والله مافهمت والو!!!

[BLEU PEARL]

اليوم قررت نتكلم على موضوع خطير جدا...
الي يتعلق بالحافلات والله اصبح الركوب عليها كشراء جواز الموت
اليوم انتشرت ظاهرة تخوف كيما تعرفو مول الكار مايقلعش حتى يشارجي مليح والله ماعلابالو بواحد المهم الكسب السريع

والله غير حرام حليهم مايشوفوش للمرأة؟؟؟للشابة؟؟؟للمرضى؟؟؟
عار كبير توقف المرأة مع الرجل عار أكبر يحتك الرجل بالمرأة وكيما تعرفو التطباع
رانا في بلاد مسلمين كيفاه هذا يقبل يماه أختو بنتو تركب مع هكذا ناس ؟؟؟
وياحسراه كي يكثروا يسرقوك وماجيبش خبر لروحك!!
انا كنت صغيرة ماكنتش نحب نروح فالكار أمنوني غير كانو يعفسوني نطيح فالأرض ماعلابالهمش بيا يتهاتفو غير على البلاصة كامل بلاصتنا تحت الترا ب ماتخافوش
وذرك ولا التحراميت عجوزة مسكينة ولا شيخ يشوفوه ادخل واحد يدير روحو يهدر واحد زعم راقد واحد مع المادام وووووو..........
وألي قاتلهم ارقدو
تلقا السايق يجري باه يفوت صاحبو ويعمر قبلو يخاطرو بحياة أبرياء على جال زوج دورو الله يهديهم شفت منظر غاضتني هذيك المرأة فيه هي طالعة وهو يعيط يما ازربي ازربي
هي حطت رجل على الدرجة الأولى باه تطلع ويقلع مسكينة ماشدتش روحها وجات على الأرض مسكينة شفاتني ولات مانحكيلكمش مانتمنهاش حتى لعدويا لكل من راه يقرى في رسالتي نطلب ربي مايبليهش ويرزقو بسيارتو الخاصة
وراح تكون النتائج وخيمة دائما على الأبرياء

قولولي برك شكون يريسكي بحياتو ويركب في وحدة كيما هاذي؟؟؟؟

مؤخرا سرا حادث في حمام ملوان انقلب الكار رأسا على عقب فالواد وراح عدة ضحايا والسبب انو السائق فورصا على المركبة فالطلعة وحبست راحو الفرامل والنتيجة موت الكثير صدقوني يوم الحادث كنت لتم وشفت المنظر والله يقشعر له البدن ضحاياه اطفال ونسوة وعجائز ايام قبل رمضان الله يعافينا وخاوتي خوذو حذركم نفض تكرو سيارة على تدو الكار
وان شاء الله يكون موضوعي في المستوى
ولا تبخلو علينا بأرائكم تقبلو تحياتي شيماء 09​

 

[Ma$Ter]

السلام عليكم ورحمة الله
عندك الحق فى كامل الكلام لى قلتيه اختى شيماء
ربي يهدي هاذ الشعب
وكان راهم يتبعو القوانين ماراناش شوف فواش يصرا
بارك الله فيك على الموضوع المميز اختى

​

 

[BLEU PEARL]

شكرا لك أخي حكيم بارك الله فيك على قبول الموضوع الله يهدينا ويهديهم مساهمتك زادت موضوعي اشراقة:regards01::regards01:

 

[Sofines]

normalement lwahed yerkeb fi taxi w yekriha na3albouh l bus

 

[BLEU PEARL]

يعطيك الصحة أختي على مشاركتك

 

[mà_dikrà]

معااك في كل شي وأول ملاحظة أولاحظها مثلاً في المدرة التلاميذ يوسخو ويكسرو يعني كأنه ليس بلدهم ربي يهديهم ويهديينا كاامل

 

[BLEU PEARL]

آآآآآآآآآآآآآمين يارب شكرا على مرورك الطيب أختي

 

[نسيم الهوى]

