سلام يا حلوين ممكن تعطوني رايكم؟؟

[lemia23]

السلام عليكم يا لعرايس
والله كل ميا يقرب عرسي تتخلط عليا امور ياسر:-r
حبيت نسقسيكم برك لعروسة كي تجي مروحة من لوتال:love01::love01:
وش تلبس اسكو نفدر نلبس بينوار سطايفي وعباءة بيضاء عادي
ولا نروح في لبسة تع خرجة نوغمال والله مفهمت والو
قبل كانوا بلي زونصومبل مي درك مفهمتش خلاه:s
تعيشوا ممكن نصيحة؟؟:up:

 

[ضآحكة مستبشرة]

رد: سلام يا حلوين ممكن تعطوني رايكم؟؟

اسئلي اهل الاختصاص انا معلباليش ههه
ربي يهنيك حنونتي​

 

[بنت الـ25]

رد: سلام يا حلوين ممكن تعطوني رايكم؟؟

احنا عندنا عادي،، تروّح بلبسة تع خرجة مهما كانت
ربي يهنيك اختي ياو الهنا هو كلش ما تهم لا لبسة لا والو
​

 

[السلطانة]

رد: سلام يا حلوين ممكن تعطوني رايكم؟؟

وعليكم السلام اهلا لامو حبيبتي

انا عن نفسي جيت خارجة في حجاب خيطتو سبيسيال لونو باج مع خمار باج وصاك وبالغين

تاع خرجة عادي

انا نقول كل وحدة واش تحب تلبس
ومرت خالي لبست سروال وليكات

ربي يسهلك ختيتو

 

[sofia_elak]

رد: سلام يا حلوين ممكن تعطوني رايكم؟؟

سلام شيرات
مبروك على المخطوبات والمتزوجات والعقوبة للي مازالو
+
ختي ننصحك تخرجي فلبسة نوغمال
تكون شابة
على حساب ستيل تاعك وتكون كلاغ
سي ميووو كيما قالو بعض الاخوات
وشكرا
​

 

[Oosha nonosha]

رد: سلام يا حلوين ممكن تعطوني رايكم؟؟

الله يسهلك ان شاء الله

 

[knadja]

رد: سلام يا حلوين ممكن تعطوني رايكم؟؟

لبسي تيور بيض

 

[lemia23]

رد: سلام يا حلوين ممكن تعطوني رايكم؟؟

مغسي تعيشوا يا لبنات
ربي يعطيكم ما تتمنوا يا ربي

 

[red rose]

رد: سلام يا حلوين ممكن تعطوني رايكم؟؟

ان شاء الله فادوك الزينات

 

[Malika Tlm]

رد: سلام يا حلوين ممكن تعطوني رايكم؟؟

مبروك عليك ختي الله يسخر من رايي لبسي غوب بيضة تكون همية ولا لبسي لبسة تقليدية​

 

[RoseBonbon]

رد: سلام يا حلوين ممكن تعطوني رايكم؟؟

ألبسي تايور لونو كلاغ.. أبيض بيج أو غوز

وألبسي فوقو لاكاب إلا عندك أو حجاب كلاس

ومبروك عليك حنونة