لوبيا قريني للي يحب الحبوب الجافة

[om mimi.mili]

السلام عليكم
اليوم طيبت لوبيا قريني وحبيت نشارك بيها الاخوات لاني دخلت عندي جارتي شافتها وقاتلي منعرفهاش حبيت نوريها للاخوات ولي تلقايها عند الخضار خصوصا اللوبيا العادية راهي 300دج بينما هادي اللوبيا 200دج وزيد في البنة احسن من الاخرى المهم جبيي المقادير
*كيلو لوبيا قريني
*02 حبات بصل متوسطة الحجم
*02 حبات طماطيش حمرة//طايبة///
*مغرف طماطيش مصبرة
*اللحم مورصو برك للبنة او شوية لحم مرحي //ادا مكاش معليش بصح يزيد البنة///
*زيت+كمون+فلفل اكحل+فلفل عكري
التحضير
نحطو اللحم وشوية بصل والتوابل ونقلي مليح منبعد نمرقو بماء سخون ونضيف البصل المتبقي+الطماطيش //نرابوها///+الطماطيش المصبرة +الوبيا ونغلقو الكيكوطة من الافضل الكيكوطة حوالي ساعة منبعد نطفي كي تقدميها لي يحب يديرلها شوية زيت زيتون ويقطعلها شوية بصل اخضر
ملاحظة
هادي اللوبيا تستعمل مباشرة يعني بلا ما تشمخيها و ماصورتش جميع المراحل بصح جبتلكم الشكل تاعها بالقشور وبلا قشور وكي تطيب وان شاء الله تعجبكم

 

[tistissa dj-tissou]

رد: لوبيا قريني للي يحب الحبوب الجافة

اممممم طاطا يعطيك الصحة تسخف
​

 

[om mimi.mili]

رد: لوبيا قريني للي يحب الحبوب الجافة

صحيتي تيستيسا ان شاء الله كتبتها صح الاسم هادى غريب :-r

 

[ام ريهام]

رد: لوبيا قريني للي يحب الحبوب الجافة

يا درا شكون هاذي لي ما تعرفش لوبيا قريني

 

[om mimi.mili]

رد: لوبيا قريني للي يحب الحبوب الجافة

ايه والله لي فوقي متعرفهاش حتى وريتهالها ا

 

[ام خديجة1]

رد: لوبيا قريني للي يحب الحبوب الجافة

اممممممم شهيتينا فيها اختي ام ميمي بارك الله فيك

 

[om mimi.mili]

رد: لوبيا قريني للي يحب الحبوب الجافة

وفيكي بركة ام خديجة شكرا على المرور

 

[sarah11]

رد: لوبيا قريني للي يحب الحبوب الجافة

انا منعرفهاش اول مرة نشوفها يعطيك الصحة اختي على الطريقة

 

[ام ايناس]

رد: لوبيا قريني للي يحب الحبوب الجافة

يعطيك الصحة راهي تشهي بصحتكم
​

 

[نور الحبوبة]

رد: لوبيا قريني للي يحب الحبوب الجافة

شهتيني فيها الله يحفظك اليوم ان شاء الله انديرها وتخرج بنينة كيما انتاعك يعطيك الصحة

 

[om mimi.mili]

رد: لوبيا قريني للي يحب الحبوب الجافة

سارة 11 شكرا على المرور حبيبتي ///ام ايناس الله يخليك حنونة ///الحبوبة بصحتك اللوبيا انا تاني بدلت العادة اليوم موالف ندير الطعام واليوم درتها راهي دور في الكوكوط :d:d

 

[־●ـ‗غمــــوض ــالــورد_ـ●־]

رد: لوبيا قريني للي يحب الحبوب الجافة

مممممممممم يمي يمي شحآآل نموت علآهآ سخفتيني وجوعتيني وانا مزآلني متعشيتش وش ندير ابعتيهآلي دوكآ بعد ولا نجي لعندك نسرقك ونجيبك هنآ اطيبيهآلي هههههـ



مرسي حنونة يعطيك الصحــــــــــة ،،
​

 

[Ŝĥåĥĭйëž Ïķřăмơǖ]

رد: لوبيا قريني للي يحب الحبوب الجافة

يعطيك الصحة اختي على الطريقة​

 

[ام فيروزا]

رد: لوبيا قريني للي يحب الحبوب الجافة

يسلم يديك والله غير صح كاين ناس ميعرفوهاش