صداع ، دوخــا ، شقيقة ..؟؟

[الرومنسي الجاد]

سلآمو ،،

عندي سؤال ايلا عندكم جواب ،،

تحكمنــي دوخة قاويــة بزاف ،، لي نسقسيه يقولي شقيقة ..؟

السطر يتركز فوق العين تاع لادروات بزااااااف

الشي لي محيرني انو البلاصة فيها جرح قديم صرالي العام هدا من آكسيدون ،،

مي الطبيب يقول بلي ماشي من الجرح ،، لعجوز تقولــي شقيقة و برا صحابي يقولولي شقيقة ..؟؟

شا ندير أنــا باش يروح عليــا السطر هدا ؟؟

تقريب كل عشية يحكمني الشي هدا و بدا معايا من رمضان ،،

كاش حل و لا دوا ولا وينا طبيب أخصائي نروحله ؟؟؟؟؟؟؟​

 

[tatou y]

رد: صداع ، دوخــا ، شقيقة ..؟؟

عليلو ربي يشافيك ويعافيك خويا وتلقى اللي يساعدك هااااااااااا
هههههه :p:p

 

[الرومنسي الجاد]

رد: صداع ، دوخــا ، شقيقة ..؟؟

الله يحفظك ياسمين
​

 

[الرومنسي الجاد]

رد: صداع ، دوخــا ، شقيقة ..؟؟

شكون عطاني السيت هدا ..؟

Ask Our Doctors

أنــا نحوس ع حل نتومــا تعطوني روابط ؟؟؟؟

عجب ،،

/:​

 

[طيور السلام]

رد: صداع ، دوخــا ، شقيقة ..؟؟

السلام عليكم أخي
ربي يجيبلك الشفا ان شاء الله
بغيت نسقسيك
عندك Dé vomissements ? (تقيؤ) ولا تحب تتقيا بالصح ما تقدرش؟

 

[إلياس]

رد: صداع ، دوخــا ، شقيقة ..؟؟

اوصيك بالحجامة لانها خير دواء لكل داء و شافك الله و عفاك

 

[طيور السلام]

رد: صداع ، دوخــا ، شقيقة ..؟؟

على العموم هاذو الأعراض تاع la migraine بصح باه تنحي الشك روح شوف كاش neurologue وهو يعطيك الصح
بالشفا على إن شاء الله

 

[ЯǾᵯẫḭṧşẰ]

رد: صداع ، دوخــا ، شقيقة ..؟؟

السلام عليكم اخي الكريم
la migraine ,
انا ننصحك تزور طبيب اعصاب احسن نقدر نقولك اشرب اسبيجيك باسكو هي تتبدل وتدواها يتبدل
من الاحسن زيارة الطبيب
ماتشوف شر

​

 

[الرومنسي الجاد]

رد: صداع ، دوخــا ، شقيقة ..؟؟

شفت طبيب عطاني ديقريطول (degritol ..largactil)

بصح واعر يا محاينك ،، يشبشب الراس /:

تاع تمهبيل و ماس تاع الراس ،،

قالي فيط لينار وحساسية فليسطوما ( خلعة )

زاد شوكاني مليح الطبيب هدا ،،

هدي تاع الحجامة نشوف نسقسي عليها ايلا مليحة نديرهــا

+

معنديش تقيؤ خونــا غي سطر قاوي

باراك الله فيكم ​

 

[أم أُنٌَيسة]

رد: صداع ، دوخــا ، شقيقة ..؟؟

السلام عليكم
ربي يشافيك اخي الغالي
ربما من قلة النوم و الاكل كدلك
فهدا يحدث كثيرا
او ادا كنت مريض فهي من المرض
و ربما الشقيقة
لكن ان لم تكن تنام او تاكل جيدا فهدا هو السبب
انصحك ان تدهب لطبيب تخصصه الم الراس و ليس الاعصاب
و الله اعلم
طهورا ان شاء الله اخي
ارجو ان تتقبل مروري
السلام عليكم
​