عالجتي موضوع حساس وخطير
هذه الظاهرة انتشرت كثيرا مؤخرا اصبحت الحافلات في سباق دائم وشعارها شكون يشارجي اللول ويلحق اللول
أما المواطن فلايهمهم أبدا
وزد على ذلك الغناء الفاحش والمعاملة السيئة
أنا صراحة قاطعتها من زمن أصبحت أختار الطاكسي أو استخدم الدراجة
المشكل في النساء والأطفال وكبار السن الرجال مش مشكل
كان الله في عونهم​

 

[BLEU PEARL]

بارك الله فيك أخي شكرا على مرورك الطيب ورزقك الله سيارتك الخاصة حتى لا تتعب ولاتعاني​

 

[loca]

هههه متقلقيش روحك ختي راكي في جزائر حبيبة غاشي يموت على ضيق
زادو دايرين لاشان
مرسي عليك ختووو
​

 

[BLEU PEARL]

هذا هو المشكل الواحد لازم يصلح روحو قبل ايه واش نديرو ؟؟؟الله يستر

 

["Màrià"]

يا ودي ربي يهدي ما خلق
على جال الدراهم شوفي وين وصلنا
تبا ...
-_-"
​

 

[BLEU PEARL]

شكرا على مساهمتك ماريا​

 

[HAMZA USMA]

موضوع رائع
بارك الله فيك ختيتو
الله غالب نقص الرقابة
+
يجب القضاء على حافلات الموت واستبدالها بأخرى جديدة

​

 

[BLEU PEARL]

شكرا على مرورك حمزة هذا واش رانا طالبين بلاد البيترول والغاز والشعب يعاني​

 

[BLEU PEARL]

شكرا على المشاركة جميعا في انتظار الأخرين​

 

[Amauri]

اصحاب النقل العمومي هذوا دايرين رايهم
لقاو الحكمة و غياب الرقابة داروا واش بغاو

 

[anissa 13]

هادي اكثر ظاهرة وليت نكرهها فالجزائر
والله وليت نحكم طاكسي ومانركبش فهادوك الكيران واحد لاصق فيك من وواحد من
وحدة قريبتي مرة جات تنزل ومات رجلها الاولى للطروطوار والرجل الثانية كانت عاد فالبيس هو قلع طاحت والله غير ربي شاف فيها قعدت فالسبيطار وزادت شحال فالدار حبست خدمتها
ربي يهدي الجميع البنادم فالجزائر كيما العصفور مانعرف علاه مايعطوش اهمية للارواح
مشكورة حبيبتي موضوع مميز
​

 

[BLEU PEARL]

اصحاب النقل العمومي هذوا دايرين رايهم
لقاو الحكمة و غياب الرقابة داروا واش بغاو

شكرا على مرورك أخي ربي يهديهم والشعب ضحية الإهمال
​

 

[BLEU PEARL]

هادي اكثر ظاهرة وليت نكرهها فالجزائر
والله وليت نحكم طاكسي ومانركبش فهادوك الكيران واحد لاصق فيك من وواحد من
وحدة قريبتي مرة جات تنزل ومات رجلها الاولى للطروطوار والرجل الثانية كانت عاد فالبيس هو قلع طاحت والله غير ربي شاف فيها قعدت فالسبيطار وزادت شحال فالدار حبست خدمتها
ربي يهدي الجميع البنادم فالجزائر كيما العصفور مانعرف علاه مايعطوش اهمية للارواح
مشكورة حبيبتي موضوع مميز
​

مرحبا مرحبا نورتي موضوعي أختي بمرورك الكريم
شفتي يا أختي والله حرنا مسكينة قريبتك غاضتني نتمنى تكون بخير الآن الله يستر ولات الأرواح تزهق بغير حساب والأعداد في تزايد ويؤسفني أني صادفت البارحة حادث وقرأت عن آخر في غرداية ماذنبهم غير أنهم ركبو تلك الحافلة ربي يرحمهم ومنظومتنا يديرولها حل
سلام
​