الي كوزينة شباب تحت اشراف شيف نجيب

[touta04]

السلام على الجميع

في هذا الموضوع سينتبنى فكرة جديدة في الطبخ

و هذه الفكرة نسعى بها انو نوريو للرجال شوي امور تخص الطبخ :d:d:d

فيمكن واحد من رجال يقعد وحدو في دار و يجوع و مايلقا وش ياكل و ميعرفش يطبخ

لازمنا نعلموهم اسس الطبخ هكا باه غدوا نهار تكون زوجتوا مريضة على اقل يطبخلها حاجة

سخونة و يهنيها شوي :d:d:d:d:d:d

واش شباب نتمنى تعجبكم الفكرة و انا هذي الفكرة عملتها على خاطر نجيب نهار

دخل لصفحة طبخ و وحدة من اخواتوا قاتلو وش تعمل هنا هذا مكان نساء

لا حتى الرجال من حقهم يتعلموا على اقل باه نستفادوا منهم في بعض احيان :d:d:d:d:d:d

مهم نتمنى تشاركنا كل بنات و سيدات خاصة بوصفات سهلة في متنوال شباب و الي قدر

يطبقها مذابيه يقولنا نتيجة و الاحسن انوا يورينا صور هههههههههه

و اي اشكالية احتاج منا مساعدة يقولنا نحن في خدمة :up::up::up::up:

هيا بنات لا تحرموا رجال من اكلكم شهي و نطلبوا من شباب يحددونا وصفات الي يحبوا

يطبخوها و نحن في خدمة :thumb_up02::thumb_up02::thumb_up02::thumb_up02::thumb_up02:

هيا شباب مرحبا بيكم في كوزينة شاف نجيب هههههه:bravo01::bravo01::bravo01:

 

[~خفة روح~]

رد: الي كوزينة شباب تحت اشراف شيف نجيب

ههههههههههههههههههههههه عجبتني الفكرة بزاف
ممبعد جيبي ليشاف لوخرين أهلا نجيب حط راسك
نعلموك يقول المثل لا تعن سمكة بل علمني كيف اصطاد
وسأكون صارمة ههههههههههههه

وأشكرك على الفكرة​

 

[ضيوف وسـنغادر]

رد: الي كوزينة شباب تحت اشراف شيف نجيب

فكرة هايلة ختي
اممم اكيد الحاجة المشهورة البيض حيث يتم فقس البيض تخليطه واذا حب اي واحد يزيد خضرة معاها ويقليه ويحاول مايحرقوش
والبطاطا المقلية تاني تقشر وتقطع لشرائح ثم نسناو الزيت يغلا ومبعد بيسك كون تلوحها والزيت ماغلاش رايحة تشبطلك في المقلة وتصرا الكوراث وماتنساش تملحها
السباغيتي تاني مليحىة وسهلة ارحي البصل والطمطاطم مع خضرة حسب الذوق والتوابل والملح ومرق بعدما يغلي المرق وينشف ويوصل لحد الكمية اللي تحتاجها كصلصة ضيف السباغيتي مفور والا حسب الذوق وخليه يشرب المرقة وكي تتاكد بلي راهو طاب طفي عليه وخليه يبرد شوي فالتقديم خلطو بشوية تونة او طريقة خلاف هي انك تفورو وتلوح المرقة فوقو
نظن هادو ساهلين المرة الجاي نحاول نوافي بالصور هههه وبالتوفيق
مملكة المطبخ وكم هي رائعة من مملكة ونحاول نضيف بعد وصفاتي لاني نحب ندير وصفات جديدة يجيو صراحة بكل تواضع يشهيو ايا سلام خوتي

 

[houssiiine]

رد: الي كوزينة شباب تحت اشراف شيف نجيب

ههههههههههههههه الحمد الله الي خممتوا فينا

 

[touta04]

رد: الي كوزينة شباب تحت اشراف شيف نجيب

هههههههههههههه خلعتينا الشباب سلمى ههههههه

غير بلالعقل عليهم لا يتحرقوا هههههههه

المهم راح نحاولوا نبداو بوصفات سهلة تع سوندويتش و طياب الكروفات

ساعدونا بنات

 

[نجيب]

رد: الي كوزينة شباب تحت اشراف شيف نجيب

فكرة هايلة شكرا توتة ان شاء الله تعلمونا وجبات خفاف


موضوع مميز شكرا مرة اخرى رايحين نطبقو و نحطو الصور بصح مكان لاه تضحكوا علينا.​

 

[~خفة روح~]

رد: الي كوزينة شباب تحت اشراف شيف نجيب

هههههههه انا لولة لي نضحك نزعق
وينتا اول درس انشاله

 

[السلطانة]

