قصيدة فكاهية

[samah06]

جبتلكم قصيدة مضحكة ان شاء الله تعجبكم راهي منقولة للافادة

السلام عليكم ورحمة الله تعالى وبركاته


اليوما عندنا وصفة خفيفة وهايلة للفطور

خبيزات صغيرة


المقادير
كاس سكر
كاس زيت



كاس حليب دافي
2كيسان ماء دافي
مغرف خميرة حلينها في شوية ماء
2بيضات
1 خمارة
رشة ملح


والفرينة حتى تتماسك
العجينة كيما فالصور



خلطي المقاديرة وبقاي تضيفي فالفرينة حتى تتلم ونخلوها ترتاح


وكلما كانت العجينة خفيفة كلما كانو خفاف وملاح
نخلوها ترتاح قلنا 2 سوايع هكاك ممبعد ندهنو يدينا بالزيت وبقاو نشكلو فالكويرات ديالنا


ونخلوهم يخمرو ساعة




ندخلوهم يطيبو بعدما خليناهم خمرو بيان




هادو هوماااا





بالصحااااااااااااااا والهنااا

 

[samah06]

رد: قصيدة فكاهية

راني اخطات في النقل
اسمحولي
السلام عليكم بنات
جتلكم قصيدة ضحكتني و أحببت أنكم تضحكو معاي
تفضلوووو

نصحوني مرة صحابي بالزواج ... و قالولي بركاك من التعواج


راهي رايحة تديك المواج ... إذا بقيت في العزوبية


بقيت نطلع في الحساب ... و لقيت كلامهم صواب


و في الغد بعثتهم نواب ... يطرحوا لأهلي القضية


بابا وافق في الحال ... و قال نجيبوا بنت الخال


و يما جاها في البال ... يخطبولي وحدة بدوية


تفاهمنا على بنت المدينة ... قالو فاهمة ورزينة


راهي تمخمخ في الكوزينة ... وتطبخ طبخات زينة


عولنا وقصدنا الدار ... حاملين في يدينا النوار


ودرنا وحنا زوار ... قاصدين بنت معينة


الخال في بنتو شكر ويزيد ... قارية وما تركتش المسيد


وصحيحة كي الحديد ... بنت العلم والتربية


قلت واش هي الشروط ... راني صرت ليكم مربوط


ومالي عندكم محطوط ... ونزيدلكم الشهرية


قالي يا وليدي سجل ... 20 صباط باش تبدل


و 50 سروال مفصل ... و يكونو ضيقين شوية


وزيد كيلو ذهب صافي ... تجيبو وانت زاهي


والشنتوف ما هو كافي ... راني درت فيكم مزية


بنتي راهي غاية وشريفة ... ما تتركش يدها خفيفة



20 خاتم في القفيفة ... تحطهم في يدها هي

وسلسله غاليه ما تنساش ... والمليون لازم يكون معاك


والحايك مرمة لازم تلقاه ... وتقدمو لبنتي هدية


قالي يا السي موووح ... بلاك تنسى خيط الروح


باش يزيد لبنتي الروح ... تبقالك ديما حية


تشريلها عشر كباش ... والدجاج مشوي ما تنساش



وزيدلها مترا قماش ... هادي حاجة رمزية


بنتي ما تضربش النشاف ... ومن الحمام تخرج بالتلحاف


وشعرها جيبلو حفاف ... وتزور sa mère كل عشية


الطفلة نطقت ملهيك ... يا بابا لازم تنهيه


يتركني نحكم فيه ... ويمشي معايا بالنية


قالي الشرط ما خلاص ... نقراو الفاتحة قدام الناس


قلتلو راني لباس ... ومنين نهرب يا خويا


درنا العرس نهار الخميس ... وكثر فيه الهراج والتهراس


المطرب يخلط على الناس ... والدرباكي يعفس تعفاس


والجمهور راهو نعاس ... والبراح يبرح شوية


جابو العروسة للبيت ... كي شفتها من الخوف بكيت


شعرها على الطابلة محطوط ... وراسها من الشعر مزبوط


رافدة معاها عشر قطوط ... تلعب لعبة هزلية


لقيتها مركبة قطع غيار ... شعرها وحواجبها ولشفار


و كي ضحكت كل شيء طار ... هادي ماركة عصرية



قالت لازم نبقى حرة ... ويماك لازم ترميها برة


وما تكثرش الهدرة ... أنا طفلة متحضرة


قلت يا امرة لازم تفهمي ... ترفدي حوايجك و اخطيني

 

[Oosha nonosha]

رد: قصيدة فكاهية

hada 3ars wla khalini

 

[بنت الصحراء08]

رد: قصيدة فكاهية

هههههههههههههههههههههههههههههههههههههههه

هادا هو الشعر ولا خلاص
​

 

[طباخة زماني]

رد: قصيدة فكاهية

44444444444444444 ههههههههههههههههههههههههههههههههههههههههههههههه

 

[حفيدة الخنساء]

رد: قصيدة فكاهية

ههههههههههههههههههههههه

 

[علياء الجلفاوية]

رد: قصيدة فكاهية

ههههههههههههههههههه الرجال زوجت اذا كان العرس كيما هاك مشكورة على القصيدة