وش طيبتي اول مرة لبيت شيخك يا عروس

[رنيم الصمت]

السلام عليكم و رحمة الله و بركاته
وش راكم عرايسنا
اليوم تفكرت نهارات اللولة تاع العرس مللي كنت نخمم واش نطيبلهم اول مرة

بالصح تقول رايحه نعقب الباك نتعلم في الطيابات و نتوقع وش يقولولي طيبيلنا ياااااالطيييييييييييف ههههههه
وفي لاخير قالولي ديريلنا لاتاي...معرفت نفرح تهنيت و للا نكفح لاتاي على روسهم هههه والحمدلله في حياتي هذا ما نعرف نخدم لاتاي برك

.... بالصح الصماطة مدولي طاوة عروتها ادور وانا مش عارفة مع رفعتها ...بلق

... واااااا... وش هاد الزهر

وش يقولو هدا لاتاي برك و دارت فوضى الحمدلله ممدينالهاش اطيب
قلتلهم اه غلطتو مديتولي الطاوة المكسورة

ههه لباقة في الحديث... و في لاخير شربو لاتاي و عجبهم و عاش الجميع في سعادة و هناء

حبيت تحكولنا شوي على اول مرة وش طيبتي لبيت شيخك ووش كان ردت فعلهم ... وكاش مواقف طريفة صارتلك​

 

[nada242008]

رد: وش طيبتي اول مرة لبيت شيخك يا عروس

يعطيك الصحة رنيم عجبني موضوعك
هههه مالا دارولك امتحان على التاي ههه هذو ناس ملاح ياسر
ونتي علاه ما بدلتيش الطاوة كي شفتي عروتها تتحرك هههه
انا هذاك الوقت بعد سمانة قدقد من العرس درت شخشوخة بسكرية بلا ماطلبو مني وحدي وحدي نضت نلحلح خخخخخخحخ
طيبت الرقاق على يومين خفت لا ما يكفيش والمرقة ندوزن ونذوق والريحة تفحفح تاع الفلفل امممممممم
لحسو صباعهم وقشرة ما قعدت :$

 

[samah06]

رد: وش طيبتي اول مرة لبيت شيخك يا عروس

ههههههههههه رنيم تعيشي وتدي مقلب ثاني والا نقولك ديريه في كنتك
ندوش هاذيك لفحالة نوضاتك مش التلحليح ونعرف شخشوختك ما يدوخوكش راكي بسكرية
انا اول مرة درتلهم فيها العشاء نهار الثاني منين روحت من شهر العسل ازعما
درتلهم جاري وكفتة ورفيس تاع الكوشة خدمتو على الصباح وهرستو وخليتو ازعما وراجلي داخل خارج من الكوزينة بخص بيا
واش نخيبلك واش خاصك هبلني وفي الاخير حطيت هذاك السني متول لقيتهم ما يكلوش الطعام المطبوخ ابيض الاوحدي ناكل في هاذيك الكفتة
وشيخي فمو ياكلو بزاف قالي لكان غير تميتي وخبزتي كسيرة انا منحبش الخبز رد عليه راخلي وقالو قلتلكم راهي ماتخدم والو هي اطيب البيض وانا نشري الخبز وكملنا عشانا في شمبرتنا
ولليوم راني نعاني معاهم على الاكل اتلابيض وانا نموت عليه

 

[Ŝĥåĥĭйëž Ïķřăмơǖ]

رد: وش طيبتي اول مرة لبيت شيخك يا عروس

انا مزالا مصرالي هاد الامتحان قريب انشاء الله
منيش عارفة شغدي نديرلهم ههههههه
منا و نا نخمم الى لمارس ههههههه
واك راني غير نسقسي انا وهرانية وهو مستغانمي راني غير نسقسي مستغانميين شيبغوا :s

 

[رنيم الصمت]

