أين هي الرقابة يا معلم

[اكرام اكرام]

السلام عليكم ورحمة الله
المشكل هو الاطفال في مدارسنا بعد الدراسة يدخلو للمطعم ياكلو

ومن بعد يهزو معاهم الخبز والبيض او الديسير كي يخرجو للبرا يرمو الخبز في

الطريق او قشور الفواكه اوالبيض​

 

[Ma$Ter]

السلام عليكم ورحمة الله

الاطفال دايما محتاجين تنبيه ومراقبة كبيرة

فى البيت وخارجه

لاكن معا الانشغالات الكثيرة للوالدين رانا نشوفو فى جيل كارثى

ربي يجيب الخير

بارك الله فيك اختى والمرة القادمة توسعى فى الموضوع لانو ناقص
​

 

[رابح66]

السلام عليكم

بارك الله فيك الأخت على الموضوع
حقا إنه منظر مؤسف نراه في أسرة التعليم
وكأنهم دايرين مزيا بهديك الوجبة تاعهم
أنا بعتلك ولدي بالمئزر والمحفظة علاش تحملوا بأغراض
باغي توكلو خليه في المطعم أمام من يحرصه لعل تحصلو يلقى من يسعفه
ولكن مين عاد المدير و المراقب والمعلم يتاجرو ويفروديو في أوقات العمل.
واش تستناي من إصلاح في المؤسسة والداخلين إليها​

تقبلوا تحياتي

 

[حُلم عابرْ]

سوجي مليح .. بصح انا نشوف فيها مش بروبلام معلمين ولا حتى مدرسة ولا مدير .. الطفل من دارهم ياكل صافي المشكل من البيت .. كي تتهلا ماماتي في ولادها وتعلمهم حق النعمة الببون هذاك يكبر و عارف اتيكيت الاكل ( أداب الطعام ) .. اومام تون المعلم يلوح عينو على سلوكات تلاميذو راهم امانة في رقبتو اقلها نصيحة ولا درس تاع 5 دقائق قبل الحصة

ثانكس على التوبيك النايس
​

 

[آمِيْرَتُه]

السلام عليك
كاين مطعم يدخل ليه 240 تلميذ
كيفاش راح 5 نتاع معلمين يعسو هذو التلاميذ برأيك؟
هنا يدخل عامل المراقبة + عامل التربية
لوكان التلميذ يكون متربي على الأكل على المائدة و عدم رمي الأوساخ في الطريق فأكيد سيتجنب فعل ذلك في المدرسة
بارك الله فيك على الموضوع

 

[YARA 26]

كلام صحيح اختي
براك الله فيكي
بصح هذا يعود على الوالدين لوكان مربيين اولادهم في الدار على ميخرجوش الماكلة البرة في المطعم ما يخرجوهاش

 

[رابح66]

السلام عليكم

ياأختي سامية ويا أختي منيني ويا أختي يارا
أراكن تحملن المسؤلية للوالدين وبرأتن المدير والمعلم والمراقب
أنا لاأخالفكن الرأي في أن مصدر التربية يبدأ من البيت برعاية الأم ةالأب
لاكن قلن لي بربكن لماذا يطرد من لا يأتي بالمئزر ولماذا لا يدخل من تغيب بالأمس حتى يحضر ولييه
مادامت هناك رقابة في الدخول من البوابة لما لا تكون رقابة عند الخروج من البوابة
وإلا يستعجلونهم من أجل أن يستحودوا هم على الطاولات ومابقي من المأكولات
هذا الأمر سببه الرئيسي إهمال من القائمين على المدارس إهمال إهمال إهمال.​

تقبلوا تحياتي

 

[حُلم عابرْ]

السلام عليكم

ي

اأختي سامية ويا أختي منيني ويا أختي يارا
أراكن تحملن المسؤلية للوالدين وبرأتن المدير والمعلم والمراقب
أنا لاأخالفكن الرأي في أن مصدر التربية يبدأ من البيت برعاية الأم ةالأب
لاكن قلن لي بربكن لماذا يطرد من لا يأتي بالمئزر ولماذا لا يدخل من تغيب بالأمس حتى يحضر ولييه
مادامت هناك رقابة في الدخول من البوابة لما لا تكون رقابة عند الخروج من البوابة
وإلا يستعجلونهم من أجل أن يستحودوا هم على الطاولات ومابقي من المأكولات
هذا الأمر سببه الرئيسي إهمال من القائمين على المدارس إهمال إهمال إهمال.​

تقبلوا تحياتي

بالاك مقريتش ردي كامل خويا رابح

اومام تون المعلم يلوح عينو على سلوكات تلاميذو راهم امانة في رقبتو اقلها نصيحة ولا درس تاع 5 دقائق قبل الحصة


المفروض الطفل ياكل في المطعم ماشي يخرج الماكلة برا ويقعد ياكل فيها أما قضية ان الادارة تستنى التلاميذ يخرجوا باش يشدو بلاصة نظن يحبوا يدوها سلعة واجدة على انهم ياكلوا في المطعم المدرسي

يا سيدي نفرضوا انو اهمال من ادارة المدرسة بصح كيفاش تحب تلميذ يتعلم نظام وهو في بيتهم ياكل في الصالون مقابل التلفزيون ؟ ويخبي الخبز في جيبو حتى ييبس نورمالمون من الدار يدي الطبايع الملاح ماش من المدرسة لانو من الدار يطبق في المدرسة ماش من مدرسة يطبق في الدار !!!

 

[red rose]

التربية هي الاساس ترباو على الوسخ و راهم يطبقوا واش قراو

 

[ضيوف وسـنغادر]

الكل يتحمل المسؤولية
المعلم بتوعيته
المطعم بادارته يفترض الاكل لا يخرج من المطعم المدرسي
الوالدين بتربيتهم
يجب ان يقدم كل واحد دوره من اجل القضاء على هكذا مشاكل وكل امر وعلى حسب تقبل الطفلــ

 

[anissa 13]

ما نقدروش نلومو الطفل لانو فالاخير هدا طفل صغير مايعرفش لازم اللي يوجهو
بصح نلومو الاولياء اولا ثم المعلمين ثانيا
الطفل يقضي اطول مدة مع والديه واجب عليهم يعلموه الصح من الغلط مش بالضرب او الصراخ برك بالعقلية الطفل يولي يفهم
فهاد الوقت رانا نشوفو حتى الوالدين يرمو فالطريق فمابالك الاطفال
والمعلمين تاني عندهم دور لازم يخصصو للتلاميد حصص يعلموهم فيها الاداب
هاد الاشياء لازم يتعلمهم الطفل وهو صغير ادا كبر طفرت
مشكورة حبيبتي على الموضوع القيم
​

 

[djillo20]

نورمالمو هنا دور المعلمين واش راهم يعلموهم (التربية و التعليم) راهم مبازين على التعليم باه يفتخرو بالمستوى التعليمي في اخر السنة و نساو التربية ........ الله يجيب الخير لهذا الجيل

 

[Amauri]

ربي يهدي ما خلق