سيرتو لي يقراو في الليسي عندي سؤال

[محبة الدراسة]

راح نسقسيكم[ إناث ذكور]

كي يطلع واحد للسبورة باه يكتب

تضحكوا عليه ولا لا

++في رايكم واعلاه التلاميذ يمنشروا لي يطلع يكتب في السبورة

واش ندير باه نتخلص من الحشمة نتاعي و نطلع للسبورة عادي:$

علابالكم وليت مانشاركش في خاطر الحشمة

تخيلوا أنا الوحيدة في القسم لي نحل كامل التمارين صحيحة و كيما يحب اأستاذ

مي الحشمة راح تقتلني

و زيد ساعات نحس روحي متيقرة و كامل الناس تضحك عليا

و زيد الأساتذة كي يهدروا معايا وجهي يحمار و نقول يا ليتني مت قبل هاذا

بليز ساعدوني للتخلص من المواقف الحرجة و جزاكم الله خيرا

 

[sahiko hamza]

رد: سيرتو لي يقراو في الليسي عندي سؤال

كلها وساويس الشيطان باه ماتقريش مليح
زمام ضحكو هليك اومبعد و راح يصرالك راح تموتي ؟؟

الى كملتي كيما هك راح تتعقدي اكثر واكثر

اختي مكان والو
حسيتي رحك حشمتي عادي خلاص استغفري مولاك وعولي على الكريم وجاوبي كيما تعرفي

هكذا ر اح تتخلصي من المشكل تاعك بإذن الله
​

 

[رحاب ملاك]

رد: سيرتو لي يقراو في الليسي عندي سؤال

علابالك يصرالك كيفي بصح نورما ل طلعي واحكي عادي وما تديهاش فيهم ديري بلي ماهمش كاينين خلاص
بالعكس عندنا حنا يضحكو بصح ماشي نية يتمسخرو يضحكو باش يضحكو لي طلع لسبورة
وزيد كي تطلعي لسبورة هذاك وين تفهمي مليح
ديري عليا طلعي نورمال وما يهمك حتى واحد​

 

[سمسم السمسومة]

رد: سيرتو لي يقراو في الليسي عندي سؤال

أطلعي و أنساي بلي كاين لي راه يشوف فيك
صدقيني جربيها مرة و زوج مع اللول بلاك تجيك شويا واعرة مي ديري حاجة في بالك راهي تعطيك الثقة في روحك
و ربي يوفقك​

 

[محبة الدراسة]

رد: سيرتو لي يقراو في الليسي عندي سؤال

شكرا لكم

مي الحاجة هاذي جاتني صعيبة

ما تخيلتش روحي نطلع للسبورة عادي

و نخاف ىمن التمنشير نخاف

نخاف يمنشروني و أصبح أضحوكة

و كي نكون هابطة من السبورة و نسمع الكلام عليا نقول كون غير راني قاعدة في الدار

و زيد عندي مشكل آخر

أنا من النوع لي يزعف و منحملش التمسخير


واش ندير باه ىما نراعيلهمش

 

[*RAHMA]

رد: سيرتو لي يقراو في الليسي عندي سؤال

khti lezem twelfi
hedou hejet normal
w zid ensey beli rahom ychouffou fik 3leh tkhedmi rassek bihoum
medem 3lebelek wech raki diri
diri confiance fi rohek
raki chatora rabi yahafdhek w ywef9ek

 

[ŘǻŇǾŬČĥ ŘǻČĥǻ]

رد: سيرتو لي يقراو في الليسي عندي سؤال

سلام
صح اختي كاين هذوك اللي يمنشروا واكيد هوما اللي فارغين شغل
المهم اختي شاركي والحشمة في الحوايج الغالطة ماشي في القراية
انا كنت كيفك بصح في السيام كنت نحل كلش صحيح وعلى جال الحشمة منشاركش ومن
بعد كي جات الموايان نلقى علامات هابطة وبالاخص في التقويم
وكي نسال الاساتذة يقولولي انتي متشاركيش
وانا من هذاك اليوم عدت نشارك وما يهمني حتى في عربي
يضحكوا ولا يندبوا وانا المهم ندي الموايان
وهذا كان راي فقط
فتقبلي مروري
:regards01::regards01:
​

