اعتقد انه لا علاج لمرضي ساعدوني

[larose]

السلام عليكم لدي الم على مستوى المعدة ياتي بشكل مفاجئء كرهت روحي منو وتلحقو الفشلة وحاشاكم نحوس نقيا واحد الستر منقدورش نوصفو حتى لوقيف منقدرش نوقف كي نروح لطبيب ما يديرلي والووووووووووو اه اه اه راني كرهت ارجو ان تقدمو لي نصيحة او اي شيء يفيدني

 

[♥♥سارة♥♥]

رد: اعتقد انه لا علاج لمرضي ساعدوني

ربما بسبب التعصيب اذا كنتي منارفيا متفرغيش واش في قلبك الله يشافي

 

[أمــ وليــد الجزائرية]

رد: اعتقد انه لا علاج لمرضي ساعدوني

الاخت ان شاء الله تلقاي الي يساعدك


و لاداعي للقلق


ربي يجيبلك الشفاء عن قريب ان شاء الله​

 

[larose]

رد: اعتقد انه لا علاج لمرضي ساعدوني

الزعاف راه حاجتي مي الله غالب

 

[la_safa]

رد: اعتقد انه لا علاج لمرضي ساعدوني

السلآم عليكم ،
أختي مآنعرف ممكن تكون من قدآه حآجة ،
الحل أنكـ تشوفي طبيب مختص ^^
و ربي يشفيكـ أختي ~
​

 

[رنيم الصمت]

رد: اعتقد انه لا علاج لمرضي ساعدوني

سقسيتلك طبيبة قاتلك روحي للطبيب تاع المعدة يديرلك فيبغوسكوبي وحد التيو يدخلو من فمك حتان المعدة باش يعرفو وش عندك........عفسة بسيطة و سهلة مش لي تخوف
بالاك عندك يا التهاب يا قرحه معدية معناها كامل الاحتمالات مش لي تخوف ياسر ان شالله
انشا الله ربي يجيب الشفا​

 

[ضيوف وسـنغادر]

رد: اعتقد انه لا علاج لمرضي ساعدوني

لكل مرض دواء اختي
لا تستعجلي الامور ترخي في استشاراتك
هناك الكثير منالاطباء المختصين
الله يشفيك​

 

[أم نورس]

رد: اعتقد انه لا علاج لمرضي ساعدوني

سقسيتلك طبيبة قاتلك روحي للطبيب تاع المعدة يديرلك فيبغوسكوبي وحد التيو يدخلو من فمك حتان المعدة باش يعرفو وش عندك........عفسة بسيطة و سهلة مش لي تخوف
بالاك عندك يا التهاب يا قرحه معدية معناها كامل الاحتمالات مش لي تخوف ياسر ان شالله
انشا الله ربي يجيب الشفا​

Ana m3a aloukht ranim fi raaiha lazam tchoufi tabib mokhtass ou rabi iachfik tahouran inchallah

 

[AnGeL*dZ]

رد: اعتقد انه لا علاج لمرضي ساعدوني

مام انا تصرالي هاد الحالة سيغتو كي نكون زعفانة ومخلوعة
درت راديو على كلش ،مي المعدة قالولي لازم ديري الجعبـة
يدخلولك انبوب في الفم تاعم باش يقدرو يشوفو وهاكا يتأكدو اسكوعندك قرحة معدية و لا حاجة أخرى
ماتخافيش مايش حاجة خطيرة ،ويمكن برك من التعصيب تصرالك يعني سبب نفسي
​

 

[iman dadou]

رد: اعتقد انه لا علاج لمرضي ساعدوني

ربي يشفيك اختي بصح انا ننصحك تشربي ماء قشور الرمان
الوصفة غلي الماء وحطي فية قشور الرمان اليابسة وبعد اشربيه بالشفاء والا كولي الرمان باقشور الرقيقة بصح لازملك متقلقيش بزاف انا ثاي كانت تجيني بصح الحمد لله وين تبعت الوصفة ارتحت

 

[نبض الحياة]

رد: اعتقد انه لا علاج لمرضي ساعدوني

وعليكم السلآم ورحمة الله تعالى وبركآته
حبيبتي ما تقوليش لا وجود لعلاج لمرضي
الحمد لله درك كل شيء راه متوفر + ربي سبحانو هو الشافي
بالنسبة لمشكلتك راهي واضحة ما فيهاش مشكل كبير
آلام المعدة حبيبة عندها اسباب عديدة
مي قبل ما نقولك الاسباب، اذا تقدري جاوبيني على هاد الاسئلة ::
هاد الآلام صراتلك من قبل وداويتيها ولا اول مرة؟
بدايتها كانت حادة او خفيفة ومع الوقت زادت حدتها؟
اذا ممكن تحديلي موقعها بالضبط واذا كان الوجع يمشي مثلا لكتافك ولا لظهرك؟؟
هاد الآلام مين تجيك اسكو راكي تكالميها؟ اذا نعم باي دواء ولا اي حركة تساعدك للتخفيف منها ؟؟
اذا سبق وزرتي طبيب، ممكن تقوليلي واش قالك؟ واذا عملتي تحاليل واش كانت النتيجة؟؟
اذا تقدري جاوبيني وممبعد انا نجاوبك اوكي

