هدا تحضر زعما والااا جياحة...؟؟

[nanoche]

مسا الخييير عليكم يا وجوه الخير

ان شاء الله كاامل راكم بخير وما ينقص حتى واحد فيكم
توحشتكم بزززاف بزززااافhttp://dl.glitter-graphics.net/pub/1860/1860211r***03habl.gif
على بالي بليك نسيتووني بصح ما عليه انا ما نسيتكمش وراني جيت وجايبة معاي حكاية وحكايات
اليوما حبيت نحكي في واحد الموضوع تاع جياحة

هههههه ما يروحش عقلكم لبعيد ماشي الموضوع جايح

نووووو
راني حابة نحكي على الجياحة اللي رجعو بعض الناس يديروها باش يبانو متحضرين زعما ...وهدا موقف شفتو و حيرني

كاين رجال كي يخرجو مع العايلة في الويكاند متلا باش يحوسو وهادي حاجة مليحة اكيد مي اللي محيرتني انو الزوجة تكون لابسة حجاب و حاطة خمار الله الله عليها مي غير تغير المدينة اللي ساكنتها الخمار يطير يا دلالي

والحجاب تاني

شفتها في شحال من مرة و الله لا حايرة ياك ربي واحد في 48 ولاية وفي العالم كامل وادا حرام تظهر مفاتن المرأة راه حرام وين ما مشات و المشكلة كاين رجال هوما اللي يطلبو من زوجاتهم باش يقلعو و يشجعوهم

انا مرة سقسيت زميلة ليا كيفاش تقدر تديرها باش ترضي زوجها و ما تخافش من ربي قاتلي ايا خلينا شكون رايح يعرفني
واللي غاضتني اكتر اني كنت في الخارج في بلاد الكفار و المسلمات وحتى اللي استسلمو غير كيما لابسين الحجاب الشرعي و شادين فيه بكل فخر في الخارج او حتى كي يدخلو البلاد وعندنا يلبسوه خوف من العايلة والجيران

واش رايكم يا حباب قلبي في هاد الظاهرة وشكون شافت كيما هاد الموقف؟؟

ايا خليتلكم الخير يا حباب الخير

​

 

[السلطانة]

رد: هدا تحضر زعما والااا جياحة...؟؟

اهلا بيك اختي اكيد منسيناكش الحمد لله انك بخير

تكلمتي في نقطة مهمة بزاف

هاذ الظاهرة راهي كاينة صح في مجتمعنا

للأسف انا الراجل لي يخلي مرتو هك عندي ماش راجل صراحة

تاع او يقول للناس شوفو مرتي كيما نشوفها انا في الدار


تاني كي يروحو للبحر يخلي مرتو تعوم بلاخيمار وبنتو تاني تنحي الخيمار وكي يروحو يرجعوه


يعني الجهل بعينو ونقص دين ورجولية

شكرا اختي

 

[Ma$Ter]

رد: هدا تحضر زعما والااا جياحة...؟؟

الله يهدي
بارك الله فيك اختى
​

 

[الخليـل]

رد: هدا تحضر زعما والااا جياحة...؟؟

 

[أم منيــــــر]

رد: هدا تحضر زعما والااا جياحة...؟؟

السلام عليكم
احنا دايمن نمشيو عكس التيار ونقولو تحضر
كما قلت والله اجنبيات دخلول للاسلام لابسين الحجاب الشرعي وما ينحوش ابدا
احنا كما قلت تقولك شكون يعرفني؟ونسات بلي ربي شهيد رقيب
يسمى راها دايرة الحجاب على خاطر العباد ماشي باسكو فرض
و كاين كما قلت لراجلها يطلب منها تتزين وتنحي الحجاب
لا حول ولا قوة الا بالله
و نزيدلك حاجة كاين شي بنات ول نسا متبرجات وكي يروحو عن ناس ملتزمين يديرو الحجاب
خافو من العباد وما خافوش ربي سبحانو
والله مصيبة هادي
شكرا لك على الطرح المفيد
​

 

[آمِيْرَتُه]

