ارجو من الكل المشاركة وبسرعة

[ثابتي هشام]

رد: ارجو من الكل المشاركة وبسرعة

اهلا و سهلا بالشقيقة و الاخت الصديقة و بنت العم الرقيقة
تحياتي لك و لكل اهلنا في المغرب
واخا المغربية كي دايرين لهيك سافا؟
تحياتي
خوك تومي من الجزائر​

 

[ثابتي هشام]

رد: ارجو من الكل المشاركة وبسرعة

السلام عليكم
تحياتي الاخت المغربية و بعد :
انا صاحب الموضوع اللي انت راكي تقولي بانك تعرضتي للتجريح فيه في المنتدى السياسي (عنوان الموضوع: هههههه هل تؤيد بوتف...... هههههه)
لو تلاحظي معايا مليح من فضلك و شوفي بعين العقل قبل العواطف نتناقشوا و من بعد نصتصدروا الاحكام :
انا خوك اكثر منك فالسن و حبيتي و لا كرهتي نعرف و مجرب الدنيا هاذي و خابرها اكثر منك Dacord؟
انا كنت من الناس اللي شاركوا deja في هاذا الموضوع انتاعك ، هاذا يا بعد اللي راني نكتب فيه ضروك كيما تقولو انتم دابا راني نكتب (و لا راني غالط)؟ لو تلاحظي للمشاركة انتاعي تلقايها مغزاها يشرفني نتعرف على خاوتي و خواتاتي من المغرب و من تونس و من اي مكان فالارض نقولك علاه؟؟ لانه كرهي ليهم مارايح ينقص ما رايح يزيد فيهم مانيش انا اللي حاكم السما على المغاربة، اللي بناها ربي سبحانه و مانيش انا اللي نوكل فيهم، اللي يرزق فيهم ربي سبحانه..... عليها ما نيش رايح نكرههم و في نفس الوقت و انا على كل حال من الناس اللي ما تعرفش تستظرف كيما يقولوا لانه كاين نوع من الظرافة انا شخصيا نسميها نفاق يعني مانيش رايح نقولك باللي انحي من لحمي و نمد للمغاربة خاوتي، ماكانش منها، و الا قتلك هاكا راني نكذب عليك بصراحة، بصح ماتخافيش الا قدر ربي لا قدر الله (ربي يبعد الشر علينا كامل ان شاء الله)و صرات فيها كاش حرب بين المغرب و الماريكان بيان سور رايح نولي مغربي مئة بالمئة، اصل و فصل لاسباب كثيرة و معروفة .....
نوليو لموضوعنا قتلك لو تلاحظي تلقايني دخلت لموضوعك و حطيت مشاركة فيه و رحبت بيك و من قلبي صح لاني كيما قتلك اخر حاجة نديرها هي النفاق لاني مانخاف حتى من واحد و بمعنى اخر ما عندي ما رايح نخسر ...... بصح كي تتولهي تلقايني دخلت لموضوعي انا بصح ما رديتش عليكم كي كنتوا تتزايدو فالهدرة و تقدري تسقسي المشرفين يعطيوك وين و وكتاه دخلت و واش من مواضيع انا قريتها .......
اسمعي الحكاية : انا كتبت موضوع كان بمثابة رد على موضوع راهو مطروح فالمنتدى دخلت رايح نشكر الناس اللي شاركوا فيه لقيت الحرب قايمة ربي يحفظنا منها ان شاء الله مباشرة كي قارنتها بموضوعك منهيه (يعني هذا) لقيتهم مترابطين مع بعض يعني انتي سمعتي تجريح فيك (و على فكرة ضرك نجيو ليه هاذ التجريح و نشوفو شكون بدا و شكون الغالط راني قتلك بلا تسرع و بلا تعصب واشن هوا ضرك تقراي اختي العزيزة ردي فالمنتدى السياسي) ايمالا قتلك انت سمعتي تجريح حطيتي موضوعك هذا و قلتي ارجو من الجميع المشاركة و بسرعة و انا دخلت و شاركت منا او ماحبيتش نشارك منهيه في الموضوع وين صرى المشكل و يظهرلي هذا اكبر دليل على انه صاحب الموضوع شخصيا راهو متابع موضوعه و ما يقبلك التجريح لا الموجه ليك و لا الصادر منك على الاقل من خلال موضوع انا اللي كتبته و حتى في مواضيع اخرى مانيش رايح نقبل هاذ الشيء يظهرلي رحبت بيك اختي و قلت اهلا بالاخت و الشقيقة و بنت العم و الصديقة و من قلبي صح مانيش من الهدارين رغم اني نهدر و نكتب بزاف الله غالب خوك الكبير يحب يتفلسف هههههههههه
باه ما تقوليش اولا راهم يكتبوا المواضيع و ينساوها و ثانيا كبرت بموضوعك و تمنيت تلاحظي هاذ الشيء اني ما دخلتش في الموضوع الاصل فالمنتدى السياسي و دخلت اهنا عندك
هاذا بالنسبة للشيء اللي بيني و بينك رغم اني متاكد بانه ما بيني و بينك الا معرفة الخير و ما سمعنا من بعضنا حتى شيء يزعف .............
بالنسبة للمنتدى السياسي بصراحة و الصراحة ما تغضب حتى واحد و بالنسبة للشيء اللي تقال من ردود في هذاك الموضوع سواءا ردودك و لا ردود الاخوة الآخرين رايح نعقب عادي كيما الناس كامل اللي تكتب المواضيع، ترقبي ردي هناك من فضلك و قتلك اسمعيني بعين العقل و من بعد احكمي

