استفسار للذين مر بهم هذا المرض

[Pink Rose]

السلام عليكم


ارجو العلاج لصديقتي فهي تعاني من مرض في وجهها
فنصف وجهها الايمن لا يتحرك بينما النصف الاخر يتحرك


ارجو ان تعطوني اسبابه وعلاجه
لانو مانفعها ولا طبيب قلت زعما مر بيكم





​

 

[M3TaZ eLLMa]

رد: استفسار للذين مر بهم هذا المرض

السلام عليكم

أهلين بأخت الطيبة

شوفي أخت الطيبة جازت عليا الحالة هذه

كاين انساان نعرفوا كان عادي جدا وبعدها حصلوا نفس الاعراض لي حتيهم نصف رائس يعمل ونص الثاني

ما يعمل يعني العين تشوف لكن ما ترمش الكلام يتلعثم لأنو لسانوا نص يعمل ونص لا ومن مدة سقسيت عليه قالولي راه برا من هذا هو راه بعيد مي نحاول كيفاه نعرف اخباروا ونشوف واش عمل حتى برا


يعني اخت طولي بالك عليا شوي

بربي وإن شاء الله نجيبلك المعلومات وبربي تبرا زميلتك يارب

ولو إذا ما خابش ضني ونسيت ربما راه مس الجن عفاك الله وعفانة والله اعلم

سأحول قدر المستطاع باه نوصل لشخص هذا ولو انو بعيد عليا كثيرا غير ما عليش نعمل المستحيل

وطولي بالك عليا أخت

وربي يجبلها الشفاء

وجربوا معها رقية اخت لربما تنفعها

وربي يجبلها الشفاااااء يارب
​

 

[Pink Rose]

رد: استفسار للذين مر بهم هذا المرض

انا والله بحياتي ماشفت شخص اطيب والطف منك اخي الكريم
جزاك الله كل الخير وان شاء الله يجعل كل خطوة في ميزان حسناتك خويا الحبيب والله مايحرمك من الخير ان شاء الله
نستنى جوابك اخي وشكرا على المبادرة
ان شاء الله تتحسن وتتعافى وتكون عملت لي معروف كبير خويا الكريم​

 

[M3TaZ eLLMa]

رد: استفسار للذين مر بهم هذا المرض

ولو أخت الكريمة رانا اخوة هنا وصديقتك راهي اختنا في الله

ومن واجبنا نعاونوا بعض في كل شيء

وقوليلها متخافش راه كاين شخص مرض بهذا المرض وشفا منوا

وراح نعمل المستحيل اني نوصلوا لأنو بعيد عليا برك من ولاية ولاية مي بربي نتصل به في اقرب وقت ممكن

وطولي بالك شوي برك ما تتقلقيش

وربي يجيب شفا لصديقتك يارب

وربي يحفظك اخت

بربي الرد الجاي راح تكون فيه كل المعلومااات

تقبلي شكري وتقديري


موفقة
​

 

[نجيب]

رد: استفسار للذين مر بهم هذا المرض

أتمنى لها الشفاء العاجل


شكرا لك أخي معتز و دائما انت معنا بقلبك فنعم الاخ و الصديق​

 

[نبض الحياة]

رد: استفسار للذين مر بهم هذا المرض

السلآم عليكم
بالرغم من اني قطعت على نفسي وعد بعدم التواجد هنا مرة أخرى
لكن سؤآلك سبب دخولي
مآ قدرت نفوت عليك مرور الكرآم وانا بمقدوري نفيدك ولو بمعلومة
ربي يشآفي الاخت ويعآفيها يآ رب
جزيل الشكر للاخ معتز وان شاء الله يفيدنا بمعلومات عن نفس الحآلة
حبيبتي هآد الحالة paralysie faciale unilatérale
و تتعلق بمشكل في العصب le nerfs رقم 7 هو اللي راه فيه المشكل
وممكن يكون مرافق بتاثر أعصاب اخرى ما نقدر نوضحلك بلا ما نشوف الجزء المتضرر في الوجه بالضبط
والتشخيص يكون عند طبيب اعصآب متخصص ومتمكن
والمشكلة راهي اما في العصب بحد ذاته ممكن علامة من علامات بداية مرض la sclérose en plaque الله لا يقدر
او كاين ورم ام مشكل آخر في الجهاز العصبي على مستوى الدماغ رآه ماثر على العصب وما يخليه يخدم بطريقة صحيحة
كاين نوع تاني متواجد بكثرة la paralysie faciale à frigori يعني متعلقة بالبرد فقط مين يفوت تمشي هاد الاعراض
احيانا التهابات الاذن تسبب هآد المشكل لانو العصب يمر تقريبا بجانب الاذن
والاسباب تتعدد
والله لو بمقدوري نبعثها عند Dr:Hamimed أحسن طبيب عرفته في المجال درسني وعمري ما ننسى الشي اللي درسهلي
للاسف خرج من service de consultation spécialisé عندنا وعلى ما اظن راه يخدم برا اما في بلعباس اما راه في وهران
اذا يهمها الامر ممكن نسقسيلها زملائي او في CHU لعل وعسى ممكن يكون عندهم معلومآت عن مقر تواجده أحيانا
ربي يشافيها ويعآفيها ان شاء الله
​

 

[Pink Rose]

رد: استفسار للذين مر بهم هذا المرض

شكرا لك اختي الكريمة
حتى انا سمعت بيه قالولي المشكلة في العصب السابع لكن حبيت نشوف آرائكم
وانتمنى بها الشفاء العاجل
جعل كل خطوة لك في ميزان حسناتك ان شاء الله​

 

[hadil21]

رد: استفسار للذين مر بهم هذا المرض

اتمنى ان تجدي جواب

 

[نبض الحياة]

رد: استفسار للذين مر بهم هذا المرض

السلآم عليكم
اختي لقيت الدكتور اللي قتلك عليه
اذا حبت صديقتك تستشيره بخصوص حآلتها
ربي يرزق الشفاء العاجل ان شاء الله

​

 

[حلم ساندريلآ]

رد: استفسار للذين مر بهم هذا المرض

اختي انا نقدر نفيدك انا لما كنت صغيرة كان عمري ١٤ سنة وقتها جاني هاد المرض والله تعبني وكرهني في حياتي بصح قدرت نتعآمل معآه بكل سهولة قولي لصحبتك تتجنب الهواء وقوليلها تدهن بالزيت زيتون مليح البلايص المصابة وتمسدها .. وقوليلها ماتنساش تمضغ اللوبان ديما هاد يفيدها في تحريك اعصاب الوجه
وانا دام لي هاد المرض شهر وسمانتين يعني ماش بزاف
وهو مرض عاادي اسبابه التعرض المفاجئ للهواء البارد وحتى القلق ممكن يكون له تأثير على وجهها
قوليلها ماتتقلقش لانو عادي يصيب بزاف ناس ويشفو منو بسرعة وطمنيها ديما وقوليلها باللي راهي راح تشفى

تمنى لها الشفاء

 

[Nilüfer]

رد: استفسار للذين مر بهم هذا المرض

السلام عليكم

ربي يشافيها ان شاء الله
​

 

[Pink Rose]

رد: استفسار للذين مر بهم هذا المرض

شكرآ لكم وجزاكم الله خيرا​