ولا حكمتونى فلارمى ڨتعولى رجليا

[tadjadit mohamed]

اخطونى مانجيش للعسكر تالبتونا فلى براج ما تحشموش تجو تحوسو علينا فدار
و شحال 12 نشهر علاه زكارة . كى رانى سور بلى ما نديش حقوقى هيمالا فرى ما راحش ندير الواجب و الكارطا بخرو بيها الخدمة مكانش مكانش انعلو بليس واش ديرو بيا
فلارمى ديجا مانشوفش مليح انا نوض على ربعة تاع صباح باش نعس عليك يا خويا كول واحد يعس روحو علاه يرحم يماكم خطونى جيتكم غير انا بسيف حبيتونى نجى بإذن الله مارانى لابس الكونبا تاعكم ولا حكمتونى ڨتعولى رجليا
​

 

[بنت الـ25]

رد: ولا حكمتونى فلارمى ڨتعولى رجليا

لافوطو اللي مدايرها فالبروفيل تشبه لخويا الصغير سبحان الله
قريب شكيت فيك مي خويا ما يقولش قتعولي ^^
خويا رانا حاسين بيك مكانش اللي يحب يروح لارمي
وان شاء الله ما يديوكش
كاين واحد جارنا هربلهم هربلهم وحد نهار حكموه في باراج لقاوه روشارشي هزوه من تما ديراكت للكازارنة يعقب لارمي
ياوو دوكا صح نحاو لاكارط جون من الدواسا تع الخدمة مي سمعت بلي ولاو يطلبوهم فالدواسا تع عقد الزواج
يعني منا تكوي ومنهيه تشوي:down:
دولة ما يقدر عليها غير ربي:d ،، ناس لي حابة تـg ــاجي يشنشفوهم لازم غير معريفة باش يقبلوهم فالجيش ولا الدرك ولا الشرطة
مي الخدمة الوطنية يديوك زكارة ،، عقلية قوطي:down:
ربي يفرج عليك وان شاء الله الموضوع الجاي تفرحنا بلي مدولك لاكارط جون:bravo01:
​

 

[Amine7N]

رد: ولا حكمتونى فلارمى ڨتعولى رجليا

اخطونى مانجيش للعسكر تالبتونا فلى براج ما تحشموش تجو تحوسو علينا فدار
و شحال 12 نشهر علاه زكارة . كى رانى سور بلى ما نديش حقوقى هيمالا فرى ما راحش ندير الواجب و الكارطا بخرو بيها الخدمة مكانش مكانش انعلو بليس واش ديرو بيا
فلارمى ديجا مانشوفش مليح انا نوض على ربعة تاع صباح باش نعس عليك يا خويا كول واحد يعس روحو علاه يرحم يماكم خطونى جيتكم غير انا بسيف حبيتونى نجى بإذن الله مارانى لابس الكونبا تاعكم ولا حكمتونى ڨتعولى رجليا
​

شحال غادي تقعد تهرب
حياتك كاملة !!!
راه تهرب عام زوج ثلاثة
ومن بعد !!!
غادي يجي نهار إما تفوتها ولا متفوتهاش

 

[stelllo]

رد: ولا حكمتونى فلارمى ڨتعولى رجليا

ربي يكون بالعون

 

[Perle Blanche]

رد: ولا حكمتونى فلارمى ڨتعولى رجليا

السلام عليكم
في بالي خويااا روح خير صراحة واش رايح تستفيد كيما تروحش
تحتاجهااا و هذوك 12 اشهر راهم يفوتوا برمشة عين
الله يحميك
​

 

[adel._dz]

رد: ولا حكمتونى فلارمى ڨتعولى رجليا

ميضوع شبعني ضحك يا خي حالة ياخي

 

[NASRO DZ]

رد: ولا حكمتونى فلارمى ڨتعولى رجليا

والله واش نقلك خويا

انا تاني كنت نخمم كما انت نهرب من لارمي
بصح واش نقلك خويا لقيت بلي الهروب ليس حل للمشكلة بل العكس
راح تخرج روشارش يعني ملاحق وزيد المصيبة لكبيرة خويا

اذا حكموك راح تكون عاصي انسومي يعني
ويمرمدوك اكثر من الاخرين لي جاو في وقتهم

ننصحك خويا من شخص فوت العسكر
راه ماكاين والو انا فوتو عادي خويا ونورمال
توكل على ربي اذا جاتك الورقة مباعد روحو

لانه الدولة تعنا ماشي تع لعب راهي قادرة من غدوة
درلك قانون جديد تقلك فيه لي مايفوت مايتزوج هههه

تعود تتمنى انك فوتو
ننصحك خويا
والله نصيحة مني من شخص فوت الخدمة الوطنية
والسلام عليكم