هاذا واش نقول لاختي ضروك لازمك تكبري عقلك و قلبك و هاذو خوتك الجزائريين كي ما تقبليش انتي بعيوبهم و مساوءهم شكون رايح يقبل بيهم لازملنا شوية تسامح عندك الحق تطلبي من المشرفين يحذفوا اي مشاركة فيها اساءة ليك كيما الناس ثاني عندهم الحق يطلبوا تحذف مشاركاتك اذا فيها اساءة ليهم ..... رانا كامل ضياف عند بعضنا بعض واحد ماهو السيد اهنا، السيد ربي سبحانه، رانا كامل خاوة و كامل كيفكيف و تاكدي بانك مباشرة و بعد تسجيلك فالمنتدى رايح تكون عندك نفس حقوق اي عضو آخر، بغض النظر عن الجنسية انتاعه .... و يظهرلي اصحاب المنتدى و القائمين عليه يقدروا يؤكدوا هاذ الشيء، و لو كان العكس اختي الكريمة لما خلاوك تسجلي اصلا منذ البداية كانوا يحطو شرط الجنسية الجزائرية، و مادام ماداروهاش يعني هاذ المنتدى مفتوح لجميع الجنسيات حب من حب و كره من كره يا لو كان نكون انا يا بعد ..... يبقى اختي الكريمة انه ممكن تلقاي مليون عضو جزائري و نص مليون برك مغربي و لا اقل فيظهرلي هاذا شيء عادي لانه من اسم الموقع يا بعد يبان المحتوى كيما مثلا ندخلوا لمنتديات مغربية اكيد نلقاو المغاربة اكثر من الجزائريين و نفس الشيء عند الاخوة التوانسة هاذي حاجة باينة و على العموم يا بنت عمي يا مغربية اصيلة انا شخصيا ماذا بيا و يسعدني ياو نشوف مغاربة آخرين بالمنتدى يعني عليك و على شطارتك ههههههههه انتي جيبيهم و انا نرحب بيهم ا سيدي بفرح و سرور، انا شخصيا و باسمي الخاص نرحب بيك انت القائدة انتاعهم و نرحب بيهم جميعا المسجلين من قبل و اللي رايحين يسجلوا منا و هاكا ...................
ماذا بيا توسعي بالك و تكبري خاطرك و امسحيها فيا يا لالة،..... بصح الى بعد حين و بلا تعصب......ههههههههه و مرحبا بيك و نتمنا تبقاي وفية دائما لللمة.... نقولك حاجة يا المغربية و الله عيب تروحي، شكون مداير علم المغرب بلا انت ماكانش هاو كيفاه تروحي و تدي لعلام معاك، و ديجا شكون يهدرلنا على المدن المغربية و يقدمها احنا نستناو فالحدود يتحلوا و انت مادية الباسبور و هاربة حرام عليك ههههههههههه
هايا تبقاي على خير اختي الكريمة و اتهلاي في روحك و فالمغرب بزاف بزاف رانا جايين
تحياتي ​

 

[حاتم السودانى]

رد: ارجو من الكل المشاركة وبسرعة

هلا وغلا وحياك الله المغربيه

اسمحى لى ان اشارك فى موضوعك

انا سودانى ولكن كلنا عرب وامه واحده وحقيقة الشعب الجزائرى والمغربى شعب واحد

وفى هذا المنتدى لن تجدى احد يسئ للشعب المغربى - والحق يقال وجدنا من اخوتنا بالجزائر

كل الترحيب والتقدير ونبادلهم بالمثل واكثر فهلا بيك فى وطنك الثانى ومراحب


مع مودتى