رد: وش طيبتي اول مرة لبيت شيخك يا عروس

يعطيك الصحة رنيم عجبني موضوعك
هههه مالا دارولك امتحان على التاي ههه هذو ناس ملاح ياسر
ونتي علاه ما بدلتيش الطاوة كي شفتي عروتها تتحرك هههه
انا هذاك الوقت بعد سمانة قدقد من العرس درت شخشوخة بسكرية بلا ماطلبو مني وحدي وحدي نضت نلحلح خخخخخخحخ
طيبت الرقاق على يومين خفت لا ما يكفيش والمرقة ندوزن ونذوق والريحة تفحفح تاع الفلفل امممممممم
لحسو صباعهم وقشرة ما قعدت :$

اواه من ناحية ملاح ملاح و الدليل امتحان ساهل ....لاتاي هههه
يا بنتي وانت مين قدك خمسة و خموس الله يبارك نعرفك فحلة
اممم راني حسدتهم على شخشوختك .... بصحتهم ​

 

[رنيم الصمت]

رد: وش طيبتي اول مرة لبيت شيخك يا عروس

ههههههههههه رنيم تعيشي وتدي مقلب ثاني والا نقولك ديريه في كنتك
ندوش هاذيك لفحالة نوضاتك مش التلحليح ونعرف شخشوختك ما يدوخوكش راكي بسكرية
انا اول مرة درتلهم فيها العشاء نهار الثاني منين روحت من شهر العسل ازعما
درتلهم جاري وكفتة ورفيس تاع الكوشة خدمتو على الصباح وهرستو وخليتو ازعما وراجلي داخل خارج من الكوزينة بخص بيا
واش نخيبلك واش خاصك هبلني وفي الاخير حطيت هذاك السني متول لقيتهم ما يكلوش الطعام المطبوخ ابيض الاوحدي ناكل في هاذيك الكفتة
وشيخي فمو ياكلو بزاف قالي لكان غير تميتي وخبزتي كسيرة انا منحبش الخبز رد عليه راخلي وقالو قلتلكم راهي ماتخدم والو هي اطيب البيض وانا نشري الخبز وكملنا عشانا في شمبرتنا
ولليوم راني نعاني معاهم على الاكل اتلابيض وانا نموت عليه

آآآ نديرو في كنتي ايه معليش هههههه
هههه ضحكتيني مالا كليتوه وحدكم هههه تهنيتي من التعليقات و بصحتكم
انتم من ولايتين مختلفين مالا ... تعلمي طيابهم ديريهلهم و خلاص وانا ثاني بيت شيخي من لغواط مختلفين معاهم في بعض الحوايج في الطياب بالصح ندير وش يحبو و خلاص المهم يشكروني و اذا مشكرونيش نشكر روحي ههههه​

 

[رنيم الصمت]

رد: وش طيبتي اول مرة لبيت شيخك يا عروس

انا مزالا مصرالي هاد الامتحان قريب انشاء الله
منيش عارفة شغدي نديرلهم ههههههه
منا و نا نخمم الى لمارس ههههههه
واك راني غير نسقسي انا وهرانية وهو مستغانمي راني غير نسقسي مستغانميين شيبغوا :s

الله يبارك مبروك و ربي يهنيك ان شالله
المستغانميين ديريلهم الحريرة يموتو عليها ... طفلتي راحت لمستغانم قالولها ديريلنا لحريرة تاعنا .. الحريرة تاع المغاربة تعرفيها .... و دوزيام بلا ديريلهم اللوبيا الموشتو المقلية لاحظت انهم يشتوها ثاني و ميعرفوهاش ياسر بالصح لي يذوقها تعجبو علمتهالهم طفلتي وللاو ديما يديروها في عرضاتهم​

 

[Ŝĥåĥĭйëž Ïķřăмơǖ]

رد: وش طيبتي اول مرة لبيت شيخك يا عروس

الله يبارك مبروك و ربي يهنيك ان شالله
المستغانميين ديريلهم الحريرة يموتو عليها ... طفلتي راحت لمستغانم قالولها ديريلنا لحريرة تاعنا .. الحريرة تاع المغاربة تعرفيها .... و دوزيام بلا ديريلهم اللوبيا الموشتو المقلية لاحظت انهم يشتوها ثاني و ميعرفوهاش ياسر بالصح لي يذوقها تعجبو علمتهالهم طفلتي وللاو ديما يديروها في عرضاتهم​

