اليوم رايحين تفطرو عند Oum Loukmane

[Oum Loukmane]

مرحبا بيكم عند أختكم أم لقمان

اليوم فطوركم عندي

جبتلكم معايا فطوري تع ثالث يوم من رمضان

اتفضلوا معايا

هادي الطابلة كاملة

هادي الحريرة التيارتية

و الي ما يبغيهاش ياكل الشوربة

لي كورني في بلاصة البوراك

شكشوكة

السلطة

طاجين الزيتون

زو أخيرا طاجين الحلو

و الحمد لله

اللهم أدمها نعمة و احفظها من الزوال

استناوني في السهرة نجيبلكم بااه تسهروا

​

 

[حياتي ابداع]

رد: اليوم رايحين تفطرو عند Oum Loukmane

مزية كي وصلت أنا اللولة.
بسم الله ماشاء الله يعطيك الصحة على هذا الابداع.

 

[سكون الفجر]

رد: اليوم رايحين تفطرو عند Oum Loukmane

بصحتك حبيبتي كلشي يشهي الله يبارك فيكِ
ويجعلك ديارك عامرة يا الغالية
دمتِ بحفظ الله​

 

[*فاطمة الزهرة*]

رد: اليوم رايحين تفطرو عند Oum Loukmane

مايدة تشهي يعطيك الصحة حبيبتي

الله يدوم هناكم ولمتكم

صح فطوركم

 

[ندى الورود]

رد: اليوم رايحين تفطرو عند Oum Loukmane

وعليكم السلام
مائدة مليانة بكل الخيرات
ربي يزيد ويبارك يعطيك الصحة يا ام لقمان على الاستضافة
ايا بسم الله
بديت في الحريرة مع اني عمري ما ذقتها بصح وصلتني ريحتها وبنتها ببنتها اممممممم تهبل
سوسو حكمتك شميني الماكلة جيتي تجري

​

 

[rose09000]

رد: اليوم رايحين تفطرو عند Oum Loukmane

الله يبارك على هذيك اللمة أختي
ماأحلاها مايدة كلش بطبع و يشهي
اليوم نروح نسهر عند عجوزتي
سهرة ممتعة

 

[ندى الورود]

رد: اليوم رايحين تفطرو عند Oum Loukmane

سوسو وروز على حساب الشوفة راكم لاتيين غير تاكلو

​

 

[مطبخ الأحلام]

رد: اليوم رايحين تفطرو عند Oum Loukmane

السلام عليكم

صح فطوركم ^^

قبل نرد على ندوشتي ههههههههههههههههههه شوفي وين فتحت وجيت نرد ابي عيطلي ديري القهوة
تسما مارديتش ^^

يا ام لقمان يا حبيبتي كل هاد الخير والخمير على جالنا الله يكثر خيرك

درتي طبقين الي مايحبش الزيتون ياكل البرقوق وولا العكس تبارك الله

بالصحة والهنا يارب فوفو انتي كولي شوربة وخليلي تشيشة ليا ^^

وين راكل لبنات ايا تلايمو باش نسميو الله
​

 

[مطبخ الأحلام]

رد: اليوم رايحين تفطرو عند Oum Loukmane

اليوم ام لقمان بعتتلي طيارة خاصة تديني ليها ماعطشتش
ونتوما ياضرا عطشتو ؟؟

............................................

نصلي ونرجع نتمنى تثصرو مشي كيما لبارح نعطل شويا بصح سناوني

حتى اميرة غايبة اليوم مع الاسف كانت تجي تعاوني
​

 

[السلطانة]

رد: اليوم رايحين تفطرو عند Oum Loukmane

يمممممممممم الله يبارك على الطابلة الزينة اطباق ولااحلى تسلم يديك اختي على الفطور الرائع

بصحتنا ^^

 

[ام اشراق]

رد: اليوم رايحين تفطرو عند Oum Loukmane

بسم الله ماشاء الله مايدة وعليها لكلام
مكملة من مجميعوا يسلموا ايديك اختى
ويعطيك الصحة على العرضة الزينة
ربي يدومها نعمة

 

[AmiR@RoRo]

رد: اليوم رايحين تفطرو عند Oum Loukmane

السلام عليكم
اممم الله يعطيك الصحة خالتي ام لقمان
كلشي راه يشهي والحممد لله كليت وشبعت
يكتر خيركم
نورمالمو راني غايبه اليوم الميكرو راه فاسد بصح ماقدرتش نراطي هههه
سمسومة اني جيت ناكل حقي ونخدم شوي ونروح
جبتلكم تحليو من محل سوري

​

 

[Oum Loukmane]

رد: اليوم رايحين تفطرو عند Oum Loukmane

مزية كي وصلت أنا اللولة.
بسم الله ماشاء الله يعطيك الصحة على هذا الابداع.

اهلا وسهلا بيك اختي تاكلي بصحه:smile02:

 

[Oum Loukmane]

رد: اليوم رايحين تفطرو عند Oum Loukmane

صليت وجيت اهلا بكل اللمويات بصحتكم الفطور تستهلو أكثر يا حلوين

 

[{مُدَلَّلَتُهُ}]

رد: اليوم رايحين تفطرو عند Oum Loukmane

السلآم عليكم و رحمة الله و بركاته

مرحبا بناس اللمة عندنا الدار نورت بيكم يعطيكم الصحة

الوالدة كل شي من يديك يشهي ربي يطولنا في عمرك و يرزقك الصحة و العافية

راني نشوف بهاد العقلية نقعد عندك شكون يقلشني من غيرك :d

ربي يخليك تاج فوق ريسانا ديمآ
​

 

[مطبخ الأحلام]

رد: اليوم رايحين تفطرو عند Oum Loukmane

 

[hadil2044]

رد: اليوم رايحين تفطرو عند Oum Loukmane

امممم
يعطيك الصحة
​

 

[ضحکَة خچڸ ღღ]

رد: اليوم رايحين تفطرو عند Oum Loukmane

الله يبارك ختي
صح فطووووركم حبيبتي
ههههههه سبقتيني حتى انا اليوم زعما وجدت و صورت ونويت نحطهم
الله غالب مخلوفة ....
بصحتكم وربي يدوم نعمه علينا يا رب
​

 

[@R@ZIK]

رد: اليوم رايحين تفطرو عند Oum Loukmane

صح فطوركم
الله يبارك عليك أختي أم لقمان
صحة وهنا للجميع
ربي يدومها​

 

[ضحکَة خچڸ ღღ]

رد: اليوم رايحين تفطرو عند Oum Loukmane

حبيبتي سكون الفجر بارك الله فيك يا غالية على التقييم
وجزاك الله خيرا على كلماتك ودعائك وسؤالك عني
والله يا اختي للاسف البارحة تقيأت و أفطرت وبكيت كثيرا أحببت الصيام
مع جنيني
لكن اليوم الحمد لله تحديت الارهاق والتعب و دعيت ربي نكمل صيامي والحمد لله
قدرت نصوم\بارك الله فيك والله فرحتيني بسؤالك عني الله لا يحرمني منك يا طيبة
​