الي جابوا على موضوع : ماذا علي أن افعل ::

[مشكلتي]

السلام عليكم :
شكرا لكم اخوتي و أخواتي و اله يعطيكم الصحة بالنصائح اللي قدمتيوهالي
لمشكلة ماذا علي ان افعل

و الله قداش من مرة نحاول ننتحر قبل ما نتخطب غير منو هو و حاول يخطفني درك راني ما نخرججش خلاص من الدار و الله وحدة في 19 سنة تكره روحها نزيدلكم حاجة وحدة انها ماما و بابا علابالهم بالحكاية و تصاور
غير خطيبي هو اللي ما علابالوش علابالو بلي حكيت معاه بصح يبالتصاور لا
اتشكركم مرة اخرى
من فضلكم نزلوا الادارة الله يجازيكم خير

 

[روز]

السلام عليكم

أختي لم تشرحي لنا نوعية الصور التي عنده !
ان كانت صور عادية فنحن صرنا حتى في الشارع ممكن واحد ما يلتقط لنا صورة ونحن لا ندري
وصار حتى في الاعراس يلتقط البعض صور للبعض الاخر وهو لا يدري
يعني مودة الصور هاذي اظن صارت قديمة وصارت شي مايخوفش
الا اذا كانت صور غير طبيعية وقتها هناك كلام آخر..

أما بخصوص الشخص هذا اذا تمادى فعليك تبليغ الشرطة عليه
مادام أهلك على علم بالموضوع
لانو من غير الممكن تبقي حبيسة البيت لمجرد انو الشخص هذا رفضوه اهلك اوماكتبش ربي بيناتكم !
عليه أن يعدل من سلوكه واما السجن هكذا لازم تفهموه
وصدقيني هذ النوعية من الرجال جبناء جدا مش راح يعمل أي شي من غير التهديد والوعيد
لو يقفوا قدامو رجالا صحاح ويعرفوه قيمتو ويعطوه قرصة في الاذن وقتها رايح يهرب ويجبد روحو

ولكن مادام سامحينلو يتمادى فراح يعمل كل شي لانو حس روحو عنتر زمانه
ولازم يفيق شوي من الفيلم لي راه عايشو مع خياله

تمت الموافقة
الكلمة الطيبة صدقة
​

 

[أم عبد الله]

صباح الخير
ولازلتـ ارى ان الصور عادية لاتستحق كل هذا الخوف ومادم اهلك علابالهم اتسمى علاش ماحلش باباك القصة معاه
هذا هو السؤال لي يطرح نفسو؟ وكيما قالتـ روز بالاكـ نوعية الصور هي لي مشكلة
حاولي تفهمي خطيبكـ القصة م ضركـ خير مايسمعهـآ م جوايه خلاف وخلي الصراحة هي لي تحدد مصير علاقتكـ بيه
ربي يفرجها عليكـ
سلامي​

 

[أمــ وليــد الجزائرية]

أختي مدام انو الاهل على علم بكل هذا الي حكيتيه هذا الشيء مايخليكش تخافي

يقدرو اهلك يتكلمو مع هذا الي راه يهدد فيك و يحاولو يفهموه انو يحاول يكون خلوق قبل من كل شيء

و ان شاء الله يولي يتراجع وانت مكان حتى حاجة تخوفك ان شاء الله كلش رح يتصلح و الحمد الله كي عرفتي بالخطأ ديالك و

كي صارحتي اهلك من البداية هنا عملتي مليح ان شاء الله كلش رح يتصلح و ربي يعوضلو هو ثانيك كلشي بالمكتوب


​

 

[*amina*]

السلام عليكم
يا اختي كيما قالت الاخت ام عبد الله باباك كي علايالو بالحكاية قوليلو بلي راه يهدد فيك
كون جا راجل كون تمنالك الهنا و بعد عليك
تجاهليه يا اختي
و زيد انتي كي تخطبتي علاش مزلتي تحكي معاه وين عرفتي بلي راه يهدد فيك
نصيحتي اغلقي عليه كلش متزيديش تحكي معاه

 

[sarra07]

ياختي احقريه خلاص الحمد لله راكي مخطوبة ربي حابك خلصك من هذا عقلية ولاد صغار ولا نقلك الصغار ملايكة الرحمان كيما نقولو بصح هذا شيطان اسمحيلي شافيك نية وعرف بلي راكي خايف عاد يهدد فيك ونزيدلك ...واحد 3سنين مادلهم حتى حساب نتي من جيهتك ماترحميهش وقولي لداركم لحكاية وماتنسايش وكلي عليه ربي وربي يفرج عليك وريح بالك