ان شاء الله اختي ربي يعزك
سما يحبوا لحريرة نعرفها واه
غادي نكتلهم بيها
ولوبيا هادي كيفاه جايا منعرفهاش هادي موتشو المقلية
صحيتي اختي بوكو بوكو :$

 

[رنيم الصمت]

رد: وش طيبتي اول مرة لبيت شيخك يا عروس

ان شاء الله اختي ربي يعزك
سما يحبوا لحريرة نعرفها واه
غادي نكتلهم بيها
ولوبيا هادي كيفاه جايا منعرفهاش هادي موتشو المقلية
صحيتي اختي بوكو بوكو :$

نموت على واه تاعكم :$
هاذي الموشتو طيبيها نورمال ب لي بولات تاع الاسكالوب وللا الفيونداشي و كي طيب نحي بأربع و للا خمسة لوبيات طوال و اغمسيهم في البيض و الفارينة و اقليهم حتان تكمليهم كامل حطيهم في طبسي تاعك و ديري عليهم لاصوص تاعها سخونة و تعود شوي خاثرة ... و اذا كنتي دايراتيها بالدجاج نحي الدجاج وحدو واقليه و حطيه من الفوق باش يمد بنة و شكل اجمل
ان شالله فهمتيني ..... جربيها كاش مرة وان شالله تعجبكم..... ربي يوفقك​

 

[رنيم الصمت]

رد: وش طيبتي اول مرة لبيت شيخك يا عروس

حالياً الأعضاء النشيطين الذين يشاهدون هذا الموضوع : 10 (1 عضو و 9 ضيف)
9 ضيوف؟؟ اين انتم ؟؟ اظهر و بان عليكم الامان تنورو اللمة:regards01:​

 

[انريس]

رد: وش طيبتي اول مرة لبيت شيخك يا عروس

انا من يومي الاول سكنت وحدي و عجوزتي تحب راجلي بزاف كانت مسكينة طيب الماكلة في دارها و تجيبهالي و في اليوم الخمس حبيت انا نديرلها هدة رحت عندها و فتلتلهم البربوشة و درتهالهم تاع بنات عامر لحرار عجوزتي عجبتها بزاف و قاتلي نموت على بربوشة السطايفية على خاطر هي قسنطينية

 

[رنيم الصمت]

رد: وش طيبتي اول مرة لبيت شيخك يا عروس

انا من يومي الاول سكنت وحدي و عجوزتي تحب راجلي بزاف كانت مسكينة طيب الماكلة في دارها و تجيبهالي و في اليوم الخمس حبيت انا نديرلها هدة رحت عندها و فتلتلهم البربوشة و درتهالهم تاع بنات عامر لحرار عجوزتي عجبتها بزاف و قاتلي نموت على بربوشة السطايفية على خاطر هي قسنطينية

حتى و تعودي ساكنة وحدك ديريلهم حاجة تاع طياب لازم حنا عندنا
اه مالا فات الامتحان بنجاح مبروك ههه.. ومدام انت لي جاتك الهدة معناها راكي متمكنة يا الحرة..
بصحتها عجوزتك ربي يخليهالكم ​

 

[Ŝĥåĥĭйëž Ïķřăмơǖ]

رد: وش طيبتي اول مرة لبيت شيخك يا عروس

نموت على واه تاعكم :$
هاذي الموشتو طيبيها نورمال ب لي بولات تاع الاسكالوب وللا الفيونداشي و كي طيب نحي بأربع و للا خمسة لوبيات طوال و اغمسيهم في البيض و الفارينة و اقليهم حتان تكمليهم كامل حطيهم في طبسي تاعك و ديري عليهم لاصوص تاعها سخونة و تعود شوي خاثرة ... و اذا كنتي دايراتيها بالدجاج نحي الدجاج وحدو واقليه و حطيه من الفوق باش يمد بنة و شكل اجمل
ان شالله فهمتيني ..... جربيها كاش مرة وان شالله تعجبكم..... ربي يوفقك​

