أخطر ثلاث اشياء على قلبي ( السيما) و (الماصو ) و( الحديد $: ) !!

[zagane]

السلام عليكم
أخطر ثلاث اشياء على قلبي ( السيما) و (الماصو ) و( الحديد $: ) !!

أخطر ثلاث اخبار تخلعك عند الاستيقاظ من النوم


هام جدا

1- السيما طلعت وغلات
2-الحديد راه زاد غلا
3-الماصو راه هرب


هادا بغض النظر عن اللوبيا والعدس والسكر والكهرباء و و و .......

كي تمركي طلب سكن في الاجتماعي يديرو ليك تساهمي كي تمركي في التساهمي يرجعوه ترقوي كي تدفع في الترقاوي يخرجو ليك وكالة عدل تبقى ديما رافد دوسيك وتمشي من وكالة لوكالة وتجدد في الملفات حتى تكبر وتموت وتوصي ولادك ما تفرطوش في الدوسيات راني حاط 100دوسي لي جا الاول هداك هو رغم ان واحد فيهم ما يجيبش نتيجة

املا قررت نبني وحدي لقيت المصيبة اعظم هههههههههههه
السيما والماصو والحديد
هادو ثلاثة رايحين يهبلونيكي ترخس السيمة يغلى الحديد
وكي يرخص الحديد والسيمة ونحب نبدا نبني ما نلقاش الماصو
وكي نلقى الماصو تغلى السيمة ويغلى الحديد وكي يرخس الحديد تغلى السيمة ويهرب الماصو

لازم يديرو بورصة خاصة بالسيمة والحديد والماصو باش نتبعو ارتفاع اسهم الماصو السيمة والحديد باش نعرفو وقتاش نبداو نبنو
programe تاع البناء راه ملخبط في الجزائر
قادر واحد يبني سكنة ب مليار
وقادر اخر يبني نفس السكنة ب مليارين في نفس الزمان ونفس المكان

الاقدام على البناء مجازفة لا ينجو منها الا اصحاب الشكارة

 

[Ma$Ter]

رد: أخطر ثلاث اشياء على قلبي ( السيما) و (الماصو ) و( الحديد $: ) !!

السلام عليكم ورحمة الله وبركاته
ههه عندك الحق خويا محمد
اليسما غلات فى هاذ الوقت وراح تزيد تغلى اكثر
لانو المصنع تاعها فى سكيكدة مغلق دايما فى الشهر 12 يغلق المصنع
اما الماصو لازم دايما ترفهو وتتهلى فيه وتوكلو غير المصلى والشواء
هاذ المشكل فى كامل القطر جزائرى
ربى يعينك ويعطيك ما تتمنى
شكرا خويا محمد على مواضيعك ونشاطك
​

 

[ام العرائس]

رد: أخطر ثلاث اشياء على قلبي ( السيما) و (الماصو ) و( الحديد $: ) !!

الله يعينك والله أنا ماعت يش مشكلة مع هادو التلاتة بصح المشكلة في الراجل الي بلا راي. بصح كي تهدر على الملايير راسي يحبس

 

[ملكًة الاحسآس]

رد: أخطر ثلاث اشياء على قلبي ( السيما) و (الماصو ) و( الحديد $: ) !!

وعليكم السلآآم
هآد المشكل راه يدور في 48 ولآية
وعلآه مش كي يرخص الحديد والسيمة تشري وتخبي
وكي يقعدلك غير المآصون تجي الحآلة خفيفة مش تخمم على 3 جهآت
ربي يعينك خويآ
​

 

[zagane]

رد: أخطر ثلاث اشياء على قلبي ( السيما) و (الماصو ) و( الحديد $: ) !!

الله يعينك والله أنا ماعت يش مشكلة مع هادو التلاتة بصح المشكلة في الراجل الي بلا راي. بصح كي تهدر على الملايير راسي يحبس

السلام عليكم
الرجال وحدهم يعانو ههههههههههه

 

[zagane]

رد: أخطر ثلاث اشياء على قلبي ( السيما) و (الماصو ) و( الحديد $: ) !!

