قناة النهار لكي

[صلوا على النبي]

السلام عليكم
اليوم جبتلكم موضوع على قناة النهار لكي

هذه القناة وبالرغم من انها تفتح المجال للشباب في العمل
الا انها تعرض مسلسلات مصرية وتركية
لا اكذب عليكم انا في الاول عند ما سمعت قناة للنساء
حسبت الطبخ والخياطة .................
لكن عندما وجدت فيها المسلسلات والله حسيت وكانهم
دايرين في بالهم المراة الجزائرية غير تع مسلسلات
في الجزائر توجد نساء قاريات ونساء لا انا لا اهينهم
لكن وعلاش ميديروش دورات او حصص تعليمية
او دروس حفظ القران مثلا
لان هذه المسلسلات تزيد من الانحطاط الاخلاقي
للبنات وفي الاخير يقولو ويتسالوا وعلاش البنات
ولاو هكا

رسالة الى كل من يعرف عامل او مشرف على هذه القناة ان
يتحذث معه حتى تصل الرسالة اليهم قبل ان يفوت الاوان
تقبلوا مروري

واتمنى متزعفوش اذا قلت كلمة معجبتكومش

 

[السلطانة]

وعليكم السلام اهلا وسهلا بيك اختي

انا القناة هادي كنت حابة نتفرج عليها من مباعد شفت وسمعت عليها في النت وليت متعبتش روحي وحوست عليها اصلا

يعطيك الصحة على الموضوع الرائع

نرجو التفاعل من طرف الاخوة والاخوات

 

[أم منيــــــر]

السلام عليكم
حتى انا حسبت بلي نتع اهتمامات المراة وحياتها وكل ما يخصها
نتفاجأ نلقاها نتع مسلسلات وافلام مصرية قديمة
ما عندها حتى علاقة مع ما يخص المرا
شكرا لك وان شاء الله يسمعو نداءك ويتجاوبو معاه

 

[بنت الـ25]

أولا انا تاني كنت حاسبتها كيما قناة سميرة مي ممبعد تشوكيت
ما عجبتنيش خلاص وجامي تفرجتها
وثانيا حبيت نعقبلك برك لهنا

رسالة الى كل من يعرف عامل او مشرف على هذه القناة ان
يتحذث معه حتى تصل الرسالة اليهم قبل ان يفوت الاوان

عندي صديقتي دوكا تقرا ماستر إعلام في بن عكنون
تحتاج في مذكرة تخرجها بعض المادة الخام في أرشيف قناة النهار
تعرفي بخلوها بيها قاتلي يومي نبوانتي عندهم ومعريفة وما حبوش يمدولي
رغم انها نورمالمو متاحة للطلبة ولكل اللي يطلبها
وانتي تقولي احكيو معاهم بدلو البروقرام خخخخخخخ

وش رح ديري كي توصلي للقناة بدلي وخلاص متعطيهاش اكتر من حقها
​

 

[صلوا على النبي]

شكرا لكم
سندريلا زماني هذا هو الصح وشكرا
ام منير ان شاء الله يارب من فمك لربي

Mïŋěţţeصحيتي اختي ربي يوفق صحبتك وشكرا على الرد
في الانتظار

 

[الباندي]

ان شاء الله يا ربي يبلعولكم قناة سميرة و تتهنا الgرعة من حك الراس:p:d:p:d:p:d(امزح طبعا)

القنوات الجزائرية الخاصة و العمومية تتجه من السيئ الى الاسوء لا برامج مفيدة و لا جودة صورة تعمر العين

 

[صلوا على النبي]

ان شاء الله يا ربي يبلعولكم قناة سميرة و تتهنا الgرعة من حك الراس:p:d:p:d:p:d(امزح طبعا)

القنوات الجزائرية الخاصة و العمومية تتجه من السيئ الى الاسوء لا برامج مفيدة و لا جودة صورة تعمر العين

غير سميرة متخلطليش فيها هههههههههههههههه
لا كاين شوية هادفة كيما مزامير داود وقصص الانبياء

 

[أم منيــــــر]

ان شاء الله يا ربي يبلعولكم قناة سميرة و تتهنا الgرعة من حك الراس:p:d:p:d:p:d(امزح طبعا)

وعلاش يا الباندي سميرة تعلمنا منها بزاف صوالح ملاح

 

[الباندي]

ان شاء الله يا ربي يبلعولكم قناة سميرة و تتهنا الgرعة من حك الراس:p:d:p:d:p:d(امزح طبعا)

وعلاش يا الباندي سميرة تعلمنا منها بزاف صوالح ملاح

ايا سيدي غادي نخليلكم غي خالتي دوجة مولات الـــgصعة :p:d:p:d

 

[أم منيــــــر]

ايا سيدي غادي نخليلكم غي خالتي دوجة مولات الـــgصعة :p:d:p:d

ههههههه
نقولك حاجة هاديك الحاجة الوحيدة لي متعجبنيش في قناة سميرة خالتي دوجة

 

[الباندي]

ههههههه
نقولك حاجة هاديك الحاجة الوحيدة لي متعجبنيش في قناة سميرة خالتي دوجة

خالتي دوجة لازم يتفرجو عليها بنات تاع دروك ولا راني غالط ..؟ كاشما يرفدو صنعة مليحة في يديهم :d