ربي يحفضك حبيبتي راح نجربها فدار قبل
سما حنايا نفووروها ونكونو ديجا من قبل موجدين مرقة طيب بلحم غنمي وكي تفور وتطرا لوبيا نحطوها فهديك مرقة ليتكون فكيكوطا ونبلعوا عليها حتى تطيب غاياي
سما هادي ليقلتيلي عليها تفور يها من قبل ولا تغليها ولا كيفاه زيدي فهميني لغيتي
:$​

 

[رنيم الصمت]

رد: وش طيبتي اول مرة لبيت شيخك يا عروس

كيما موالفة طيبيها ديريلها ** انا موالفة نطيبها في مرقتها عادي و نسكر عليها الكوكوت حتان طيب مليح نفتح عليها**... المهم الجديد انها كي طيب نحيها من مرقتها و اجملي ب5 وللا 6 حبات ديريهم في البيض و الفرينة و اقليهم في الزيت و كملي الخطوات
ان شالله تجربيها و تعجبك و تعجب داركم ... اذا مفهمتيش حاجة قوليلي اختي شاهيناز

 

[Ŝĥåĥĭйëž Ïķřăмơǖ]

رد: وش طيبتي اول مرة لبيت شيخك يا عروس

صحيتي حبيبتي خلاص فهمتك حنونة ربي يحفضك
وربي يحققلك مراكي متمنيا ان شاء الله

 

[رنيم الصمت]

رد: وش طيبتي اول مرة لبيت شيخك يا عروس

بلا مزية اختي لعزيزة ان شالله تعجبك برك

 

[Only me]

رد: وش طيبتي اول مرة لبيت شيخك يا عروس

انا مازلت على هاذ التحدي هههه

مي مرت خويا كي جات دارتلنا المطلوع في اليوم الثالث واقيل

واحنا عادتنا لازم لعروس تعجن حاجة فيها خميرة

 

[Mima Anoussi]

رد: وش طيبتي اول مرة لبيت شيخك يا عروس

انا كون صبت راني طيبتلهم الرهج وتهنيت منهم وجوه الشر
مي خسارة كنت نية على روحي

​

 

[رنيم الصمت]

رد: وش طيبتي اول مرة لبيت شيخك يا عروس

انا مازلت على هاذ التحدي هههه

مي مرت خويا كي جات دارتلنا المطلوع في اليوم الثالث واقيل

واحنا عادتنا لازم لعروس تعجن حاجة فيها خميرة

آآآ مليح هناوكم ههه ... المطلوع ساهل و سيرتو ضرك مع الساشي الله يحفظها ههه وللا نقولك نقولك ادي معاك في جهازك بيتخان و تهناي :d
ان شالله قريب و تقولينا كيفاه خرج مطلوعك يا لالة

انا كون صبت راني طيبتلهم الرهج وتهنيت منهم وجوه الشر
مي خسارة كنت نية على روحي

​

ههههههههه قتلتيني بالضحك اختي هههههه
معليش ولله ما تلقاي عايلة بلا مشاكل و سيرتو بين الكنة واهل راجلها .. مكانش خير مللي يضربهم بطاوة و يطفي الضو ... واقضي صوالحك في هدوء ... لي تبدا ترد عليهم و تتحوسس منهم هي لي تحصل و تفرها في روحها
ربي يهنيك اختي و يفتح عليك:regards01:​

 

[السلطانة]

رد: وش طيبتي اول مرة لبيت شيخك يا عروس

وعليكم السلام
يعطيك الصحة ههه اكيد عجبهم واش طيبتي مع التاي
كي نطيبلهم نجي نحكيلكم
غير يخطيوني من الشخاشيخ
نطيبلهم ليgراتان ياسر
موضوع مشوّق
من خلالو نتعرفو على مواقف فحلات اللمة
​