للبنات ومتزوجات فقط ادخلو

[لحن الهدى]

سلام عليكم ورحمة الله وبركاته
وشراكم لاباس
حابة اليوم اسالكن عن نزع الشعر للمناطق الحساسة بالحلاوة خير او الموس او الة براون
لانو كل واحد واش يمدح وحابة استشيركم لاني مقبل على زواج وحابة حاجة مليح وتمنع اسوداد

 

[لحن الهدى]

12مشاهدة ولا واحد رجع ربي يهديكم

 

[السلطانة]

وعليكم السلام اهلا اختي
في المرة الاولى جربي الرجينة بالنشا
بعدها الموس افضل وافضل بكثير
اشري نوعية مليحة
لانو يقولو الرجينة راهي تضر مع الوقت

 

[لحن الهدى]

ربي يخليك اختي سانريلا وينورك حتى انا الرجينة جاتني صعيبة ما قدرت بارك الله فيك

 

[*amina*]

السلام عليكم
اختي تبعي واش يقول الحديث"حلق العانة و نتف الابط" راهي كاين اضرار كبيرة جراء عملية النتف
انصح بالموس احسن كيما قالت الاخت ساندريلا
والافضل تكون نوعية "جيلات" كاين هدوك الغوز يتباعو عند الفارماسي 38 الف فيها 4 مليح و متسببلكش اعراض

 

[لحن الهدى]

ربي يخليك اختي امينة بارك الله فيك انا نسمع كثير ناس يقولو انها تسبب سواد بصح الرجينة ما قدرتها تعدم بزااف

 

[*amina*]

شوفي اختي ادا قدرتي تخدمي بالرجينة اخدمي بيها نهار عرسك فقط واستعملي معاها الطالك تاع لي بيبي منكذبش عليك انا استعملتها نهار عرسي ومن بعد رجعت للجيلات و رجليا و الابط نستعمللهم براون

 

[لحن الهدى]

اختي امينة عدماتك الرجينة انا نقلك ما نحاتلي لانو شعر صغير بزاف
شوفي كي يوصل عددي حابة نرسلك رسالة خاصىة تفهميني في نقطة ادا سمحتيلي

 

[*amina*]

اوك معليش حبيبتي

 

[لحن الهدى]

ربي يحفضك ويوفقك ويهنيك ويسعدك دنيا واخرة انت مسجلة في ركن مجموعة خاصة بعرائس اللمة مليحة ومستور
ادا ماكي مسجلة قالي لاخت سنريلا لانو فيه متزوجات ومخطوبات لاني راح اسالك ما قدرت هنا

 

[*amina*]

ايه اختي مدا بيا نسجل في ركن كيما هدا

 

[لحن الهدى]

اخت ساندي راح تعاونك كي تسجلي قولي باش ندخل لاني عندي موضوع مع الاول

 

[melissa lola]

اختي كاين بودرة اسمها غالية تجي في شكل اكياس صغيرة ب 20 دج راءحة الورد و الياسمين تعجن بالماء الدافء وتوضع على المنطقة المراد نزع الشعر منها وتنتظري 3 دقاءق وتغسلي واش نقولك ريحة ونعومة وبياض وسهلة الاستعمال خير من الجوتابل على خاطر كاين مناطق ماتوصليلهمش بسهولة وراني قريت مرة موضوع بلي نزع الشعر بالرجينة من المنطقة الحساسة يسبب الشلل بعيد الشر وكاين ثاني برانتانيا كيما غاليا مي غالية ريحتها شابة بزاف

 

[لحن الهدى]

جزاكي الله خيرا لالو ربي يهنيك اختي ويرضى عليك

 

[RoseBonbon]

رد: للبنات ومتزوجات فقط ادخلو

أنا نستخدم لاسيغ .. بصح لازم تنحي بأجزاء صغيرة

ونستخم توندوز نتاع براون...

 

[أم أبرار]

رد: للبنات ومتزوجات فقط ادخلو

اللهم صلي وسلم على سيدنا محمد وعلى اله وصحبه اجمعين

انا ندي منكم خبرة اخواتي مشكورين
وصح مكانش قد الموس مرة عملت بالغبرة تاع غالية تخلطيها مع الماء 5 د برك وتنحي مليحة غير الابط والرجلين مي بلايص تاع المناطق الاخري عملتلي حكة وحساسية كيبرة صح هيا تخلي البشرة رطبة وبيضة بصح ننصحك بالموس كيما قلولك الاخوات الكريمات
​

 

[لحن الهدى]

رد: للبنات ومتزوجات فقط ادخلو

جزاك الله خيرا اختي ابرار