المقابلة مازال ما بدات والناس بدات تجهل

[zagane]

السلام عليكم
المقابلة مازال ما بدات والناس بدات تجهل
جدل كبير راه قايم هادي الايام في المجتمع الجزائري حول مقابلة الخضر والمانيا
طبعا رانا لكل فارحين بالتاءهل
بصح الحديث الان هو مشي ادا كان الجزائر تربح ولا المانيا لانهم ضامنين الربحة لان المقابلة ثاءرية وبداو يتناقشو على هامش المبارات قبلما تبدا
في قضيتين مهمتين
واحد يقول يصومو اللعابين رمضان ولا يلعبو فاطرين وبدات الفتاوى تتهاطل ههههههه تقول الهجرة والتكفير
والمناصرين يصومو ولا يفطرو
والنقاش الثاني هو على الجمهور اللي يتفرج في الجزائر امام الشاشات
راه نقاش حول المبارات اللي جات في وقت التراويح
واحد يقول نصلي العشاء فرض ونجري نشوف المبارات
واحد يقول التراويح راهي سنة ماعليش نخليها
وواحد يقول انا في الفطر وما صليتش العشاء تاع يوم الماتش
وواحد يقول نصلي تراويح وانا مشي مطماءن موسوس على النتيجة مشارك هههههه

واحد قال ليهم اللعابين ادا صامو يربحو وادا فطرو يخسرو عقاب من الله هههههههه
المهم
قالها كشك في 82 ...بلومي هزم الالمان واكل رمضان .....

فمادا سيقول الشيخ شمسو ادا فزنا واكل افطر اللاعبون رمضان

في الحقيقة هاد الامر مشي للنقاش وكاين علماء هم اهل التخصص ولكن شعبنا يبغي يسبق الاحداث ويشعل النار

المهم نتمنى الفوز لفريقنا على المانيا للثار ل82

 

[Ma$Ter]

السلام عليكم ورحمة الله

خويا موح الشعب راهو مازال متاثر بفرحة التاهل

وزيد دخل علينا شهر رمضان المبارك

تخلطت عليه

انا امس نحكى معا صحابي لى فى البرازيل قالو حابين نفطرو شوفلنا فتوة
عطيتهم فتوى ابن عثيمين وقلتلهم ما نقول افطرو ولا صومو اقرو وافهمو
بارك الله فيك خويا
​

 

[Yacine333]

آلمهم ربحنآهم في 82 ..​

 

[yani thiziri]

خويا سي موح الواحد ماهوش داير الفوتبال في بالو كامل

يحبو ياكلو رمضان ولا يصموه الله يسهل على كل واحد

الشعب راه غير يضيع في وقتو

ونقلكم غير متعولوش الالمان راهم ناويين على خرابها

ينسيوكم في ماتش 82 ويفسدولكم هد الانجاز التاريخي

وصحا رمضانكم تولموند

​

 

[الجندية]

صحا رمضآنكم جمآعهـ
بمجرد التفكير في مباراة الخضر ضد الماكنات الألمانيه لحمي يتكوش ....
والله بدون تعليق ... ربي يجيب الخيــر
صحيت ..
​

 

[أم منيــــــر]

صراحة انا مرنيش معولة على هاد الماتش احنا المهم تاهلنا للدور الثاني ومرنيش مقلقة كما نهار الروس واذا ربحنا هاداك مبغينا
الله يتقبل صيام الجميع​

 

[HAMZA USMA]

المهم ربحناهم وليوم نزيدوا نربحوهم
ههههه
​