الى اللقاء سيدنا رمضان

yani thiziri · 17 جويلية 2015

جيتنا بالخير والبراكة

مي رحت علينا بفرصة صغيرة للتوبة والتقرب لله اكثر واكثر

رحت وديت بعض اركان الاسلام الثقيلة في ميزان ربي سبحانو

رحت وديت هاذيك النفس زينة وهذاك الجو لي صفاو بالنا وقلوبنا وكسرولنا روتين تاع ايام لفطر ولي يشوفها الشعب الجزائري غير في هاذوك 30 يوم

رحت وديت خيراتك ورزقك المبارك

رحت وديت هاذوك لي pلا ولبوراك وقلب لوز لي نذوقوهم غير في رمضان

رحت وديت هاذيك الشهية السبيسيال قبل لفطور

رحت وديت معاك سهراتك الحلوة وزهواتها

رحت وديت هاذاك لبال الثقيل تاع العن الشيطان اللهم اني صائم

رحت وديت هاذاك الشارم لي يدغدغلنا الاوتار الحساسة لي تثقل ايامات الفطر

رحت وديت معاك ذيك 30 يوم الصافية بالملايكة ومخلوقات ربي النورانية لي نورتها علينا

رحت وديت معاك ناس زينة ربي يرحمها في ذيك الرقدة

رحت ورجعت الشياطين موراك لعنة ربي عليها

رحت رحت رحت وجا عيد الفطر المبارك وكل وقت ووقتو ولي مخدمش في رمضان لربي ايام ربي الجاية مخلوفة ان شاء الله

الموهيم انا حكيت على اجواء رمضان عدنا في لقبايل الشرفاء وكل بلاصة عادتها وتقاليدها وكل واحد يزيد عفايس خلونا نتعرفو على ناس كل ولاية من بلادي لعزيزة

الى اللقاء عمو رمضان

وصحا عيدكم لخاوة وصحا رمضانكم الجاي الافونص هههههه توحشت رمضان فيسع

هههههه مي ايلا متت غدوة ماتلوموش ماشي رمضان لي داني

w saha laid nwen ^^

Ma$Ter · 18 جويلية 2015