 

[ريانة]

رد: سيرتو لي يقراو في الليسي عندي سؤال

سلام يا الحشامة :$واشبيك أحمارتي منيش أعليك:p:p:p:p:d شوفي لي يغلط عمرو ما يتعلم وواحد فينا ما خلق معلم وهادي هي الدنيا لي يضحك أعليك راهو والله ما علابالو pcq الفاهم راهو منتبه لدرس ماشي لاتي بالضحك نورمال أطلعي للصبورة وجاوبي كيما تعرفي والا ما غلطتيش كيفاه تتعلمي وكي يهدر معاك الأستاد عادي واش راح ياكلك ختيتي الحشمة فالقباحة ok أيا روحي تقراي درك هاي زادت حشمت:$ ههههههههههههههه:p.

 

[Only me]

رد: سيرتو لي يقراو في الليسي عندي سؤال

نقولك حاجة انا في الليسي وسورتو في التارمينال كنت نموت على الصبورة مرات نطلع نكتب ومرات نطلع نحل كاش تمرين علابالك كنت انا لي نضحكهم عليها ماخليتلهمش فرصة يضحكو عليا

وديري امليح في بالك بلي لي يضحك عليك هو راه مضحكة خاطر في العوض لي يتبعو الحل باش يفهمو قاعدين يضيعو في وقتهم

وزيد لازم تكوني واثقة من روحك بلي مكان حتى حاجة تضحك من غير العقول الصغيرة تاع زملائك ، والحشمة عادي هاذيك راهي تاثيرات جانبية تاع الضغط والتوتر هذا ماكان ولازم انت تتغلبي عليهم

ربي ينجحك ان شاء الله

 

[Only me]

رد: سيرتو لي يقراو في الليسي عندي سؤال

شكرا لكم

مي الحاجة هاذي جاتني صعيبة

ما تخيلتش روحي نطلع للسبورة عادي

و نخاف ىمن التمنشير نخاف

نخاف يمنشروني و أصبح أضحوكة

و كي نكون هابطة من السبورة و نسمع الكلام عليا نقول كون غير راني قاعدة في الدار

و زيد عندي مشكل آخر

أنا من النوع لي يزعف و منحملش التمسخير


واش ندير باه ىما نراعيلهمش

لازم تكبري قلبك وماتعمريش راسك بيهم خلاااااااااااص ديريهم مكانش

وبالنسبة للزعاف ، ازعفي ملي يقيسوك بلكلام وكيما يقول المثل " من عند الرخيس ( حاشاك) ماتقيس"
لازم تولفيلهم بلي انت هي الصح وغير انت لي لازم تلطلعي للطابلو ولفيلهم هاذ العقلية تولي انت النجاة تاعهم نهار يطلعو هوما كامل يشوفو فيك كشما توريلهم

 

[الناقد الصريح]

رد: سيرتو لي يقراو في الليسي عندي سؤال

ختي ما تراعيش لايجابات الأعضاء...........== والحياء شعبة من الايمان==صدق رسول الله.........تقراي وتخلصي وتتخرجي وتودعي الدراسة وتنساي ........أصلا الأساتذة والطلبة يسيبورتيوا الحشام :$ اختي اللي يحشم بزاف متربي بزاف واللي ما يحشمش مايترباش =====اذا لم تستحي فافعل ما شئت==== صدق رسول الله ==عليه أفضل الصلاة وأزكى التسليم==
احشمي وزيدي:up: يفوتوا السنوات ورجعيلي لخبر:regards01:

 

[Only me]

رد: سيرتو لي يقراو في الليسي عندي سؤال

الأخ حقو احنا ماقلنالهش نحي الحشمة

بالصح في لقراية مكانش حشمة ولازم التلميذ يثبت حضورو في القسم

وكاينة مقولة تقول لاينال العلم مستح ومتكبر

وقال الأصمعي من لم يحتمل ذل التعليم ساعة بقي في ذل الجهل أبدا .