 

[larose]

رد: اعتقد انه لا علاج لمرضي ساعدوني

وعليكم السلآم ورحمة الله تعالى وبركآته
حبيبتي ما تقوليش لا وجود لعلاج لمرضي
الحمد لله درك كل شيء راه متوفر + ربي سبحانو هو الشافي
بالنسبة لمشكلتك راهي واضحة ما فيهاش مشكل كبير
آلام المعدة حبيبة عندها اسباب عديدة
مي قبل ما نقولك الاسباب، اذا تقدري جاوبيني على هاد الاسئلة ::
هاد الآلام صراتلك من قبل وداويتيها ولا اول مرة؟
بدايتها كانت حادة او خفيفة ومع الوقت زادت حدتها؟
اذا ممكن تحديلي موقعها بالضبط واذا كان الوجع يمشي مثلا لكتافك ولا لظهرك؟؟
هاد الآلام مين تجيك اسكو راكي تكالميها؟ اذا نعم باي دواء ولا اي حركة تساعدك للتخفيف منها ؟؟
اذا سبق وزرتي طبيب، ممكن تقوليلي واش قالك؟ واذا عملتي تحاليل واش كانت النتيجة؟؟
اذا تقدري جاوبيني وممبعد انا نجاوبك اوكي

بون ميرسي حنونة على الرد رحت 3 مرات عند طبيب عام يعني كي يجيني الستر قاوي منقدرش نوقف خلاص ودارنا اللي يديوني يعني يهزوني والطبيب قالي 2مرات بلي عادي كاش ما كليتي مي المرة الاخرة دارلي تعيار حشاك تاع البول وقالي عندك مكروب مي مفهمتش ومدلي دواوات من قبل مكانش الستر قاوي كان يجيني لحريق مبعد ولى كيما حك والستر يدربلي ف الكلى وكي نشرب النعناع 3ولا 4 مرات يبدى الستر يروح ولا نقول لماما ترتقلي ظهري لتحت وتجبدو شويا
و مانعرف ودارنا كي نقولهم نروح لسبيسياليبست يقوللي رايح يديرلك الانبوب هداك وهما خايفين منو بويسك اللي يديروه يشكيو منو و الله اعلم

 

[larose]

رد: اعتقد انه لا علاج لمرضي ساعدوني

كنت نشربهم من قبل كي يكون عندي حريق ميرسي حنونة

 

[larose]

رد: اعتقد انه لا علاج لمرضي ساعدوني

سقسيتلك طبيبة قاتلك روحي للطبيب تاع المعدة يديرلك فيبغوسكوبي وحد التيو يدخلو من فمك حتان المعدة باش يعرفو وش عندك........عفسة بسيطة و سهلة مش لي تخوف​

بالاك عندك يا التهاب يا قرحه معدية معناها كامل الاحتمالات مش لي تخوف ياسر ان شالله

انشا الله ربي يجيب الشفا ​

مي هدا يخوف

 

[نبض الحياة]

رد: اعتقد انه لا علاج لمرضي ساعدوني

بون ميرسي حنونة على الرد رحت 3 مرات عند طبيب عام يعني كي يجيني الستر قاوي منقدرش نوقف خلاص ودارنا اللي يديوني يعني يهزوني والطبيب قالي 2مرات بلي عادي كاش ما كليتي مي المرة الاخرة دارلي تعيار حشاك تاع البول وقالي عندك مكروب مي مفهمتش ومدلي دواوات من قبل مكانش الستر قاوي كان يجيني لحريق مبعد ولى كيما حك والستر يدربلي ف الكلى وكي نشرب النعناع 3ولا 4 مرات يبدى الستر يروح ولا نقول لماما ترتقلي ظهري لتحت وتجبدو شويا
و مانعرف ودارنا كي نقولهم نروح لسبيسياليبست يقوللي رايح يديرلك الانبوب هداك وهما خايفين منو بويسك اللي يديروه يشكيو منو و الله اعلم

اوكي حبوبة حبيبة هاد الآلام تجيك بعد ما تاكلي مباشرة، ولا بعد مدة يعني 3 سوايع ولا 4 ولا كي تاكلي تخف عليك شوياا؟؟
تقيتي مرة ولالا، وعندك شعور نتاع حابة تتقيي حاشاك حبيبة ؟
واذا تقيتي حبيبة آسكو قذفتي دم او ما شابه ذلك من فمك اولا ؟؟

 

[larose]