رد: هدا تحضر زعما والااا جياحة...؟؟

السلام عليك
آهلا آختي و على سلامتك
النقطة لي حكيتيها صح و راني معاك فيها
غير لبارح كنت في BUS شفت وحدة تمشي في الطريق gالعة العجار و مهبطته تعرفتها متسكنش هنا هههه عفسة نتاع وحدة تبدل البلاصة لي تسكن فيها علاه منعرف
لازم نسقسوهم علاه يديرو هاك
كيما قلتي لي خلقنا واحد و هو موجود
المشكل مش فيها المشكل فلي قالها ديريه و كي تخرجي من المنطقة لي تسكني فيها gلعيه معنته يحشم بيها قدام صحابه هذا لي نقدر نفهمه من هذا الجاست
مشكورة على الموضوع

 

[مابقاش بزاف.Dz]

رد: هدا تحضر زعما والااا جياحة...؟؟

ما نقول عليها لا تحضر و لا جياحة هذا فعل يدل على قمة الانحطاط و البعد الكامل عن الدين
ربي يبعد علينا هاذ العباد

 

[مهدي الثعالبي]

رد: هدا تحضر زعما والااا جياحة...؟؟

في يوم ماء كانت جزائرية بدون حجاب و كل مفاتنها ظاهرة تتسوق في (السوبر مارشي) في فرنسا ، وعندما اكملت تسوقها وهمت بالخروج و اتجهت نحو القابضة (صندوق الدفع) لتدفع ما عليها من مشتريات وجدت هناك امرأة متحجبة ، لا يظهر منها الا ما سمح به الشرع ، وبسبب ملاحظة بسيطة وجهتها لها القابضة ، تنرفزت الجرائرية وغلى الدم في عروقها و اصبحت تنعتها بكل الصفات الجارحة و عن الحجاب و النسا اللواتي يلبسن الحجاب ، و العاملة ساكتة دون ان ترد ولو بكلمة واحدة ، و رغم هذا تمادت الجزائرية في تجريحا الى ان قالت لها ، لماذا لا تعودين الى وطنك و تلبسين الحجاب نحن في فرنسا و لسنا في بلاد مسلمة حتى ترتدين الحجاب ، و فجأة وقفت القابضة و نزعت الخمار من على رأسها و اذا بها شقراء ذات جمال ساحر و قالت لها انا فرنسية مسلمة و الحمد لله ، انتن رميتن الحجاب و نحن اخذناه ،
اتمنى اني أوصلت الفكرة ( انما لله يهدي من يشاء) اللهم اهدينا الى ما فيه خير

 

[أم لينة]

رد: هدا تحضر زعما والااا جياحة...؟؟

انا نقلهم : إن لم تستحي فافعل ما شئت.

 

[أم عبد الله]

رد: هدا تحضر زعما والااا جياحة...؟؟

ههههههههه والله يالتحظر
اولا مرحبا بيك نانوش راني عقلتك ومانسيتكش هههه علابالي تتلفلك شكون هاذي ام عبد الله لي راهي تهدر الا عقلتيني نستعرف بيك هههههههه
وبالنسبة للعقلية آدي اول مرة نسمع بيها تتعمل لهنـآ فـ بلادي
زعما يلعبوهـآ دي ميغري ولا كيفـآه زعمـآ وواش دخل الحجاب ف التحواس خخخخخخ انا شفت لي ديسيني روحها وتاستيكي فيها كبحال رايحة لكاش عرس مي باش اديبلاصي هاذي جديدة يامحاينك وخونـآ فرحـآن وحسبالو آدي رجلة ولا كيفـآه
تبـآ طيحتيلي الموغـآل بالحكاية هـآذي
نجي ساعة ع ساعة نضرب طلة ع راي خاوتنـآ لهنـآ
سلامي​

 

[آمِيْرَتُه]

رد: هدا تحضر زعما والااا جياحة...؟؟

ههههههههه والله يالتحظر
اولا مرحبا بيك نانوش راني عقلتك ومانسيتكش هههه علابالي تتلفلك شكون هاذي ام عبد الله لي راهي تهدر الا عقلتيني نستعرف بيك هههههههه
وبالنسبة للعقلية آدي اول مرة نسمع بيها تتعمل لهنـآ فـ بلادي
زعما يلعبوهـآ دي ميغري ولا كيفـآه زعمـآ وواش دخل الحجاب ف التحواس خخخخخخ انا شفت لي ديسيني روحها وتاستيكي فيها كبحال رايحة لكاش عرس مي باش اديبلاصي هاذي جديدة يامحاينك وخونـآ فرحـآن وحسبالو آدي رجلة ولا كيفـآه
تبـآ طيحتيلي الموغـآل بالحكاية هـآذي
نجي ساعة ع ساعة نضرب طلة ع راي خاوتنـآ لهنـآ
سلامي​

