لازم ندير حفلة تكسر الدنيا ....

[راجية الرحمن]

رد: لازم ندير حفلة تكسر الدنيا ....

عندك الحق ختي بكري كانوا لازمهم ينجحوا رغما عنهم لانهم كانوا عارفين ظروف والديهم اما ضرك يجيك واحد ما زالوا في الابتدائي ويقلك راني ناجح ديرولي حفلة وكان متديروهاليش منعودش نقرى حتى ميهتمش بظروف والديه ووووووووو وصوالح وحد خرين معلباليش بيهم
بصح ماعليهش كان كل واحد يدير حفلة قد مقدورو باش يفرح بيها وليدو
علابالي طولت الهدرة مي ان شاء الله اللماويين الناجحين نديرولهم حفلة هنا تكسر الدنيا

 

[ماكانش]

رد: لازم ندير حفلة تكسر الدنيا ....

يعطيك الصحة حدة على الموضوع لمليح ولاباهي
كيما قلتي ماكانش قد سينية خفيفة مافيهاش تكاليف بزاااف وفوضى وموسيقى وحس
​

 

[ضيوف وسـنغادر]

رد: لازم ندير حفلة تكسر الدنيا ....

لا يتفاخر الانسان بما يقدمه
فكل شيئ فان
ليس عيبا ان يحتفل الاباء بفرحة ابنائهم ببساطة بل هي واجبة
لكن الى ذلك الحد فهي جد مستبعدة من فكري
خاصة اذا كان نجاحا بسيطا
على كل حال موضوعك جميل جدا وربي يهدي من خلق
ومع الاسف اصبح المجتمع مجتمع مآدة ....​

​

 

[hadda0425]

رد: لازم ندير حفلة تكسر الدنيا ....

بوركتم اخواني راكم تفهمتو الامور بارك الله فيكم وربي ينجح ولادكم واخوانكم وتفرحو بيهم بصح بدون تبذير
​

 

[نَدَى اليَآسَمين]

رد: لازم ندير حفلة تكسر الدنيا ....

اّنّاّسّ بّكّرّيّ قّاّلّوّ (اّلّزّوّخّ وّ اّلّفّوّخّ وّ اّلّعّشّاّ قّرّنّيّنّةّ) هّاّدّيّ اّلّيّ رّاّنّاّ فّيّهّاّ

اّنّاّ مّلّيّ بّدّيّتّ نّقّرّاّ كّلّ مّاّ نّنّجّحّ كّيّ وّجّهّ اّلّشّرّ تّصّرّاّ وّفّاّةّ وّلّاّ كّاّرّثّةّ طّبّيّعّيّةّ مّاّلّاّ مّاّ نّدّيّرّ حّفّلّاّتّ مّاّ نّكّثّرّ اّلّذنّوّبّ

مّلّاّحّظّةّ: هّاّدّاّكّ اّلّنّهّاّرّ جّاّتّ وّحّدّةّ مّنّ لّاّفّاّمّيّ تّعّرّّضّ فّيّنّاّ لّلّغّيّسّيّـبّسّيّوّنّ تّاّعّ بّنّتّهّاّ اّلّيّ رّبّحّتّ اّلّسّيّزّيّاّمّ وّ دّاّيّرّتّهّاّ فّيّ لّاّصّاّلّ دّيّ فّاّتّ ! ألّوّغّ وّاّشّ بّقّاّلّيّ نّقّوّلّ
​

 

[sarah farah]

حتى فرحة النجاح روعة لا تعوض ان شاء الله نجيب الباك راكم كامل معروضين عندي

 

[لؤلؤة قسنطينة]