رد: اعتقد انه لا علاج لمرضي ساعدوني

اوكي حبوبة حبيبة هاد الآلام تجيك بعد ما تاكلي مباشرة، ولا بعد مدة يعني 3 سوايع ولا 4 ولا كي تاكلي تخف عليك شوياا؟؟
تقيتي مرة ولالا، وعندك شعور نتاع حابة تتقيي حاشاك حبيبة ؟
واذا تقيتي حبيبة آسكو قذفتي دم او ما شابه ذلك من فمك اولا ؟؟

ساعات كي ناكل شخشوخة مثلا يكون عندي الستر يعني بعد شي 1 ولا اقل
متقييتش مي حابة حشاك نتقيا

 

[serinee]

رد: اعتقد انه لا علاج لمرضي ساعدوني

rabi ychafik nchallah
w matkalkich rohhak
li ano waja3 el ma3ida yzid m3a el taklak
​

 

[نبض الحياة]

رد: اعتقد انه لا علاج لمرضي ساعدوني

ساعات كي ناكل شخشوخة مثلا يكون عندي الستر يعني بعد شي 1 ولا اقل
متقييتش مي حابة حشاك نتقيا

اوكي حبوبتي
شكرآ ليك واسمحيلي بزااف طولت عليك في الاسئلة مي لازم :-r
شوفي حبوبة ألام المعدة الحادة عندها اسباب عديدة:
اولا عملت تحاليل في البول اكرمك الله وكانت النتيجة فيها بكتيريا على حساب الطبيب اللي مشيتي عندوا ، مالا البكتيريا تسبب التهابات في المسالك البولية وغيرها وينتج عنها آلام حادة توصل حتى للمعدة لكنها تكون مرافقة بآلآم عند التبول لذلك لازم تعالجي هاد المشكل
احتمال ضعيف يكون الامر مرتبط بالمالكة، لانو التسممات الناتجة عن المالكة بمجرد ما الانسان يداويها تمشي فقط اذا كانت من نوع طفيليات خطيرة وهنا يدخل موضوع آخر غير حالتك،

ثانيا، كاين حالة القلق والنرفزة تسبب آلام في المعدة عن طريق تاثيرها السلبي عليها،

الناس اللي قالولك اعملي الفيبروسكوبي، هاد الفيبرو نديروها في الحالة اللي يكون كاين التهابات حادة في المعدة يعني الغشاء نتاعها يكون شبه مجروح، هاد الامر يعطينا سيلان لدم، والمريض يتقيا دم مصاحب ببقايا الاكل على هادي سالتك اذا تقيتي او لا، والدور نتاع هاد الفيبروسكوبي هي باه نحدوا بالضبط وين راه الالتهاب الناتج عن بكتيريا معروفة وناخذوا شوية منه ونبعثوه للسارفيز ana_path حتى نعرفوا نوع البكتيريا و خصائص الالتهاب، وفي هاد الحالة الآلام تكون مع الجوع، يعني مين يجوع المريض يجيه الوجع ويخف بمجرد الاكل،
على هادي في حالتك حبوبة نورمالمون ماشي ديراكتومون يديرولك الفيبرو اولا تتم معالجة الالتهابات + يمدولك دي بونسمون للمعدة حتى تساعد على الهضم وتغلفهالك مليح ويروحلك الجاير
اذا ما نفعش هاد التراتمون تم عاد نمشوا للفيبروسكوبي، هي صح كاين ليمالاد اللي يقولوا ضرنا بزااف مي في حالة الامراض هادي هي الدليل اللي يمدلنا معلومات اكثر،
بلا ما ننسوا الفحوصات الاخرى نتاع الكبدة و الكلاوي تاني يلزم فحصهم،
حبيبة انتي لازم تمشي عند طبيب مختص gastroentérologue وهو اللي يقدر يعرف حالتك بالضبط
وان شاء الله ربي يجيبلك الشفا العاجل جبوبتي
آسفة على الاطالة

 

[larose]

رد: اعتقد انه لا علاج لمرضي ساعدوني

ميرسي حنونة ربي يهنيك عاونتيني بزاف مي الالم لا يطاققققققققققق

 

[نبض الحياة]

رد: اعتقد انه لا علاج لمرضي ساعدوني

ميرسي حنونة ربي يهنيك عاونتيني بزاف مي الالم لا يطاققققققققققق

:regards01::regards01::regards01:
حاسة بيك حبوبة
وربي يجيبلك الشفاء العاجل ان شاء الله
نسي نقولك حبيبة بلي حتى حصى الكلى يديروا دي كريز نتاع وجع تنتهي في مصلحة الاستعجالات
ممكن منها لا قدر الله
مانيش عارفة هاد الاطباء اللي مشيتي عندهم علاه ما عملولكش ايكو وفحصولك كامل الاجهزة حتى يتاكدوا من واش راهو صاريلك هاك عوض ما يقولك مجرد ماكلة ويكتبلك تراتمون ديراكت !!!
على العموم حبوبتي
ربي يخفف عليك ويشافيك يا رب
اي حاجة في الخدمة