PřĩŋcḝṦs Ğîrl Sàfyà
:: عضو منتسِب ::
كيراكم أعضاء اللمة ؟
ان شاء الله ديما في الصحة والعافية
هذا اول موضوع ليا هنا
وترددت نكتب ولا لالا
راها كاين وحد الظاهرة صايرة في ثانويتنا تحبس العقل
بعد مافوتنا الاختبارات كانت الحراسة فور متأمنش عقلك, تخليك تحل وانت مرتاح ماكانش ازعاج من عند الاخرين
عرفنا انو كل انسان يدي حقوا
لي تعبوا خدمو ولي دايرينها عل التمسخير ربي يعوض
بصح الكارثة العظيمة هي نهار لي مدولنا لي نوت
واحد خرج في الساعة الاولى خبطها ب17في المات
عمروا لا جا قرا ورقة الغيابات كرهت من اسموا
وفي الاخير 17
كيف كيف معايا وانا لي فصل كامل مع الورقة والقلم نحل ونخربش
سكتنا
بصح الفاجعة كانت انوا نفس الحال مع الفيزياء والاجتماعيات والادب
هنا عرفنا بلي كاين البيسطو ولكتاف تلعب دور
كامل تشوكينا يا عجبا كيفاه الاستاذ يقدر يرفع علامات هذا التلميذ ويبعثوا للترمينال 0وفي الاخير يحصلوا معاه غير لي يشدوه
انا كتلميذة مدخلتش راسي انو واحد طول غائب يجيب معدل 14
زعفت وتنويت
وقلت علاه نروح نقرا هنتغيب ويعطولي 14 منعندهم
الله يخليكم كاين عندكم هذي الحالة المؤسفة ولا لالا ؟
