامهات؟

اولا نشكر كل من مر من هنا واعطى رايه
يا خاوتي نبينا ونصلو عليه
ما رانيش نقول ماطيعوش امهاتكم
بصح قلت اتعلمو كيفاه اتكوني اما تاع الصح
يا ناس الوالدين الي فرقو بين الوليدات راهم يزرعو الفتن
الام هي ساس الدار كوني عادلة وحنينة باه ادخلوك اولادك للجنة
الجنة ساهلة بصح اشكون الي يقدر يدخلها
الام الي تعدل ولا الام الي اتفرق وتشتت الشمل
الخير عمرو ماكان مثل الشر
شكرا على مرور الجميع​