رد: الي كوزينة شباب تحت اشراف شيف نجيب

وعليكم السلام فكرة رائعة من شأنها افادة الشباب بزاف
كاين لي راه وحدو في الدار وكاين لي في الغربة ويطيب وحدو وكاين لي الوالدة تاعو مريضة
اكيد ماش كامل الرجال يلقى امو او زوجتو تطيبلو ممكن يكون ليه ظرف خاص ويحتاج ينوض ويطيب وحدو

انا نفيدهم بأفكار سهلة :

كي تحصل ومتلقاش واش تاكل عزيزي الرجل
جيب الما حطو في الطاوة وخليه يغلي ودير عليه شوي ملح وبعدها
حط عليه vارميسال ونقصلها وخليها تطيب بعدها اغسلها بالما وجيب حليب وحطو عليها وخليها شوي وطفي عليها
وبصحتك
تاني مليحة كي يعود الواحد يوجع فيه المصران الغليظ او المعدة هي ماكلة ساهلة ماهلة ومتطلبش وقت طويل
وتفي بالعرض

 

[touta04]

رد: الي كوزينة شباب تحت اشراف شيف نجيب

نبدا مع همبورقر علبالي كامل شباب يحبوه

هاي ليكم وصفة خفيفة ظريفة

مقادير همبرغر في المنزل

لحم مفروم اي كمية عندك

خبز همبرغر، من عند خباز

شرائح طماطم

3ملعقة صغيره مايونيز اشري علبة و خبيها و ديما استعمل منها حسب الحاجة(ما تكثر لانوا يحتوي على كلسترول راح يزيد في وزن و انتم شباب لازم تبقاو sportif هههههههà

ملعقة صغيره كتشاب ان كان

أوراق خس اي سلاطة حشيش حسب الرغبة

1/2 ملعقة صغيره ملح

1ملعقة صغيره فلفل أسود

ملعقة صغيره توابل لحمة او توابل مخلطو اشريهم و حافظ عليهم في علبة

طريقة تحضير همبرغر في المنزل

١. توضع اللحمه فى انية واسعة اي سهل الخلط فيها ثم يضاف الملح والفلفل والتوابل وتعجن جيداً مع بعض.

٢. تقرص على شكل اقراص وترص كل واحده فوق الاخرى وبين كل واحده والاخرى ورقه زبده او كيس نيلون. وبعد الانتهاء من عمل الاقراص ورصها تدخل الصينية الى الثلاجة لمده نصف ساعه على الاقل حتى تتماسك مع بعض.

٣. للتحضير، يوضع قليل من الزيت في مقلاة أو ندهنها زيت فقط على النار ويوضع فيها الاقراص بعد خروجها من الثلاجه وتاخذ وقت على النار من 5- 7دقائق حتى تنضج.

و الآن افتح خبز الي نصفين ضع كبقات كيما تحب

و الآن اقلي عظمة في زيت تغلي و صب عليها زيت بالمغرف حتى طيب و حطها في وسط خبز

و الآن بصحتكم همبورقر

 

[نجيب]

رد: الي كوزينة شباب تحت اشراف شيف نجيب

ههههه هدي صعيبة عليا بلاك رؤوف ينجم يديرها انا خاصني حاجة غي نتاع نص ساعة و لا ساعة تكون واجدة
​

​

 

[touta04]

رد: الي كوزينة شباب تحت اشراف شيف نجيب

و الآن حاجة ساهلة

شكشوكة خفيفة و سخومن

مقادير الاكلة ل 4 اشخاص

6 بيضات
4 ثمرات طماطم مقطعة مكعبات
بصلتين وسط مقطعين مكعبات
زبدة
ملح و فلفل

طريقة عمل وصفة شكشوكة البيض و الطماطم

في مقلاة تيفال توضع الزبدة و تحط البصل حتي الاحمرار
اضافة قليل ملح و مكعبات الطماطم الي البصل و تقلب حتي يخرج قليل ماء من الطماطم
يوضع البيض و بضاف له الملح و الفلفل
و تقلب حتى تماسك البيض
تقدم ساخنة

بصحتكم

 

[نجيب]

رد: الي كوزينة شباب تحت اشراف شيف نجيب

هدي مليحة توتة هدي ساهلة شكرا ​

 

[ضيوف وسـنغادر]

رد: الي كوزينة شباب تحت اشراف شيف نجيب

يا البنات كونوا شوية فايقين للميزانية وايضا للجانب التفنييني من الرجل هههه

 

[touta04]

رد: الي كوزينة شباب تحت اشراف شيف نجيب

و الآن لازمكم تشطاروا شباب

تخيل مكانش خبز و لازمك تتعشى ههههه

لازمك تعجن و هذي اسهل وصفة :d:d:d

المكونات
فرينة 2 كيسان
ملح قرصة
خميرة الخبز مغرفة صغيرة
شوية زيت 2 مغرف كبار
ماء دافئ حسب ما تتلم

نعجن. كل المكونات مع بعض جيدا ونتركها ترتاح اعجنها 5 د و اتركها 15 د

وبعدا ذالك نعملهم قرصات صغار ونرققهم.

