تسمعو قصة ثانويتنا تهبلو

[khadijabe]

انا نقرا في ثانوية سنة ثانية ثانوي كنت متشوق روح نقرا في الثانوية لكن مباعد محبيتهاش خالص:down: نقولكم علاه لخطرش ديرين قسم خاص بولاد الاساتدة والطب وغيرهم والي معندوش المعرفة يقرا في قسم مش موهم والاساتدة الملاح يمدوهم للقسم الختص والساتدة الرايحين فيه يمدوهم للاقسام الي رايحين فيها انا ياربي نخرج في المستقبل مديرة هاكا نعدل مشي كي حالت المدير ديالنا لعطولي الحل

:s

 

[حفيد هواري بومدين]

رد: تسمعو قصة ثانويتنا تهبلو

صبر حالة كل الزواولة والبلاد ولات هكدا
وافقت على الموضوع

 

[روز]

رد: تسمعو قصة ثانويتنا تهبلو

لهذه الظواهر وجدت الطبقية
ولهذا خلقو من أطفالنا كسلاء ومجتهدين..
ولهذا عبر الجزائري بحرقة عن حاله بكلمة " حقرة"
وبعدها يتساءلون لماذا الجزائري حقار
لأنه مذ كان نبتة صغيرة كبر عليها
فابن المرفه حقار والزوالي كي يترفه يولي حتى هو حقار
يتلاعبون بنفسيات جيل بأكمله
ولا حول ولا قوة الا بالله..

حاولو تغيروا الوضع بأي طريقة ولا غيري الثانوية

 

[islam bozo]

رد: تسمعو قصة ثانويتنا تهبلو

ربي يهدينا

 

[Only me]

رد: تسمعو قصة ثانويتنا تهبلو

ماشي غير ثانويتك ،،

انا ثاني كي كنت نقرا 2 ثانوي حطونا في كلاصة هي يعني عاقلة مي لي بروف مكاين والو والفيزياء ماقريناهاش خلاص

ولي بروف لملاح مدوهم لـ S1 كلاصة فيها غير ولاد الأساتذة والمراقيب وصدقيني يااختي فيها غير زوج بنات عاديات وحدة بنت عمي والأخرى صحبتي والباقي كامل اولاد الطبقة الراقية لي عندهم الدراهم والمشكل والله ولادهم مايقراو يعني غير شتاو يضيعونا مي الحمد لله المدير توله وفي الباك عدل الحالة والأساتذة لملاح فرقهم على الأقسام ،،

واش تحبي ياختي هاذي هي الدزاير والمعريفة في كل بلاصة حتى في الغيابات والتاخرات انت تخليصيها غالية تمرمدي باباك باش يبررلك وهوما داخرين خارجين بهواهم

ربي يجيب الخير

 

[سندريلا]

رد: تسمعو قصة ثانويتنا تهبلو

في كل بلاصة الطبقية كاينة اختي.

 

[la lune rose]

رد: تسمعو قصة ثانويتنا تهبلو

اتصرفو
مشاء الله 30 تلميد قادرين تغيرو الوضع
ربي يعاونكم

 

[TeNtOuNa]

رد: تسمعو قصة ثانويتنا تهبلو

مام انا صراتلي هدي الحالة في الاولى ثانوي
كي جيت نسجل لقيت مستشارة التربية هي لي تحل وتربط مدايرة كلاصة سبيسيال لولاد الاساتذة والمراقبين وولاد البرجوازية لي عندها معاهم افيرات
وانا كانت رايحة تحطني في كلاصة بعد اكتشفت بلي المهمشين كامل حطتهم فيها
ليسونسيال ماما ربي يخليها كانت قافزة وكلاتها بالهدرة وخبرتها بلي انا تلميذة عندي معدل ممتاز وماتصلحش نتحط مع تلاميذ ضعفاء حتى بدلت رايها وحطتني في لاكلاص سبيسيال هاديك

حتى ليبروف كي شافوني حارو كيفاش دخلت فيها بصح اتكلي على ربي هو لي يقسملك
"كي دخلت لقيتهم قاعدين ب la list بقات الطابلة اللولة مافيها حتى واحد قعدت فيها وحدي ومبعد جات وحدة خلاف قعدت معايا والخلاصة: المعريفة تاعهم ما نفعتهمش فالبلاصة هههه"
​

 

[هدوء المطر]

رد: تسمعو قصة ثانويتنا تهبلو

أنا ثاني كي كنت في السنة أولى ثانوي، كآنوا دايرين قسم خآص لأولاد فلآن و فلآن، و حطّولهم أساتذة ملآح، مي حنآ ما سكتناش، و كل ما يجينا أستاذ نهدرو معاه على هذا الموضوع، مي هوما يدافعوا على الإدارة، و يقلولنا لالا حَطُّوهم زهر برك، قلنالهم كيفاش بن الأستاذ فلآن و بن الطبيب فلآن، و بن خو المدير...هذو كآمل حطّوهم زهر؟!!، المهم درنالهم فوضى، من بعد في السنة ثانية ولاّو خلطوهم/و حطوّلنا نفس الأساتذة، و في التارمينال كيف كيف،.
الحل راه بيدكم نتوما، حاولوا توصلو الرسآلة للمدير و لا للناظر، أما إذا بقيتوا ساكتين رايحين تبقاو محقورين،/
ربي يسهللكم إن شاء الله.​

 

[farid8751]