انتي علابالي صوالح تاع بكري ديرهم كي صباح الخير c pr ça تحبي هدوك السوريين يجيبو غي الجديد :d

 

[*Prinçesse*]

السلام عليكم شكرا اختي على الموضوع نقولك الصح انا نسمع بيها مي مانتفرجهاش مي فيها حصة عجبتني بزاف نتاع ما وراء الجدران دايرين فيها معاناة الناس و حكايات وش راهو صاري فالبلاد اما سميرة نموت على نتفرجها هي و فتافيت ههه خاصة سميرة خطراكش يديرو فيها حوايج بزاف ملاح انا شخصيا تعلمت منها شحال من حاجة فادتني

شكرا اختي و يعطيك الصحة على الموضوع تقبلي مروري​

 

[صلوا على النبي]

ايا سيدي غادي نخليلكم غي خالتي دوجة مولات الـــgصعة :p:d:p:d[/QUOTE]


ههههههههههههههههههههههههه vive 5alti doudja

 

[Ryry_Ndj]

السلام عليكم
اختي بوركتي على هذا الموضوع اليوم بفضلك سمعت بهذي القناة هههههههههه تقول راني عايشة في المريخ ههههههههههه
وتاني افلام ومسلسلات ذن ما نتعبش روحو نحوس عليها
مرة اخرى بوركتي ودي وتقديري لكي​

 

[صلوا على النبي]

ههههههه
نقولك حاجة هاديك الحاجة الوحيدة لي متعجبنيش في قناة سميرة خالتي دوجة[/QUOTE]


يا ام منير لوكان تسمعك تشوفي هههههههههههه والله متزيدي تدوري هنا
ههههههه

 

[صلوا على النبي]

السلام عليكم شكرا اختي على الموضوع نقولك الصح انا نسمع بيها مي مانتفرجهاش مي فيها حصة عجبتني بزاف نتاع ما وراء الجدران دايرين فيها معاناة الناس و حكايات وش راهو صاري فالبلاد اما سميرة نموت على نتفرجها هي و فتافيت ههه خاصة سميرة خطراكش يديرو فيها حوايج بزاف ملاح انا شخصيا تعلمت منها شحال من حاجة فادتني

شكرا اختي و يعطيك الصحة على الموضوع تقبلي مروري​

شكرا خنونتي سميرة مليحة وتاني وراء الجدران شكرا على الرد

 

[صلوا على النبي]

السلام عليكم
اختي بوركتي على هذا الموضوع اليوم بفضلك سمعت بهذي القناة هههههههههه تقول راني عايشة في المريخ ههههههههههه
وتاني افلام ومسلسلات ذن ما نتعبش روحو نحوس عليها
مرة اخرى بوركتي ودي وتقديري لكي​

هههههههههههههههه معليش هكاك خير متعييش روحك
كاين سميرة وفتافيت هههههههه شكرا حنونتي

 

[anissa 13]

مانعرفش هاد القناة ياختي غي سمعت يهدرو عليها
هبلونا بهاد القنوات تاع المسلسلات كي تشوفي لائحة القنوات تقراي غي دراما دراما دراما ففففف
هادي غي التجارة يحوسو على الربح مايخموش فاخلاقنا وعاداتنا
وراكي تعرفي المسلسلات فيهم غي الحب والعشق والجيل تاع درك يحب هكدا مسلسلات
ربي يهديهم
الحمد لله كاين سميرة الواحد يتبعها خير من قنوات المسلسلات والخرابيط
مشكورة حبيبتي موضوع جميل
​

 

[صلوا على النبي]

مانعرفش هاد القناة ياختي غي سمعت يهدرو عليها
هبلونا بهاد القنوات تاع المسلسلات كي تشوفي لائحة القنوات تقراي غي دراما دراما دراما ففففف
هادي غي التجارة يحوسو على الربح مايخموش فاخلاقنا وعاداتنا
وراكي تعرفي المسلسلات فيهم غي الحب والعشق والجيل تاع درك يحب هكدا مسلسلات
ربي يهديهم
الحمد لله كاين سميرة الواحد يتبعها خير من قنوات المسلسلات والخرابيط
مشكورة حبيبتي موضوع جميل
​

سلام اختي نورتي سميرة هي القناة الوحيدة لي نقدروا نشوفوها حاليا
مع خاوتنا المهم ربي يبعد علينا هذ المشاكل ويثبتنا فالصحيح
وشكرا حنونتي على الرد

 

[ilina loulou]

و الله عندك الحق ختي .. رانا كامل كنا نستناو فيها بفارغ الصبر قلنا القنوات الجزائرية زعما بدات تتطور و بدات تخرج وجها للضو مي ؟؟؟؟ .. خيبة امل كبيــــــــــــــــــــــــــــــــــرة جدا .. مسسلات ؟؟ يعني مالقاو واش يحطوا ؟؟ .. انا من هداك اليوم مازدت طليت عليها .. و طبعا اكتشفت انو ماشي القناة الاولى برك 'يتيمة ' لانو القنوات كامل راهم 'يتيمة ' ....
و شكرا على الموضوع الرائع ..