ونضع التونة والجبن الي تحبيه. وحسب ذوق يعني ممكن دير دجاج تحمرو في مقلة مع شوي زيت و فلفل اسود و ملح و تففتوا و تعمل بيه

وبعدذالك نغلق الأطراف جيد

وناخذ مقلاة انتاع الشواء الي فيها الخطوط او مقلة مرشوشة بشري زيت

و شهية طيبة

 

[نجيب]

رد: الي كوزينة شباب تحت اشراف شيف نجيب

أنا رايح نخدم الاكلة الخفيفة و اسماعيل و رؤوف يختارو الباقي و منبعد نحطوا الصور هنا ​

 

[touta04]

رد: الي كوزينة شباب تحت اشراف شيف نجيب

سندويشات نقانق بالجبنة بالصور

بصل

كاشير مقطع قطع صغيرة

فلفل اخضر مقطع صغيرة

بصل اخضر مقطع قطع صغيرة

جبن شرايح

سندويشات صغار او خبز عادي

توضعو بصل مع شوي زيت و فلفل اسود و ملح و تخليوها تتقلا مليح حتى تذبال

و تزيدوا عليها فلافل

من بعد ما يذبالوا حطوا كاشير

واذا بغيتوا تزيدون طماطم مع المقادير عادي

و في اخير تزيدي جبن(ديروا شاف)

وتحشون السندويشات بالخلطه

و بصحتكم :bravo01::bravo01::bravo01::bravo01:

 

[اسماعيل22]

رد: الي كوزينة شباب تحت اشراف شيف نجيب

فكرة جميلة
أنا من صغري علموني برك نسخن الماكلة هههههه
هكذا الواحد يتعلم شويا بالرغم انو لا علاقة لي بالطبخ كي نجوع ونكون وحدي نهبط نشري كاسكروط ههههههه
الحمد لله خممتو فينا في إنتظار وصفاتكم ​

 

[touta04]

رد: الي كوزينة شباب تحت اشراف شيف نجيب

أنا رايح نخدم الاكلة الخفيفة و اسماعيل و رؤوف يختارو الباقي و منبعد نحطوا الصور هنا ​

فكرة مليحة نديرو مسابقة بين الشباب تع منتدى نشوفوا شطارت كل واحد

:up::up::up::up::up:

 

[M3TaZ eLLMa]

رد: الي كوزينة شباب تحت اشراف شيف نجيب

السلام عليكم

هههههههههههههههههههه

أهليت بأخت توتة تخرجلنا بخرجات ربي يبارك

ههههههههه

عندك الحق يا طيبة خواتي راهم ما يعرفوش يطيبوا وقسم الطبخ راه قسم لرجال ونساء لكن في الحدود والمعقول يا طيبة لازم الرجل منا لي يدخل لقسم الطبخ لازم يحترم لأنو فيه امهات وزوجات هناك ما ينساش هذا .

والحمد لله أهل اللمة كامل متربين وعمرنا ما شفنا منهم شيء ربي يحفظهم نساء ورجال

وأما عن الطبخ ههههههههه شوفي نقلك توتة نعرف نطيب خير منك هههههههههه وخاصة الاطباق الشاوية

من كسكس والعيش ولعصيدة ولمرمز ولي يخطر على بالك ههههه ووووووووو

لكن هذا ما يمنعش انو نتعلموا من عندكم ونظيفوا شاياء ما نعرفهمش

وديري حسابك راني تعلمت فنون الطبخ على ايدي اخوتنا من دروس واطبااق في قسم الطبخ من الاخت سندريلا للأخت روز لأمي ام ريهام الاخت ميمي الله يذكرها بخير الاخت ارنيس الاخت رزيقة الاخت عفاف ربي يحفظها وووو كثرات والله نتماو انهم يرجعوا للمة ونقلكم ربي يحفظكم وين ما كنتوا

وراح نشارك معاكم هنا نعاون خوتي رجال بأطبااق السهلة جدا وخاصة لخويا نجيب الله يحفظوا

وربي يوفقكم وربي يعطيكم ما تتمنوا يارب

موفقين
​

 

[نجيب]

رد: الي كوزينة شباب تحت اشراف شيف نجيب

شكرا أخي معتز انت راك شاطر حتى فالطياب أنا و الله ما نعرف نخدم حاجة

المهم رايحين نتبعو في تعليمات توتة و ان شاء الله نتعلمو شوية ​