تصديرة العروس ..أنت معها أو ضدها؟

[حكايا الورد]

بسم الله الرحمن الرحيم

السلام عليكم

حبيت نتحدث للأخوات عن موضوع التصديرة​

الكل يعرف تصديرة العروس اللي هي عبارة​

عن عرض أزياء ..من العاصمي للوهراني للسطايفي ​

للقبائلي ..الشاوي ...وغيرها​

وهي منتشرة في الجزائر و المغرب و حتى تونس ..​

لكننا لانراها في المشرق حيث تكتفي العروس​

المشرقية بزي واحد طوال السهرة....​

و هنا أقول مالفائدة وراء التصديرة التي ​

تنجر عنها تعب العروس من الذهاب و المجيء​

و كذا انفاق لأموال كثيرة و بعدها ترمي نصف ​

الأزياء بعد الزواج....و تضضيع للوقت بدل​

اغتنامه في الحديث و السمر مع الصديقات..​

من جهة أخرى هي عادة من العادات و التقاليد المتوارثة​

و هي تبرز ذوق العروسة حول الأزياء....​

سؤالي للأخوات :
هل أنت مع أو ضد عادة التصديرة؟
وما قولك اتجاهها؟​

​

 

[tistissa dj-tissou]

رد: تصديرة العروس ..أنت معها أو ضدها؟

هل أنت مع أو ضد عادة التصديرة؟
وما قولك اتجاهها؟

انا مع عادة التصديرة
باعتبارها تحافظ على العادات والتقاليد الخاصة باالالبسة
​

 

[tatou y]

رد: تصديرة العروس ..أنت معها أو ضدها؟

بيانسور معاها ههه
مرس ياختي الغالية على الموضوع

 

[حكايا الورد]

رد: تصديرة العروس ..أنت معها أو ضدها؟

هل أنت مع أو ضد عادة التصديرة؟
وما قولك اتجاهها؟

انا مع عادة التصديرة
باعتبارها تحافظ على العادات والتقاليد الخاصة باالالبسة
​

صحيح هي حفاظ للعادات و التقاليد
شكرا لك على المرور
​

 

[حكايا الورد]

رد: تصديرة العروس ..أنت معها أو ضدها؟

بيانسور معاها ههه
مرس ياختي الغالية على الموضوع

و هي حلم كل عروس
شكرا لك على المرور
​

 

[Ĉoĕǔŕ Dề Ḟľeuŗ]

رد: تصديرة العروس ..أنت معها أو ضدها؟

وعليكم السلام
انا نشوفها كيما قلتي تضيع الوقت وخاصة الاموال هداك الوقت لي دير فيه التصديرة تريح فيه وتاني مرايحاش تشري كلش الدراهم لي تكري بيهم تزيدهم حاجة في روحها
مرانيش ضدها 100/100
psk نبغي نشوفها وتاني ختي بعد العيد عرسها ورايحا ديرها
مي انا ان شاء الله ادا كتب ربي مندرهاش
ومرسي عاى الموضوع
سلام

 

[حكايا الورد]

رد: تصديرة العروس ..أنت معها أو ضدها؟

وعليكم السلام
انا نشوفها كيما قلتي تضيع الوقت وخاصة الاموال هداك الوقت لي دير فيه التصديرة تريح فيه وتاني مرايحاش تشري كلش الدراهم لي تكري بيهم تزيدهم حاجة في روحها
مرانيش ضدها 100/100
psk نبغي نشوفها وتاني ختي بعد العيد عرسها ورايحا ديرها
مي انا ان شاء الله ادا كتب ربي مندرهاش
ومرسي عاى الموضوع
سلام

طبعا كل واحد و رأيه
و الأسباب اللي قدمتي راهي صحيحة و معاك حق
و أشكرك على المشاركة
​

 

[السلطانة]

رد: تصديرة العروس ..أنت معها أو ضدها؟

وعليكم السلام
بالنسبة لولاية قالمة
حنا معندناش هاد العادة
يعني لعروسة نهار الحنة تاعها
تحني في القندورة الكبيرة ومباعد تلبس غوب سامبل وادا كانت رايحة من الحنة تلبس لاغوب بلونش
كاين لي يجيبو الماشطة هاديك ويبقاو يبدلو
بصح عادت ديمودي درك قليل وين تلقاي وحدة جابت الماشطة
ولا لبست 7 لبسات
أنا كونتر التصديرة
نخدم قنادري صح
ولي نحتاج برك
اما باه نبدل ونتصدر وندير عرض أزياء منديرش
يعني حنا منتبعوش العادات
شفت الولايات لوخرا عندهم لازم التصديرة ومنعرف واش
اواه ندير لي يخرج عليا
منيش مهبولة نطيش دراهمي في قنادر مباعد منلبسهمش
عندي مرت خالي دارت بزاف
ومالبستهمش خلاص وراحت لامود تاعهم درك
قاتلي كون يولي رايي للور كنت حطيتهم في الدهب
شكرا على الموضوع الرائع


