سئمت هذه الحياة من تلك اللحظة

[sofiane02]

اخواني و اخواتي جئت اليكم طالبا نصائح أنا تلميد أدرس السنة الثالثة ثانوي و لكن للأسف لم احصل على شهادة البكالوريا رغم أنني أول مرة أعيد في حياتي لقد أصبحت حياتي راسا على عقب كرهت حياتي كي ما جبتوشش كرهت قلت ما نقراش و الله شبعت دموووع ماذابيكم كاش واحد يعطيلنا نصااائح

 

[Ma$Ter]

السلام عليكم
ربي يعوضك خويا
ربي يفرج عليك

​

 

[sarah farah]

قال الله عز وجل :

يا ابن آدم ..

خلقتك للعبادة فلا تلعب
, وقسمت لك رزقك فلا تتعب

فإن أنت رضيت بما قسمته لك أرحت قلبك و بدنك و كنت عندي محمودا


و إن لم ترضى بما قسمته لك فوعزتي و جلالي .. لأسلطن عليك الدنيا
تركض فيها ركض الوحوش في البرية ثم لا يكون لك منها إلا ما قسمته
لك و كنت عندي مذموما

 

[بنت الـ25]

معليش يا أخي خيرها في غيرها
بالاك ربي شاف فيها خير أو كان هدا ابتلاء من عندو سبحانو
وفي كلتا الحالتين هادي مش نهاية العالم
ان شاء الله دير الكوراج وتقرا العام لجاي وتجيب الباك بمعدل مليح وتدخل تقرا الشعبة اللي تتمناها
وربي يوفق الجميع
​

 

[°NeSriNe°]

كل عطلة فيها خير
يلا ماديتهش هاد المرة تديه العام الجاي ان شاء الله
مادير والو في بالك خويا
ربي يسهلك ..
​

 

[أم الأولاد]

عاااااااااااادي جدا

ادا حيخليك تجدد ثقتك في نفسك كون بركا قدها وصمم على النجاح العام المقبل متفشلش ماكش انت اول واحد في العالم ميربحش الباك الالاف ماداوش وعاودو ونجحو عادي

ربي معاك خويا

 

[أم منيــــــر]

و علاش يا وليدي تكره حياتك ما زلت صغير والفرص قدامك توكل على الله راح تنجح ان شاء الله هادي ماهيش نهاية الكون وكاين بزاف الي خسرو والحياة تمشي عادي
نتمنى لك التوفيق مستقبلا​

 

[mirajiji]

علاه اخويا تكره حياتك ماتدريش بلاك ربي شافلك فيها خير
كنت قادر تدي الباك ب 10 بصح مادير بها والو في الجامعة
عاود الباك و العام جاي تدي البك انشاء الله بموايان مليح و تخير سبسيالتي مليح
و اتهلا اعرضنا لشخشوخة
كلشي مكتوب

 

[لؤلؤة قسنطينة]

السّلآم عليكُم ورحمةُ الله وبركآتُــه
يآ أخي قبل مآ نبدآ نذكرك بالآية الكَـريمة ،، قآل الله تعآلى:{وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ} ،، صدّقني مآكآنش حآجــة تجي من عند ربّي وفيهآ شر ،، وجرّب العآم الجآي ورآيح تلقى الخير لي خبّآهولك ربّي سبحآنه ،، نتآ على الأقل قريت ومآكتبش ربّي ،، لكن كآين اشخآص لي كي لحق يوم الإمتحآن مرضو ، كآين لي تغيرت الحآلة الصحيّة تآعهم واضطرّوآ مآ يروحوش خلآص لمكآن الامتحآن ،، دآئماً قل الحمدُ لله ،، مآلآزمش نفرحو كي يعطينآ ربّي ونكرهو ونعآرضو الأمر تآعو كي مآ يعطينآش ،، دآيماً قُل الحمدُ لله كي عندك القدرة والصحة وكلشي بآه تعآود العآم الجاي ،، ورحمة ربي كبيرة ،،وإن شآء الله العآم الجآي تكُون من الأوآئل بإذن الله تعآلى وبالتوفيق
تقبّــل مروري وتحيآتي لك​

 

[نادية محبة الرحمان]

و عسى ان تكرهوا شيئ و هو خير لكم و حرز تفشل و تستسلم للشيطان ميشي انت الاول و الاخر ليخسر الباك بزاف خسروا و عاودو و راهم اطباء و اساتدة علابالي بلي صعيبة بصح الندم ما ينفع بوالوا و هدا الاختيار الوحيد

 

[BiG JoE]

كوراج صديقي ... وفكر مليح مليح في المستقبل تاعك
​

 

[{مُدَلَّلَتُهُ}]

يا خويا عسى أن تكرهو شيئا و هو خير لكم

ربي راه شايفلك فيها الخير .. مازلت صغير عاوده و ان شاء الله تجيبه .. ما تقطعش لياس

ربي حنين كريم ما يبلع باب حتى يحل 10

ربي يوفقك و ينجحك خويا

في أمان الله .. صح فطوركم
​

 

[قناص الغرام]

الرضا بما قسمه الله راحة للنفس​

 

[منايا الجنة]

خويا راهو مكتوب ارضى بواش راهو كاتبلك ربي واحمدو راح يعوضك بشئ احسن منه
وزيد ماز لت صغير ما خلاصتش عليك الدنيا باش تكره حياتك على جال الباك كامل علابالنا بلي قريت وشقيت و عييت راح تعاودو و اجيبوا ان شاء الله
ربي يفرج عليك و يعوضك
سلامي

 

[salma zayna]

حاول تتقرب من ربي و تقرا القران راه ربي يفرج لك همك ان شاء الله

 

[medscd]

علاه يا جاري الشلفي تكره الدنيا على جال حاجة يسموها بكالوريا

ما ولاتش عندو تقريبا قيمة في الحياة

انا ما ربحتش الباك والحمد و الشكر لله عايش ونخدم ونساعد عائلتي وفرحان بما اعطاني المولى عز وجل

ونعرف ناس ربحت الباك وما راهي دايرة والو راهي غير تدور الديقوتاج كاتلها ماشي راني نستشفى

لكن نبينلك كيفاه راهي تمشي البلاد صح بالمقلوب

أنا كون نعرف البلاد راهي تمشي صحيح كون عاودت الباك هذا العام لكن قلت ما نعاودوش

امالا ماتزعف روحك ما والو

ونقولك يا اخي كونك راجل وقد المسؤولية واهتم بوالديك وعائلتك

والدراسة عاود الباك نورمال وان شاء الله تربح العام الجاي

وزيد انا نجي لشلف بزاف وناس الرادار

والالتراس تاع (( ريد بور )) تاع يوسف الروجي ..........الخ

راهم يعرفوني مليح

وبلاك اذا تحب نتلاقاو في ملعب شلف ((بومزراق)) كي تلعب شلف راني نجي مكان حتى مشكل

تقبل مروري أخوك محمد العين دفلي

​