مساعدة في انقاص الوزن

[*amina*]

السلام عليكم
كيف حالكم
انا امرأة متزوجة من ستة اشهر زاد وليدي آدم
وبطبيعة الحال راه يرضع صدري
المشكلة انو وزني منقصش مع الرضاعة بلعكس زاد وراني غير نزيد حتى راجلي راه يعيطلي التران :$:-oههههه
شكون منكم تعرف ريجيم ميأثرش على نقص الحليب

 

[رهف سعد]

رد: مساعدة في انقاص الوزن

ربي يخليلك ادم حتئ انا ما ينقصش وزني مع الرضاعة انا كنت 100 والان راني 78 الحمد الله انا ما نتعشاش ونقصت الحلويات والغازيات والعجاءن والاكل ما بين الوجبتين

 

[hadda0425]

رد: مساعدة في انقاص الوزن

مبروك امينة يتربى في عزك
امينة مدامك ترضعي لازم تاكلي هادي اولا
ثانيا وش نقولك اجتنبي الحلويات والمشروبات الغازية والعجائن وكثري من السوائل حليب وعصائر دايت
وشوربات الخضر كثري من الفواكه خاصة التفاح هاك تخسري وزنك وما تضريش وليدك
انا كي نبغي نعمل رجيم نحي هاد لحوايج لانهم هم اسباب السمنة
قبل العيد عملت رجيم نحيت كل شي حتى الكسرة والخبز نقصت 2 كيلو ودك كي وليت ناكل عادي راني ركبيريتهم
اذا الكسرة او الخبز تاني عندها دور في السمنة نقصي منها
على فكرة حتى انا وليدي اسمو ادم
​

 

[ЯǾᵯẫḭṧşẰ]

رد: مساعدة في انقاص الوزن

تم نقل الموضوع الى مكانه المخصص
ركن الإستشارات الطبية [ الطبيب يجيب ] ‏
​

 

[*amina*]

رد: مساعدة في انقاص الوزن

ربي يخليلك ادم حتئ انا ما ينقصش وزني مع الرضاعة انا كنت 100 والان راني 78 الحمد الله انا ما نتعشاش ونقصت الحلويات والغازيات والعجاءن والاكل ما بين الوجبتين

مبروك امينة يتربى في عزك
امينة مدامك ترضعي لازم تاكلي هادي اولا
ثانيا وش نقولك اجتنبي الحلويات والمشروبات الغازية والعجائن وكثري من السوائل حليب وعصائر دايت
وشوربات الخضر كثري من الفواكه خاصة التفاح هاك تخسري وزنك وما تضريش وليدك
انا كي نبغي نعمل رجيم نحي هاد لحوايج لانهم هم اسباب السمنة
قبل العيد عملت رجيم نحيت كل شي حتى الكسرة والخبز نقصت 2 كيلو ودك كي وليت ناكل عادي راني ركبيريتهم
اذا الكسرة او الخبز تاني عندها دور في السمنة نقصي منها
على فكرة حتى انا وليدي اسمو ادم
​

شكرا ليكم اخواتي والله مرانيش ناكل الحلويات كي كنت حامل كنت كون مايجيبليش راجلي الشيكولا نزعف منو ونضرب الشنافة هه وكي يجيبلي الحلوى تاع الكراميل نقلو تنقص منهم حبة تبات برا هههههه قداه كنت انانية هههه
ضروك ملي زيدت منيش ناكل الشيكولا بطلتها صحيح مشكلتي في الخبز ناكلو بزاف والله العجائن ملي دخلت دار عجوزتي مديرهمش
راهي جايتني فكرة التفاح نقلبها تفاح وخلاص

 

[طيور السلام]

رد: مساعدة في انقاص الوزن

يا أختي زيادة الوزن في مثل هاته الفترة شيء عادي والأمر يرجع عادة إلى بعض الأمور النفسية
وفي حالة زيادة الوزن لدرجة لا تطاق عليك بزيارة الطبيب
ربي يحفظلك وليدك إن شاء الله