رد: تسمعو قصة ثانويتنا تهبلو

السلام عليكم
الحرية تؤخذ ولا تعطى .....الانسان هو السبب في مذلة نفسه بنفسه ..اذا سكت الانسان عن من ذله واحتقره فهذا طبيعي ان تستمر مذلته واحتقاره ....تستطعون قلب الموازين الى صالحكم وبابسط الاشياء فقط اضراب عن الدراسة من كل التلاميذ ابقو في بيوتكم متقراوش هذا ابسط الحلول تخيلو كل الثانوية مضربة ماعدا القسم الذي قلتي عنه ماذا يحدث لهاذ المدير الطائفي ان صح التعبير ..هذه الادارة التي تتعامل بالطبقية وتتعمد اذلال التلاميذ وتحتقرهم وتعاملهم كانهم ليسو من الجزائر لذنب اقترفوه انهم لا حولة ولا قوة لهم ....سياتي يومهم ويذلهم الله سبحانه وتعالى في الدنيا قبل الاخر يوما ما تدور عليهم الدائرة .....هل هاؤلاء ابناء فلان وفلانة سيدخلونهم الجنة ..بل سيكونون سبب في عقابهم ....الله يهدينا ويهدي كل البشر الى فعل الخيرات وترك مايغضب الله ويعطينا الوعي اللازم والكامل لمواجهة مثل هذا النوع من الناس ناس الطبقية والتفرقة بين ابناء الوطن الواحد ...سبحان الله... ربي يامر بالعدل بين الابناء حتى لا تكون فتنة بينهم وحتى لا يكرهون بعضهم وناس تنشر في الفتنة والكراهية والاحقاد بين الابناء ......طبيعي جدا إن اصبح التلميذ يمقت ويكره استاذه ومديره وربما يتمنى له اسوء الحوادث تصيبه وتجده كل يوم يدعي عليه ..ألا تخافون دعاء المظلوم يامن تكرسون الطبقية وتفرقون بين التلاميذ.... شكرا على الموضوع

 

[ريانة]

رد: تسمعو قصة ثانويتنا تهبلو

et oui بلاد ميكي لي عندو يزيدوه ولي ماعندوش يزيدو عليه مي ما ربك بضلام للعبيد خليهم برك حسابهم راهو كبير والحمد لله ربي عاد يخرج فالدنيا واحنا نشوفو.

 

[miss sihèm]

رد: تسمعو قصة ثانويتنا تهبلو

wooooooooooooow
bzffffffffffff

 

[بنت الـ25]

رد: تسمعو قصة ثانويتنا تهبلو

راحت بلادكم يا وليدي
احنا مكانوش عندنا هاد الظواهر
نقلك عفسة انا وقت لي كنت فالليسي مكانش عندنا مدير
المدير تاعنا كان فالحبس بتهمة اختلاس اموال المؤسسة خخخخخ
بصح الاساتذة كانو قمة والحمدلله
الحل بيديكم انتوما اللي لازم تثورو وتطالبو بأبسط حقوقكم
لالا للتمييز لا للطبقية لا للمحسوبية وربي يسقم لبلاد والله راحت في خبر كان
​

 

[ام راقية]

رد: تسمعو قصة ثانويتنا تهبلو

يأسفنا الحال الي كانت و لا زالت عليه مؤسساتنا التعليمية اليوم
كيما يقولو هذا هو الظلم بعينيه
أتتذكر كي كنت طالبة في الثانوية و الجامعة كان تمييز كبير بين الطلاب ولاد الشخصيات يتعاملو معاملة زي
و ولاد الي ماهمش معروفين والديهم يتعاملو معاملة خلاف مثلا
التنقيط ديما هما الأولين والمتفوقين
المشاركات هما كيف كيف الأولين
التشجيع و التحفيز منحكيلكمش
لمن يتكلم معاهم لو كان واش يكون . لكن الحمد لله بقات غير الذكريات وربي لازم يجازي في الأخير .
نتمنو و نطلبو من لله يحسن و يغير الأحوال
تحياتي أختي

 

[زهور96]

رد: تسمعو قصة ثانويتنا تهبلو

الحمد لله
نحنا عندنا كل مخلطين
الفقير و الغني و الكسول و المجتهد.... الخ

 

[زهور96]

رد: تسمعو قصة ثانويتنا تهبلو

ربي يهدي
​

 

[PřĩŋcḝṦs Ğîrl Sàfyà]

رد: تسمعو قصة ثانويتنا تهبلو

وش حبيتينا نقولوا ختي حتا حنا دايرين 3كلاس واحد خاص بولاد الاساتذة والثاني للمعيدين والثالث لولاد الزواليه وش رح نعمل هذي بلادنا لا ونزيدك قسم ولاد الاساتذة فيه كامل الاساتذة المتمكنين وحنا يفوتو فينا

 

[zagane]

رد: تسمعو قصة ثانويتنا تهبلو

انا نقرا في ثانوية سنة ثانية ثانوي كنت متشوق روح نقرا في الثانوية لكن مباعد محبيتهاش خالص:down: نقولكم علاه لخطرش ديرين قسم خاص بولاد الاساتدة والطب وغيرهم والي معندوش المعرفة يقرا في قسم مش موهم والاساتدة الملاح يمدوهم للقسم الختص والساتدة الرايحين فيه يمدوهم للاقسام الي رايحين فيها انا ياربي نخرج في المستقبل مديرة هاكا نعدل مشي كي حالت المدير ديالنا لعطولي الحل

:s​

السلام عليكم
ارفد كورسيك وروح للقسم تاع المعريفة وقول ليهم نقرا ولا نحرم