ادخل وأشرحنا كلمة من كلمات العامية او~الدارجة ~

[~خفة روح~]

بزلت هنا ناس اللمة وبالضبط في ركن وش راك تهدر وجبت موضوع انشاله يعجبكم ​

أدخل أشرحنا كلمة من كلمات العامية او ~الدارجة ~​

لفت إنتباهي ان المنتدى خليط من 48 ولاية وطبعا كامل يتكلمو الدارجة بصح كاين كلمات تختلف من ولاية الى أخرى ولا حبيتو توضيح نشوفو أمثلة عامة وكامل تعرفوها
كاين لي نعم بالعربية يقولوها
أنعم .... ولا .....واه ......إيه ..............ألخ
كاين كلمة صحيح
نيشان عند الوهرانيين ....... سواسوة .....................إلخ
ولا بقينا في الامثلة نباتو هنا مهم وكاين لي فس الكلمة والنطق بصح اختلاف في المعنى ملا درت الموضوع بش كل واحد يشرحنا كلمة من الدارجة
أرجو التفاعل يا أعضاء المنتدى فالموضوع هدفه تقريب الاعضاء و وبش نفهمو الكلمات لي نلقاو فيهم صعوبة و بالخصوص كي نحكو في مواضيع بالدارجة ولا في الرسائل

[/IMG]​

كانت معكم سلمى تقبلو تحياتي:regards01:​

 

[الامين محمد]

رد: ادخل وأشرحنا كلمة من كلمات العامية او~الدارجة ~

مثال
زيفط معناها أرسل أو بعث
شطني بتسكين الشين و معناها غبنني
و هي فصحى فنقول شطن الشيء اي حزمه بالحبال الكثيرة
أترك المجال لبقية الاحبة
اقبلي مروووري اختاه​

 

[حمزةusma]

رد: ادخل وأشرحنا كلمة من كلمات العامية او~الدارجة ~

فلان يسكن في الربع
ويقصد به نهاية الشارع او اخر منزل في الطريق

 

[~خفة روح~]

رد: ادخل وأشرحنا كلمة من كلمات العامية او~الدارجة ~

شكرااااااا لي نورتو موضوعي
فرحتوني بزااااااااف

 

[الامين محمد]

رد: ادخل وأشرحنا كلمة من كلمات العامية او~الدارجة ~

كلمة كلمة متدوالة و هي لما أنسان يشوف فيك بطريقة غير لايقة
نقول خــــــزر بتسكين الخاء و فتح الزاي و تسكين الراء
و هي كلمة فصحى و معناها رأى الشيء بعين غير الرضى
تحيااااتي​

 

[صلوا على النبي]

رد: ادخل وأشرحنا كلمة من كلمات العامية او~الدارجة ~

واش بيك تاكل روحك هههههههه
زعما واحد تدابز معاه ويبدا يهدر تقولو علاه راك تاكل في روحك ههههه

 

[العـآئـدة إلـى الله]

رد: ادخل وأشرحنا كلمة من كلمات العامية او~الدارجة ~

خايقة معنتها مقلقة
شابة معنتها جميلة
الليم معنتها القارص

​

 

[Skor m@k]

رد: ادخل وأشرحنا كلمة من كلمات العامية او~الدارجة ~

حنا عندنا يقولو بَرَارَا

معنتها واحد بهلول​

 

[~خفة روح~]

رد: ادخل وأشرحنا كلمة من كلمات العامية او~الدارجة ~

هذيك مخ
يعني أنشطاين ههههه ذكية بزااااف

 

[~خفة روح~]

رد: ادخل وأشرحنا كلمة من كلمات العامية او~الدارجة ~

ايه . تعني نعم
سواسوة .صحيح
فحل تعني راجل ونص
​

 

[Perle Blanche]

رد: ادخل وأشرحنا كلمة من كلمات العامية او~الدارجة ~

كلمة _ راني قاع شتاا كاين_ومعناها راه بخير:p​

 

[خديجة ph]

رد: ادخل وأشرحنا كلمة من كلمات العامية او~الدارجة ~

شكرا عالموضوع الجميل غالية
ناس قسنطينة خصوصا البلدية المقطرين عندهم كلمات مخصوصة :
بابا حناني ، اما حنانة : عزيزي و عزيزتي خاصة الولاد الصغار
ندور عليك : نحوطك من كل شر
السول : الانس


كما لديهم طريقة خاصة في نطق اي كلمة يتوسطها الواو او الياء وذلك بفتح ما قبلها و تسكين الواو او الياء مثلا :
الزَيْت البَيْدون الحَوْل السبَيْطار مَيْتَيْن

 

[ثَسْكُورْثْ نَثْدُوكْلِي]

رد: ادخل وأشرحنا كلمة من كلمات العامية او~الدارجة ~

موضوع جميل

فَــزِ عْلِيَا معنتها نوظي عليا ول روحي عليا

 

[Oum Loukmane]

رد: ادخل وأشرحنا كلمة من كلمات العامية او~الدارجة ~

نعيطلك يعني ناديلك
نسوطه يعني نضربه

 

[~خفة روح~]

رد: ادخل وأشرحنا كلمة من كلمات العامية او~الدارجة ~

شكرا على التفاعل مشكورين​

 

[آمِيْرَتُه]

رد: ادخل وأشرحنا كلمة من كلمات العامية او~الدارجة ~

السلام عليك
موضوع رائع
شراكي باغية = واش حابة

 

[~خفة روح~]

رد: ادخل وأشرحنا كلمة من كلمات العامية او~الدارجة ~

شكراااااااااااااااااااااااااااااااااا

 

[الخليـل]

رد: ادخل وأشرحنا كلمة من كلمات العامية او~الدارجة ~

سمعتها ذات يوم هذه الجملة من شخص :
بِيسَشْ اللِّى فَزْ
وطلبت منه شرحها فقال :
هذه الحافلة اللّى قَلْعَتْ وين تدّي :bravo01:

 

[~خفة روح~]

رد: ادخل وأشرحنا كلمة من كلمات العامية او~الدارجة ~

ميرسي الخليل نورت​

 

[بنقابي افتخر]

رد: ادخل وأشرحنا كلمة من كلمات العامية او~الدارجة ~

قارع ولا قارعي
يعني استناي يعني انتظري