وعليكم السلآآم
هآد المشكل راه يدور في 48 ولآية
وعلآه مش كي يرخص الحديد والسيمة تشري وتخبي
وكي يقعدلك غير المآصون تجي الحآلة خفيفة مش تخمم على 3 جهآت
ربي يعينك خويآ
​

السلام عليكم
الحديد يتخبى ولكن السيما ادا تخبات اكثر من شهر تولي كي لحم الكونجلي تولي حجرة وتفسد

 

[medscd]

رد: أخطر ثلاث اشياء على قلبي ( السيما) و (الماصو ) و( الحديد $: ) !!

لكن يا أخي

مصنع الاسمنت في شلف راه قايم بالواجب

وراهي جاية الانتخبات وكل شيء يرخص

اللي يحب يبروفيتي قبل الانتخبات بشوي راه يعود كلش قريب باطل

عيش با مواطن وبعد الانتخابات النار يشعلوها فينا

هههههههههههههههههههههههههههههه
​

 

[zagane]

رد: أخطر ثلاث اشياء على قلبي ( السيما) و (الماصو ) و( الحديد $: ) !!

لكن يا أخي

مصنع الاسمنت في شلف راه قايم بالواجب

وراهي جاية الانتخبات وكل شيء يرخص

اللي يحب يبروفيتي قبل الانتخبات بشوي راه يعود كلش قريب باطل

عيش با مواطن وبعد الانتخابات النار يشعلوها فينا

هههههههههههههههههههههههههههههه
​

السلام عليكم
فرحتني الله يفرحك

 

[الزهرة الحمراء]

رد: أخطر ثلاث اشياء على قلبي ( السيما) و (الماصو ) و( الحديد $: ) !!

السلام عليكم اخي
هههههه والله عندك الحق ذركا قعدلك حل وحييد انك تشوف مرا تقبل تعيش مع يماك في دار وحدة وهاذي مشكيتش تلقاها واذا لقيتها حتى يشيب راسك
واما الحل الثثاني انك تشري كل حاجة بالتقسيط
يعني كل شهر تشري شكارة سيما هكا حتى تكمل
اما بخصوص الماصو ياخويا الشناوة معمرين لبلاد شوف كاش واحد سنوي جيبو يخدملك وهكا يجييك فالوقت ويخدملك خدمة هيا وزيد ويكسرلكش راسك
وهاني لقيتلك الحل تبا لي والله نخمم
تقبل مروري المتواضع اخي

 

[zagane]

رد: أخطر ثلاث اشياء على قلبي ( السيما) و (الماصو ) و( الحديد $: ) !!

السلام عليكم اخي
هههههه والله عندك الحق ذركا قعدلك حل وحييد انك تشوف مرا تقبل تعيش مع يماك في دار وحدة وهاذي مشكيتش تلقاها واذا لقيتها حتى يشيب راسك
واما الحل الثثاني انك تشري كل حاجة بالتقسيط
يعني كل شهر تشري شكارة سيما هكا حتى تكمل
اما بخصوص الماصو ياخويا الشناوة معمرين لبلاد شوف كاش واحد سنوي جيبو يخدملك وهكا يجييك فالوقت ويخدملك خدمة هيا وزيد ويكسرلكش راسك
وهاني لقيتلك الحل تبا لي والله نخمم
تقبل مروري المتواضع اخي

السلام عليكم

هههههههههههه نكمل 2099 عن عمر يناهز 155 سنة

 

[nanoche]

رد: أخطر ثلاث اشياء على قلبي ( السيما) و (الماصو ) و( الحديد $: ) !!

هههههههههه ماصو و المصروف ديما خاصصو
يا خويا نهار كنا نبنيو اسكن عندنا الماصو وغير شوية حشمة وكان يقولنا سكنوني عندكم ليتساع وقبل مايلحق الشهر يحب يخلص واليوم راه عيان وغدوا المادام مريضة وغير غدوا الطفل طاح وتكسر وخذاه للسبيطار و و و
الشغل اللي يتخدم في سمانة قعد فيه شهر وكل يوم حكاية جديدة و........ تحيا الجزائر هههههههههه

​

 

[zagane]

رد: أخطر ثلاث اشياء على قلبي ( السيما) و (الماصو ) و( الحديد $: ) !!

