عاونوني من فضلكم

[larose]

سلام لبنات حبيت نعرف رايكم انا درت في جهازي 2 فتادر مخيطين بللكروشي تاع الصيف و واحدة شريتها و للشتاء درت 5 وواحدة متحوفة قلت نخليها للمناسبات.واحدة هدوك تاع الخليج روز هي تاني خليتها للمناسبات .5ولا 6 فيزوات بين الطوال و لقصار.جلابية ماروكان بالخمار 2 عبايات.
ادا عونتوني في هادو نزيد نديرنجيكم

 

[رنيم الصمت]

رد: عاونوني من فضلكم

الف مبروك ربي يهنيك
وشنهو المطلوب بالظبط؟
عبيت نرايي عليك اختي لبست الدار قد ما تكثري راكي في الربح و اللبسة تاع الحفلات و التصديرة مكلاه تكثري ديري قدر ما تستعملي
انا حقرت لبست الدار مع اني اديت لبسة مليحه بالصح احتجت ياسر لا زم ديما تخرجيلهم في لبسة جديدة و لون جديد
و طبعا قدر امكانياتك متعقديش الامر ابدا باباك اولى من كلش
و كي تروحي ليه طبعا ثاني عوديه ديما تشري لبسة الدار و غيرها بلا مناسبة
ربي يهنيك و يفرحك

 

[larose]

رد: عاونوني من فضلكم

الف مبروك ربي يهنيك
وشنهو المطلوب بالظبط؟
عبيت نرايي عليك اختي لبست الدار قد ما تكثري راكي في الربح و اللبسة تاع الحفلات و التصديرة مكلاه تكثري ديري قدر ما تستعملي
انا حقرت لبست الدار مع اني اديت لبسة مليحه بالصح احتجت ياسر لا زم ديما تخرجيلهم في لبسة جديدة و لون جديد
و طبعا قدر امكانياتك متعقديش الامر ابدا باباك اولى من كلش
و كي تروحي ليه طبعا ثاني عوديه ديما تشري لبسة الدار و غيرها بلا مناسبة
ربي يهنيك و يفرحك

تعيشي حنونة انت تاني ربي يهنيك انا عندي ماما ديما واقفة ضدي متديش هديك و هديك .............مي تحوس تعاوني انا مافهما فيها والو سعات نقول ندير براي ماما و منزعفهاش بصح رايحة نسكن مع دار شيخي و جاتني اللبسة تاع الدار شوية و خواتات راجلي دايمن بلبسة جديدة واش دبري عليا.,!!!!!!!

 

[رنيم الصمت]

رد: عاونوني من فضلكم

معليش ساعفي ماماك و متزعفيهاش و اذا مهيش قادرة ماديا مافيها والو ديري لي قدرتي عليها و كي تروحي لراجلك هاهو ليك نسليه هههه... ادي عليه الدراهم و كي تروحي لداركم اشري و البسي و اضربي النح قال جايبة من الدار ... ياك متحكيش لراجلك وش راكي تشري بالدراهم لي يمدهالك عموما ...
واذا ماماك قادرة زودي شوي لبسة الدار و خاصة كي عدتي في عايلة و يلبسو ... تحتاجي روبات دار بالصح يكونو ملاح تاع جون دام متكبريش روحك .. و اشري لي بودي و الجيب ... الخ راكي تعرفي
حاسة روحي مبردتلكش قلبك باجابتي هههه
أي سؤال قولي​

 

[larose]

رد: عاونوني من فضلكم

:p:p:p:p:p

معليش ساعفي ماماك و متزعفيهاش و اذا مهيش قادرة ماديا مافيها والو ديري لي قدرتي عليها و كي تروحي لراجلك هاهو ليك نسليه هههه... ادي عليه الدراهم و كي تروحي لداركم اشري و البسي و اضربي النح قال جايبة من الدار ... ياك متحكيش لراجلك وش راكي تشري بالدراهم لي يمدهالك عموما ...

واذا ماماك قادرة زودي شوي لبسة الدار و خاصة كي عدتي في عايلة و يلبسو ... تحتاجي روبات دار بالصح يكونو ملاح تاع جون دام متكبريش روحك .. و اشري لي بودي و الجيب ... الخ راكي تعرفي
حاسة روحي مبردتلكش قلبك باجابتي هههه

أي سؤال قولي​

ميرسي حنونة ضحكتيني حالنا الحمد لله لاباس بينا مي ياخي تعرفي تقولي ماما مديتك باه تقعدي في الدار نسيي نزيد شوي حوايج

 

[larose]

رد: عاونوني من فضلكم

يالبنات نزيدلكم حاجة .نقولكم واش درت في التصديرة
كاراكو تاع قطيفة مطروز كامل.
قندورة ثقيلة بالعدس من قدام و الخلف عنابية.
قندورة سطايفي بلو نوي.
قفطان بالسروال كي شغل فيو روز ثقيل.
كوكتال موف
و رايحة نخيط قبايلي منعرف نديرها مودارن ولا تقليدي دبرو عليا
ونزيد سطايفي بالسروال روز نلبسها لولى
و نخيط ملحفة بنتلي نديرها تقليدي مش مودارن.
رجعولي لخبر راني حايرة
وقولولي كيفاش نحطهم بغيت نورهلكم مي منعرفش كيفاش
ششششششششششششششششششششششششششششكرااااااااااااااا:-r

 

[zouzou08]

رد: عاونوني من فضلكم

salam lah ykamal 3lik blkhir nchalah mais n3tik rayi matkattrich hwayj lkharja psq raho ydimodaw 3am wla zoj ywalo pirimi kima galo khwatati kabli diri kach dar bzaf psq l3rays jdad dima ylik tbdal dija fnhar tlbas zoj lbsat wla 3 wkolyom tkhorji bjdid amala katri hwayj dar wkach tsdira diri haja haja wila shakiti nhar tsdira nta3k kri hwayj wmtktrich lkach bzaf kima gotlk kbal raho kolch ydimoda wrabi yhanik khoti
​

 

[iman dadou]

رد: عاونوني من فضلكم

سلام رابي يهنيك ويكملك حوايجتاع التصديرة ملاح انا نصك انك تكثري من قنادر الدار تحتاجيهم خاصة اذا كنت تسكني مع دارهم.انا تاني نسجي في حوايجي وسقسية كداه الواحده بخلاف خواتاتي المتزوجات كاش محتجتي قوليلي نعاونك ذرك نحاول نصورلك حوايجي