أهلا أختي راح نرد عليك على الكلمة لي لوتنها
نونو عندي أختي عايشة في المانيا تقدري تقولي أصعب بلاد كي تخرج برا يقعدو يشوفوا فيها بنص عين و خايفين منها و كاين مجموعات دايرينهم يضربوا المتحجبات و المسلمين مي جامي تخلات على حجابها و نزيدك شرعي حجاب مش غير سروال و ليكات و عندي لخرا في اسبانيا تاني دايرة جلباب قضية مش اميغري نونو قضيةحرمة و حشمة برك :regards01:

 

[حكاية قمر]

رد: هدا تحضر زعما والااا جياحة...؟؟

شكون راح يفهم بلي مفاتن المرأة حرام تبان
هادي انا تاني روماركيتها للأسف بزاف منتشرة
مي الله غالب مجتمع متخلف وبعيد عن التحضر الاسلامي
بنظرهم السترة مش لشعر انما لباقي الجسم برك ربي يهديهم ​

 

[أم عبد الله]

رد: هدا تحضر زعما والااا جياحة...؟؟

أهلا أختي راح نرد عليك على الكلمة لي لوتنها
نونو عندي أختي عايشة في المانيا تقدري تقولي أصعب بلاد كي تخرج برا يقعدو يشوفوا فيها بنص عين و خايفين منها و كاين مجموعات دايرينهم يضربوا المتحجبات و المسلمين مي جامي تخلات على حجابها و نزيدك شرعي حجاب مش غير سروال و ليكات و عندي لخرا في اسبانيا تاني دايرة جلباب قضية مش اميغري نونو قضيةحرمة و حشمة برك :regards01:

نونو منمن مافهمتينيش لعزيزة قلت يلعبوها
راهم عندي عايلتي لهيه ونعرف الحشمة والحجاب مي لهنا الله غالب يحبو يمتلو شوي
يعني بالعامية / المكسي بحوايج الناس عريان /
هو والشريحة لي حكيت عليها تنحي الحجاب وتخرجلك بلوك جديد وتهدرك بالفغونسي زعما باش ماتبانش لكنتها وهي رايحة
فهمتي لعزيزة مانيش ع الميغريات صح راني ع لي يلعبوها وهوما اصلا من الدوار ديالهم ماديباصاوش غير آدي المرة
سلامو​

 

[nanoche]

رد: هدا تحضر زعما والااا جياحة...؟؟

اهلا بيك اختي اكيد منسيناكش الحمد لله انك بخير

تكلمتي في نقطة مهمة بزاف

هاذ الظاهرة راهي كاينة صح في مجتمعنا

للأسف انا الراجل لي يخلي مرتو هك عندي ماش راجل صراحة

تاع او يقول للناس شوفو مرتي كيما نشوفها انا في الدار


تاني كي يروحو للبحر يخلي مرتو تعوم بلاخيمار وبنتو تاني تنحي الخيمار وكي يروحو يرجعوه


يعني الجهل بعينو ونقص دين ورجولية

شكرا اختي

مساء النور حبيبتي وربي يخليك كي ما نسيتينيش
وما شكيتش كاين واحد ما روماركاش هاد الظاهرة في بلادنا مع الأسف والله نتأسف بشدة خسارة في بلاد المسلمين نشوفوها تزيد يوم مورا يوم
شكرا لمرورك اختي
​

 

[nanoche]

رد: هدا تحضر زعما والااا جياحة...؟؟

الله يهدي
بارك الله فيك اختى
​

وفيك بركة مرحبا بيك خويا Ma$Ter​

 

[nanoche]

