ماكولات وحلويات صباحية العروس الجزائرية

[larose]

السلام عليكم حبيت نتعاونو ف لحاجة هدي اللي تتميز بها كل منطقة بالجزائر كل واحد حسب عاداتو وتقاليدو
هيا نبداو نحكيو واش يطيبو ف صباحية لعروس واشي هما الحلويات اللي يحطوهم و كل مخطوبة تحكيلنا واش رايحة دير والمتزوجة تفيد والعازبة ايضا
وشكرا:p:p:p

 

[أم أمين23]

رد: ماكولات وحلويات صباحية العروس الجزائرية

في عنابة الشيء الي لازم في الصباحة سينية البقلاوة والرفيس والبن وباقي الحلويات كل واحد واش يحب وضرك ما شاء الله النت مليان بالوصفات

 

[larose]

رد: ماكولات وحلويات صباحية العروس الجزائرية

يعني لحوايج هدو يديوهم بيت العروس ولا كيفاش

 

[السلطانة]

رد: ماكولات وحلويات صباحية العروس الجزائرية

وعليكم السلام

حنا في قالمة في الصباحة

دار لعروسة

يوجدو لغدى في دارهم


مثلا يديرو شخشوخة بالدجاج ولا تليتلي المهم لي يحبو
وشربة وماكلة في الفور

كل وحدة واش تحب مع السلاطة والديسار
والقاطو ينوعو في الأنواع
4 ولا كثر
يحطو هوما لدار العريس وكي يكملو يزيدو يغسلو لماعن

مي دركا نقصو عادو ميديروش الغدى يديرو قهوة برك

انا عن نفسي مازلت مخممتش واش ندير
​

 

[zouzou08]

رد: ماكولات وحلويات صباحية العروس الجزائرية

سلام لبنات شكرااااااااااااا على هاذ الموضوع نتكلم على ناس بشار حنا في صباح لعروسة كيما نقولو ( الصبحية ) نديروا صينية كبيرة نتاع سفة و بعض العايلات يديروااااااااا الرفيس هي تاني صينية كبيرة و يدوا معاهم اطباق الحلويات لي تكون دايرتهم لعروس اما حنا فالعايلة نتاعنا اطباق الحلوى نديروهم كادو للعروس يعني انها ماديرش الحلويات و لعقوبة للجميع ان شاء الله
​

 

[أم أمين23]

رد: ماكولات وحلويات صباحية العروس الجزائرية

يعني لحوايج هدو يديوهم بيت العروس ولا كيفاش

ايه حبوبة احنا في عنابة الصباحة على دار العروس اكيد

 

[iman dadou]

رد: ماكولات وحلويات صباحية العروس الجزائرية

سلام للبنات احنا في تبسة الصباح يديروه دار العروس يوجدو القاطو والغداء ويروحو لدار العريس وكل واحد ومقدورو
انا نشاءالله مش راح نديرها راح نديرو فوايج ونحي العادة هدي