​

 

[قلبي نمشي عليه]

رد: تصديرة العروس ..أنت معها أو ضدها؟

انا ضد فيها تبذير بزاف وزيدي كل العرائس يتعاندوا كاينة الي عندها المال باش ادير وكاينة الي معندهاش تولي ادير ديون على اهلها فقط للمظاهر كما انها متستعملهمش فقط في عرسها تصدر بيهم ومن بعد اما تبيعهم او تخبيهم بلا فايدة اعلاه متكونش بسيطة في لباسها مثلا روبة وحدة تكفي ليلة الحنة ونهار الدخول فستان الأبيض طبعا بدل متشري الكتان وتزيد تخيطوا شوفي شحال يستقاملها هذوك الدراهم تديرهم حجات اخرى تحتاجهم في بيتها احسن هذا هو راي

 

[أم نورس]

رد: تصديرة العروس ..أنت معها أو ضدها؟

salam oukhti ouachoukran 3la hada almaoudou3 binissbati li ana did hadihi al3ada liannaha tadii3lilamoual oua taklif lilahll hounak man la iamlikoun almal illa anahoum iach3ouroun anahoum moudtaroune limoujaratt attakalid oua al3adat almoukalifa hada raii achakhssi ouana 3an nafssi madirathach ou manich nadmana

 

[قلبي نمشي عليه]

رد: تصديرة العروس ..أنت معها أو ضدها؟

اولا السلام عليكم رحمة الله تعالى وبركاته
عندي استفسار بسيط علي حسب ماشفت موجود كل الفساتين
التقليدين للجزائر الآبعض الولايات فلباسهم مهوش موجود مثل لباس لعروسة الصحراوية الجزائرية متل لباس العروس التارقية وكذلك لباس تندوف غرداية واد سوف اين لباسهم التقليدي اليس من حق العروس الجزائرية ان تصدر فيهم حتى يصبحوا معرفين لدى كل الجزائريات نشوفوا في تصديرة العروس الجزائرية تصديرة الهندي اما اقرب الهندي او الصحراوي اليس هاذوا من الجزائر ومن حقنى ان نعرف لباس الصحراوي وانا اقترحه بدل الهندي الي مهوش من عداتنا وتقاليدنا ومهوش جزائري ان يحل في مكانه تصديرة صحراوية مثل تصديرة القبائلية اتمنى ان تاخذ طلبي بعين الأعتبار وشكرا

 

[amel al3lm]

رد: تصديرة العروس ..أنت معها أو ضدها؟

انا معها من جهة انها تحافظ على اللباس التقليدي
وزمن جهة اخرى انا ضدها لانها تسبب الفتن
تحياتي لكمممممم

 

[امل فريال]

رد: تصديرة العروس ..أنت معها أو ضدها؟

ana m3a prs hiya 3adate wa ta9alid

 

[حكايا الورد]

رد: تصديرة العروس ..أنت معها أو ضدها؟

وعليكم السلام
بالنسبة لولاية قالمة
حنا معندناش هاد العادة
يعني لعروسة نهار الحنة تاعها
تحني في القندورة الكبيرة ومباعد تلبس غوب سامبل وادا كانت رايحة من الحنة تلبس لاغوب بلونش
كاين لي يجيبو الماشطة هاديك ويبقاو يبدلو
بصح عادت ديمودي درك قليل وين تلقاي وحدة جابت الماشطة
ولا لبست 7 لبسات
أنا كونتر التصديرة
نخدم قنادري صح
ولي نحتاج برك
اما باه نبدل ونتصدر وندير عرض أزياء منديرش
يعني حنا منتبعوش العادات
شفت الولايات لوخرا عندهم لازم التصديرة ومنعرف واش
اواه ندير لي يخرج عليا
منيش مهبولة نطيش دراهمي في قنادر مباعد منلبسهمش
عندي مرت خالي دارت بزاف
ومالبستهمش خلاص وراحت لامود تاعهم درك
قاتلي كون يولي رايي للور كنت حطيتهم في الدهب
شكرا على الموضوع الرائع