 

[الناقد الصريح]

رد: سيرتو لي يقراو في الليسي عندي سؤال

اختي اونلي مي هي تهدر على الحشمة من السبورة والأساتذة كي يهدروا معاها ==تحشم على روحها هاذي دلالة على أخلاقها العالية == ماشي الحشمة لطلب العلم:s

 

[Only me]

رد: سيرتو لي يقراو في الليسي عندي سؤال

لالا مراهيش تحكي على الحشمة لي فهمتها

هي تحشم خاطر صحابها يمرقو بزااااف وهي تحس بلي حاجة ناقصتها وكي تجي مولية لبلاصتها تسمع تعليقات من اصحابها

هذا واش بغات تقول ،،
وزيد كاين فرق بين الحشمتين ،، احنا مراناش نقولولها صحي وجهي ولا كوني قبيحة
مي الحشمة تاعها هاذي ماهيش محبوبة لأنو هكذا اطفرها في روحها خاطر وتولي انطوائية ومعزلة

 

[ђĩหđǿĉħǻ]

رد: سيرتو لي يقراو في الليسي عندي سؤال

لا لا يا حبيبتي لا حيااء و لا خجل وقت الدرااسة
بالعكس مين تشاركي سوااء كان صح او غلط راح تكون المحاااولة و هدا هو الاهم
اللي حب يتمسخر يضحك خليه يضحك العام كامل و في الاخر شوفي شكون اللي يوصل
عاادي عندك اجابة شاركي بيها حتى لو كانت غلط
تاني شي السبوورة اهم شيء باش متعاوديش الخطا و الله
جربيها
متفهميش قوليي مفهمتش تعاود تشرحلك و متفميش قولي مافهمتش
رايحة تقري باش تغلطي و تتعلمي
تفهمي و ماتحشميش
تغلطي في سبورة احسن من الامتحانات
نتمنالك التوفيق ان شاء الله

باختصاار هدرة النااس ماديريش عليها بلعااني ميقرووش و يحبو يجرو معاهم وحدخرين
​

 

[ليلى غيمز]

رد: سيرتو لي يقراو في الليسي عندي سؤال

انا تاني يصرالي هاك بصح ما تحشميش اخرجي مرة مرتين وما تشوفيش فيهم نورمال تتنحيلك هادي الحشمة

 

[islam bozo]

رد: سيرتو لي يقراو في الليسي عندي سؤال

سلام عليكم .......شوفي ختي هادو الحوايج نورمال من سنة القراية لازم عليكي ماديريش عليهم و اتوكلي على ربي و ديماري للفدام و جامي ترجعي لاريار بسبة حاجة تافهة كيما هادي و بالتوفيق

 

[اسيرة نفسي]

رد: سيرتو لي يقراو في الليسي عندي سؤال

اختي في الله لن ازيدك عن هذا شيء

لا ينال العلم اثنان المستحي والمتكبر

وانت اعلمي ما عليك عمله

سلامي
​

 

[محبة الدراسة]

رد: سيرتو لي يقراو في الليسي عندي سؤال

شكرا للردود

لكن المشكلة تاعي في واحد العباد

عناصر فقط

يضحكوا و يعلقوا ما عرفتش كيفاه نحيهم من راسي

و زيد كي يهدروا معايا الاساتذة نحشم و نتعلثم في الإجابة و نحس مشيتي مشية وحدة باصة ولا معوقة حاشاكم

نحس روحي تافهة و ما عندي حتى قيمة

 

[الناقد الصريح]

رد: سيرتو لي يقراو في الليسي عندي سؤال

لالا مراهيش تحكي على الحشمة لي فهمتها

هي تحشم خاطر صحابها يمرقو بزااااف وهي تحس بلي حاجة ناقصتها وكي تجي مولية لبلاصتها تسمع تعليقات من اصحابها

هذا واش بغات تقول ،،
وزيد كاين فرق بين الحشمتين ،، احنا مراناش نقولولها صحي وجهي ولا كوني قبيحة
مي الحشمة تاعها هاذي ماهيش محبوبة لأنو هكذا اطفرها في روحها خاطر وتولي انطوائية ومعزلة

:regards01::regards01::regards01: