ام عبد الرؤوف
:: عضو منتسِب ::
اللهم بلغنا رمضان انا والله نفرح بزااااااااااااااااااااف كي يلحق رمضان نحس في رمضان بلي رانا بلاد اسلامية خاتر تحس الناس كامل كي تعبد في ربي خاصة نكهة التراويح عندها بنة خاصة لكن العجيب ان المساجد نعمرت بالنساء وللاسف تلقاهم يجيو يقصو ويديرو الهرج والضجيج في المسجد كانهم يفرغو واش عندهم وكانها سبة باش يخرجو والله عيب عليهم خاصة انو الامام تلقاه كل يوم ينشع فيهم لكن لا حياة لمن تنادى وتروح الفئة الي جات على جال قيام الليل واجره في الرجلين
وتاني في رمضان تلقى الناس كامل في النهار ساكتة وضاربة النح فشلانين وتعبانين يردوها للرقاد ومنين تلحق لعشية يدخلو لهذاك السوق يشريو بلا قيس وهنا يدخل امر التبذير خاتر في رمضان تاع الصيف نحبو اغلب الشئ المشروبات الباردة والدلاع البارد والمراة تقعد تتحرق في الكوزينة وهي طيب وتنوع وفي الاخير كل شئ يترمى في البوبال حشاكم
الحاصول يناس بلادي شهر رمضان راهو مرة في العام وتفتح فيه ابواب الرحمة والمغفرة ماهوش تاع ماكلة برك وزيد تبذير حاولو على قد ماتقدرو تخصصو معظم وقتكم للمصحف والصلاة وقيام الليل وانتم خاصة الشباب توبو الى الله والي يدخن فرصة باش يبطلو والي مايصليش فرصة باش يبدا صفحة جديدة وما يقطعهاش والي يقلق يستغفر ربو ويقول اللهم اني صائم وهكا تتعود تحكم في روحك طول العام شوفو كيفلش كثر موت الفجاة اليوم راحو غيرنا وغدوة احنا ربي يقبل عليكم وعلينا صالح اعمالنا
وتاني في رمضان تلقى الناس كامل في النهار ساكتة وضاربة النح فشلانين وتعبانين يردوها للرقاد ومنين تلحق لعشية يدخلو لهذاك السوق يشريو بلا قيس وهنا يدخل امر التبذير خاتر في رمضان تاع الصيف نحبو اغلب الشئ المشروبات الباردة والدلاع البارد والمراة تقعد تتحرق في الكوزينة وهي طيب وتنوع وفي الاخير كل شئ يترمى في البوبال حشاكم
الحاصول يناس بلادي شهر رمضان راهو مرة في العام وتفتح فيه ابواب الرحمة والمغفرة ماهوش تاع ماكلة برك وزيد تبذير حاولو على قد ماتقدرو تخصصو معظم وقتكم للمصحف والصلاة وقيام الليل وانتم خاصة الشباب توبو الى الله والي يدخن فرصة باش يبطلو والي مايصليش فرصة باش يبدا صفحة جديدة وما يقطعهاش والي يقلق يستغفر ربو ويقول اللهم اني صائم وهكا تتعود تحكم في روحك طول العام شوفو كيفلش كثر موت الفجاة اليوم راحو غيرنا وغدوة احنا ربي يقبل عليكم وعلينا صالح اعمالنا