رد: هدا تحضر زعما والااا جياحة...؟؟

السلام عليكم
احنا دايمن نمشيو عكس التيار ونقولو تحضر
كما قلت والله اجنبيات دخلول للاسلام لابسين الحجاب الشرعي وما ينحوش ابدا
احنا كما قلت تقولك شكون يعرفني؟ونسات بلي ربي شهيد رقيب
يسمى راها دايرة الحجاب على خاطر العباد ماشي باسكو فرض
و كاين كما قلت لراجلها يطلب منها تتزين وتنحي الحجاب
لا حول ولا قوة الا بالله
و نزيدلك حاجة كاين شي بنات ول نسا متبرجات وكي يروحو عن ناس ملتزمين يديرو الحجاب
خافو من العباد وما خافوش ربي سبحانو
والله مصيبة هادي
شكرا لك على الطرح المفيد
​

هادي اللي غاضتني بززاف انو أجنبيات يحترمو الحجاب و لابسينو اقتناع وخوف من الله ماشي من الناس
واش نقلك حبيبتي مشكورة على مرورك و ربي يتبتنا على الدين
​

 

[hadil21]

رد: هدا تحضر زعما والااا جياحة...؟؟

لا حول ولا قوة الا بالله
​

 

[nanoche]

رد: هدا تحضر زعما والااا جياحة...؟؟

السلام عليك
آهلا آختي و على سلامتك
النقطة لي حكيتيها صح و راني معاك فيها
غير لبارح كنت في BUS شفت وحدة تمشي في الطريق gالعة العجار و مهبطته تعرفتها متسكنش هنا هههه عفسة نتاع وحدة تبدل البلاصة لي تسكن فيها علاه منعرف
لازم نسقسوهم علاه يديرو هاك
كيما قلتي لي خلقنا واحد و هو موجود
المشكل مش فيها المشكل فلي قالها ديريه و كي تخرجي من المنطقة لي تسكني فيها gلعيه معنته يحشم بيها قدام صحابه هذا لي نقدر نفهمه من هذا الجاست
مشكورة على الموضوع

عجبتني مهبطة العجارههههه وماكانتش حاكمة بواطة لاكريم في يدها هههههه انا شفت هاد اللقطة بالاك شفنا نفس المرا هههه
مرحبا بيك اختي نورتي موضوعي
​

 

[nanoche]

رد: هدا تحضر زعما والااا جياحة...؟؟

ما نقول عليها لا تحضر و لا جياحة هذا فعل يدل على قمة الانحطاط و البعد الكامل عن الدين
ربي يبعد علينا هاذ العباد

والله يا اختي غير نقولو ربي يجيب ساعة الخير و الدين في بلادنا راه في خطر الا من رحم ربي
شكرا على المرور
​

 

[nanoche]

رد: هدا تحضر زعما والااا جياحة...؟؟

في يوم ماء كانت جزائرية بدون حجاب و كل مفاتنها ظاهرة تتسوق في (السوبر مارشي) في فرنسا ، وعندما اكملت تسوقها وهمت بالخروج و اتجهت نحو القابضة (صندوق الدفع) لتدفع ما عليها من مشتريات وجدت هناك امرأة متحجبة ، لا يظهر منها الا ما سمح به الشرع ، وبسبب ملاحظة بسيطة وجهتها لها القابضة ، تنرفزت الجرائرية وغلى الدم في عروقها و اصبحت تنعتها بكل الصفات الجارحة و عن الحجاب و النسا اللواتي يلبسن الحجاب ، و العاملة ساكتة دون ان ترد ولو بكلمة واحدة ، و رغم هذا تمادت الجزائرية في تجريحا الى ان قالت لها ، لماذا لا تعودين الى وطنك و تلبسين الحجاب نحن في فرنسا و لسنا في بلاد مسلمة حتى ترتدين الحجاب ، و فجأة وقفت القابضة و نزعت الخمار من على رأسها و اذا بها شقراء ذات جمال ساحر و قالت لها انا فرنسية مسلمة و الحمد لله ، انتن رميتن الحجاب و نحن اخذناه ،
اتمنى اني أوصلت الفكرة ( انما لله يهدي من يشاء) اللهم اهدينا الى ما فيه خير

شكرا على المرور و على الاثراء
ورانا غير نزيدو نبعدو على الدين ان شاء الله ربي يتبتنا برك
​