السلآم عليكم ورحمة الله وبركاته
فعلا هذا الموضــوع جاء في وقته ،، فقد اقربت فترة النتائج على مختلف أطوار التعليم ،، وإذا صاحب النجاح هذه النتائج يبدأ مباشرة التفكير في الحفلات كما ذكرتِ ،، و لكن الهدف من هذه الحفلات بين الماضي والحاضر اختلف تماما ،، ففي الماضي حتى ولو كانت هناك حفلات ستكون إما لجمع شمل العائلة كما قالت إحدى العضوات أو لتشجيع الأولاد ولو بالقليل ولكن في وقتنا الحاضر صارت كأنها تجارة ،، كل عائلة تسابق الأخرى في التبذير وما شابه ذلك حتى صارت هذه الاحتفالات تسابق الأعراس ،، لما لا تفكر كل عائلة في بعض الركعات لله لشكره ،، أو الصدقات على المحتاجين بدلا من كل هذا التبذير الذي لا يرضاه لا الله ولا رسوله ،، الله يهدينا هادا ما نقولو

شكرا أختي على الطرح المميز ،، تقبلي مــروري​

 

[نور الحبوبة]

يعيك الصحة حدة على الموضوع نقولك الصح انا راح ندير حفلة لبناتي مي بلا تبدير ونقولك السبب الي اخليني ندير حفلة كل الاحباب والاصحاب والاقارب اجيو اباركو كل نهار ح السينية وهز السينية امالا نلمهم في نهار نتلمو ونفرحو كامل مع بعض
لولاد يفرحو بزاف بالحفلة وتقعدلهم في بالهم ول حياتهم
وكيما قتلك بلا تبدير احنا عادتنا نديرو الشرشم مع العصير ادا تعرفيه معالحلوة زوج ولا تلات انواع مع القهوة ولاتاي مع شوية مكسرات
والفواكه ولعشاء نديروه لصلة الرحم
ومبروك على كل الناجحين والناجحات

 

[وهبwhpyـي]

الناس صارت تتفاخر بهذه الاحتفالات للاسف الشديد

 

[salma zayna]

وعليكم السلام

 

[حُلم عابرْ]

والله يا حدة غير لحقنا لوقت الزوالي عشاه معندوش ويفكر في الكماليات

مش بعيد مناسبة جارنا بنتو ربحت السانكيام بعثولنا طبسي قاطو كيما تاع لعراس و الديسك جوكي مصدع الكارتي والبنات كي جاونا وش مندي غوب منفوشين حتى شكيت عندهم عرس مش حفلة سانكيام .

الناس تتطور بصح للأسوء ، وشفت رد قال صلة الرحم ماشي شرط نستنى مناسبة ونهطهط العمة و الخالة من طرف الدنيا الزيارات مسموحة في كل الاوقات منحتموهاش في الافراح برك
ولي تغيط لو كان ماتجيبيش كادو يحمر الوجه يزعفوا عليك

يا حصراه يا بكري نربح السيزيام وانا نجري بالحفى في الزقاق لا مناسبات لا احتفالات بوغتون معدل وقتها بحقوا ضروك كامل 9,99
​

 

[salehben14]

السلام عليكم

يا اختي

والله كيما قلتي هدا تقليد اعمى

اخي يقرا 2 ثانوي قالي في حفلة عيد ميلاد زميلة تدرس معاه
جابتلها امها هدية في ميزك وش جابت
شيشة ؟؟!!!!

شيشة اي والله شيشة لبنت وفي حفلة عيد ميلاد
اخطونا

ديرو كيما درنا احنا

حبة كعبوش ماخسروهاش علينا وليوم
تربح بيام تشريلها بياس مونتي تحسب رايح تتزوج
ههه

ايلا دارو وعرضو لافامي مافيها باس ترجع لصلة الرحم اما ايلا داروها باش يبانو goor كيما نقولو

مانيش موافق

والسلام
​

 

[stelllo]

أحيانا المجتمع يفرض عليك حوايج ماتحبيش تديريها... وكل حد وكيفاش يتعامل مع واش يفرضه المجتمع يا بالانخضاع او بالرفض... شكرا ع الطرح