جاوبوني ضروري

مساء الخير
حبيت نسقسيكم
كيفاش يبعثو طرد (كادو) من الجزائر لبلاصة اخرى مثلا مصر
قولولي كيفاش والمدة قداش تقعد باش توصل

وصحيح قالك غالي بززاف البعث هل هذا صحيح ولالا ؟؟
ياريت تجاوبونيي باسرع وقت ​

 

[anissa 13]

رد: جاوبوني ضروري

مرحبا اختي
على حسب معرفتي تروحي لدار البريد يوزنو الطرد تخلصي حسب ميزان الطرد ادا كان ثقيل اكيد تخلصي غالي
والوقت من 10 الى 20 يوم
هدا اللي نعرف
بصح راح نزيد نسقسي ونقولك​

 

[الحلم الوردي]

رد: جاوبوني ضروري

وعليكم السلآم والرحمة
ايه صح يقعد من 10الى 15 يوم
ولازمك ديري حولية ايكسبرس
مي قداش ماعلباليش
بلاك غالية باسكو دراهمنا ودراهمهم مش كيف كيف
​

 

[ويبـقى الأمــل]

رد: جاوبوني ضروري

الله يجازيكم كل خير اختي انيسة وملاك انكم ساعدتوني
وكاش تعرفو معلومة قولولي ليها امانة
برك حبيت نسقسي اختي ملاك ممكن تفهميني كيفاش هذي حولية ايكسبرس​

 

[الحلم الوردي]

رد: جاوبوني ضروري

اختي حولية ايكسبرس
تسرعك في عملية الارسال للهدية
انت كي تروحي لللابوست تماك قوليلهم برك
هما يديروهالك
مي لازملك تدفعي مبلغ مالي
في لابوست هكدا اختي
​

 

[nada242008]

رد: جاوبوني ضروري

وعليكم السلام اختي
والله ماعنديش معلومة اضافية على ماتفضلوا بيه لبنات
روحي الى اقرب مركز بريد وصقصيهم احسن