​

أهلا بك يا ميشا
حنا هنا في ولاية ميلة مازالها
من الأولويات و نزيدك حاجة
حنا العروسة تتصدر مرتين :
مرة في دار باباها و مرة في دار زوجها
و هذي فيها تعب بزاف بزاف
ومازال حتى وحدة ما خرجت على هاذي العادة

شكرا لك على المرور
​

 

[حكايا الورد]

رد: تصديرة العروس ..أنت معها أو ضدها؟

انا ضد فيها تبذير بزاف وزيدي كل العرائس يتعاندوا كاينة الي عندها المال باش ادير وكاينة الي معندهاش تولي ادير ديون على اهلها فقط للمظاهر كما انها متستعملهمش فقط في عرسها تصدر بيهم ومن بعد اما تبيعهم او تخبيهم بلا فايدة اعلاه متكونش بسيطة في لباسها مثلا روبة وحدة تكفي ليلة الحنة ونهار الدخول فستان الأبيض طبعا بدل متشري الكتان وتزيد تخيطوا شوفي شحال يستقاملها هذوك الدراهم تديرهم حجات اخرى تحتاجهم في بيتها احسن هذا هو راي

عندك حق في حكاية الديون
اللي ماعندهاش المال تتدين فقط
لارضاء الناس بتصديرة من بعد ترمي
نصها

شكرا لك على المرور
​

 

[حكايا الورد]

رد: تصديرة العروس ..أنت معها أو ضدها؟

salam oukhti ouachoukran 3la hada almaoudou3 binissbati li ana did hadihi al3ada liannaha tadii3lilamoual oua taklif lilahll hounak man la iamlikoun almal illa anahoum iach3ouroun anahoum moudtaroune limoujaratt attakalid oua al3adat almoukalifa hada raii achakhssi ouana 3an nafssi madirathach ou manich nadmana

طبعا معك حق من جهة

شكرا لك على المرور
​

 

[حكايا الورد]

رد: تصديرة العروس ..أنت معها أو ضدها؟

انا معها من جهة انها تحافظ على اللباس التقليدي
وزمن جهة اخرى انا ضدها لانها تسبب الفتن
تحياتي لكمممممم

شكرا لك على المرور
شرفت الموضوع
​

 

[حكايا الورد]

رد: تصديرة العروس ..أنت معها أو ضدها؟

ana m3a prs hiya 3adate wa ta9alid

شكرا لك على المرور
شرفت الموضوع​

 

[ملكًة الاحسآس]

رد: تصديرة العروس ..أنت معها أو ضدها؟

وعليكم السلآآم
أهلآآ بالوردة ووآش جآبتلنآ
يآختي انا العروسة الي مآتديرش تصديرة ومآتتصدرش تبآنلي مش عروسـة
حنآ في ولآيتنــآ مازال مافتش حتى عرس بلآ تصديرة
متمسكين بزآف بالعآدة هدي ، وبالعكس نشوفهآ حآجة مليحة
وتحآفظ على عآدآتنآ وتقاليدنآ ، تبآنلي العروسة كي نهآر عرسهآ تبقى بغوب بلونش
مآعندهآش حتى معنى ، الصح كآمل كي تبقى دآخلة خآرجة :p
انا تعجبني ومعولة ان شاء الله نديرهآ في عرسي ، كآين حآجة بركـ ضدهآ
هي انه كآين عروسآت يديرو تصديرة مبآلغ فيهآ تدي الملآين كون حطتهم دهب يجيبولهآ مايجيبولهآ
بون الوحده تدير حآجة مليحة ومعقولة ، سوغثوو تدير تصديرة الي تقدر تلبسهآ امبعد ومآتكثرش
انا اختي دآرت تصديرتهآ ولقآتهآ كي تزوجت كي دآرت حوآيج ملآح ويتلبسو
يآخي حنآ فالعرآس منين نلقآو وحده
تبدل وتعآود فالسهرة 3 ولآ 4 لبسآت نقولو بآينة عروسة جديدة :d
يآختي انا كي نخمم في عرسي نبدى نيمآجيني في روحي وانا دآخلة خآرجة نتصدر
أpــآغ نهآر لآغوب بلونش :p
ميرسي على الموضوع الحلو يآحلوة أنتي




​

 

[صبااح]

رد: تصديرة العروس ..أنت معها أو ضدها؟

ضدها 100بال100
فيها تبذير كبير بزاف
وبعد العرس نص القش تلبسو لخزانه
بإذن الله منديرهاش​