هههههههههه ماصو و المصروف ديما خاصصو
يا خويا نهار كنا نبنيو اسكن عندنا الماصو وغير شوية حشمة وكان يقولنا سكنوني عندكم ليتساع وقبل مايلحق الشهر يحب يخلص واليوم راه عيان وغدوا المادام مريضة وغير غدوا الطفل طاح وتكسر وخذاه للسبيطار و و و
الشغل اللي يتخدم في سمانة قعد فيه شهر وكل يوم حكاية جديدة و........ تحيا الجزائر هههههههههه

​

السلام عليكم

نفس السبايب ههههههههه
المهم يطول ويخلص قبل ما يخدم ويمرض زوجته واولاده باش يدي دراهم

 

[سماح الجزائريه]

رد: أخطر ثلاث اشياء على قلبي ( السيما) و (الماصو ) و( الحديد $: ) !!

السلام عليكم
الرجال وحدهم يعانو ههههههههههه

صح كلش غالي في هذا الوقت لكن كون فطن واشري بالحاجه وكلش في وقتوا باهي
وزيد الرجال ماهومش وحدهم اللي ايعانوا لانوا نساهم واللى حابين يبنوا مليح وصح ايعاونوا رجلاتهم معنويا وماديا
شكرا على الموضوع ونشكرك على تالقك الدائم
اختك سماح
​

 

[zagane]

رد: أخطر ثلاث اشياء على قلبي ( السيما) و (الماصو ) و( الحديد $: ) !!

صح كلش غالي في هذا الوقت لكن كون فطن واشري بالحاجه وكلش في وقتوا باهي
وزيد الرجال ماهومش وحدهم اللي ايعانوا لانوا نساهم واللى حابين يبنوا مليح وصح ايعاونوا رجلاتهم معنويا وماديا
شكرا على الموضوع ونشكرك على تالقك الدائم
اختك سماح
​

السلام عليكم

نعم اساس البيت تبنيه المرا والراجل ويتقاسمو الهموم
بارك الله فيك

 

[حسان]

رد: أخطر ثلاث اشياء على قلبي ( السيما) و (الماصو ) و( الحديد $: ) !!

أقسم بالله يا اخي محمد أنت راك تتكلم واش كاين في قلوب ملاييين دفعة وجدة

انا قلبي يسطر كلما نسمع بسيما و الحديد زاد في سعره بصح ماصوا ميهمنيش

بصح راني داير في بالي يجي نهار و يرخصوا ان شاء الله

 

[أم راضية ~_]

رد: أخطر ثلاث اشياء على قلبي ( السيما) و (الماصو ) و( الحديد $: ) !!

السلام عليكم ورحمة الله وبركاته
هههههههههههههه عندي مدة طوييييييييييييييييلة ما قريتش موضوع يضحك و واقعي كيما هادا هههههه
يعطيك الصحة يا عم
صح واش راك تهدر والناس كرهو البنيان غير على جال الماصو والسيمة ..
ما فهمتش وعلاش الماصو برك الي يتسكل على الخدمة وكااااااااااااااااامل الماصويين متشابهين و عقلية وحدة :ابروفيتي و اشبع فطور عند الناس و ديرلهم الروطار !!!
ربي يهديهم و يكون في عون الناس الي تتعامل معاهم .​

 

[الزهرة الحمراء]

رد: أخطر ثلاث اشياء على قلبي ( السيما) و (الماصو ) و( الحديد $: ) !!

السلام عليكم

هههههههههههه نكمل 2099 عن عمر يناهز 155 سنة

هههههههه واللله قتلتني ضحك ايه وشكون كيفك تدخل موسوعة غينيس هكا تشرفنا
خلاص بقالك الحل تع تشوف مرا تسكن مع يماك ولا دير معريفة مع مصنع تع السيما ولحوايج هاذو. وتبا لي مازالني نخمم ههههه

 

[abderahim18]

رد: أخطر ثلاث اشياء على قلبي ( السيما) و (الماصو ) و( الحديد $: ) !!

الموضوع هذا عجبنى بزاف راه كل شيئ غلى روحت نشري السيمة قالى راهى 60 تخلعت قولتلوا راكم هلكتونا رانى فقدت الامل واش ندير الماصوا راه غير يطلب: ات الصوارد رانى روحت فيها المخ راه فنة