حكه تشبه قرصة الناموس و حبوب

[Yayan]

السلام عليكم
حبيت نسقسيكم ،
هاد اليامات تقريبا عندي سمانتين جاني في ذرعيا وساقيا حب صغير كي قرصة الناموس وهو منتشر ويحك كيما الناموس و حكة مستمره تشبه لحكه قرصه الناموس
ماهيش في جسمي كامل جاتني في ذراعيا وساقيا برك ،
رحت للطبيب قاللي التهاب وامراض الصيف ومعلاباليش وعطاني دواوات نشرب فيهم وعطاني pommade بصح ما تغير والو وقعدت الحكه والحب هوما هوما
للعلم هذا وهف قاعد يدور في منطقتنا بصح ماعرفناش وشي هو السبب
+ انا رجلي محروقة بالزيت من شهر وواش وضرك بدات تبرا بصح ما ظنيتش لاكان منها خاطر كاين لي عندهم الحاله هادي وهوما مش محروقين كيفي
قاللي الطبيب من رجلك بصح راهو غالط خاطر ما فحصنيش فحص دقيق باش نقولوا هدرتو صحيحه
ونعرف وحده عندها الحاله هذي من رمضان لحد الآن مزالت نفسها قاتلي ما تغير فيا والو بالرغم من انها راحت لطبيب و عطاها دوا بصح ما نفعش فيها
تقدروا تقولولي منين جاني وكيفاش يتداوا و هل هذا مرض وهل يبقى مستمر ؟

​

 

[نبض الحياة]

رد: حكه تشبه قرصة الناموس و حبوب

السلآم عليكم
ربي يشآفيك حبووبتي
اول شيء كنت رآيحة نقوولك حساسية من كاش برودوي استعملتيه او ماكلة كليتيها
اممم بالنسبة للحروق خاطيها ما تعمل حب يطلع لليدين
وبويسكو راه في المنطقة ديالكم هادي اكيد كاش موستيك راهي دايرة رايها
لازم على الاقل نشووف الحب هاد كيداير ووين راه بالضبط
اذا ممكن تشوفي infectiologue متخصص بالاك يحدد نوعية الالتهاب ومصدره، ممكن يدومونديلك بعض التحاليل
و اذا اكتشف كاش حاجة لازم مصلحة الاوبئة épidémio تتدخل وتعمل un dépistage في الحومة نتاعكم
وان شاء الله ما يكون غير الخير
​

 

[Yayan]

رد: حكه تشبه قرصة الناموس و حبوب

عليكم السلام ، امين =$
مممم هو كي حبة الناموسه بععد يشبهها خاطر ف اليامات الاولى كنت نحسب فيها كاش ناموسه هلكتني و مبعدا تفاقم الامر و انتشرلي..
هيه لاكان كملت الدوا تاعي وما تحسنتش ضرك نزيد نشوف طبيب و نقلك ,
و رجلي المحروقة ضرك في المرحله هذي بـ واش نداويها زعما نخليها حتى تبرا ولا نكمل نسوانييها ؟
​

 

[نبض الحياة]

رد: حكه تشبه قرصة الناموس و حبوب

عليكم السلام ، امين =$
مممم هو كي حبة الناموسه بععد يشبهها خاطر ف اليامات الاولى كنت نحسب فيها كاش ناموسه هلكتني و مبعدا تفاقم الامر و انتشرلي..
هيه لاكان كملت الدوا تاعي وما تحسنتش ضرك نزيد نشوف طبيب و نقلك ,
و رجلي المحروقة ضرك في المرحله هذي بـ واش نداويها زعما نخليها حتى تبرا ولا نكمل نسوانييها ؟
​

ايه حبيبتي كملي دواك وان شاء الله تريحي عليه
سينو كيما قتلك infectiologue اذا ما لقيتيش نورمالمون يكون كاين سارفيز في المستشفى المركزي بمنطقتكم متخصص بهاد الامراض
وماتنسيش تقوليلهم انك ماشي الوحيدة اللي تعاني منو في منطقتكم
لالا رجلك كملي سوانييها حتى تريحي منها
ما تسمحيش فيها سيرتو مع السخانة والتعرق
ربي يشافيك حبووبتي
​

 

[Yayan]

رد: حكه تشبه قرصة الناموس و حبوب

هيه ان شاء الله ويعطيك الصحه اللي عاونتيني و فهمتيني ربي يوفقك وان شاء الله نسمعوا بيك دكتورة في كاش اختصاص وهكّا ميرسي ي الزينه<3.
​

 

[نبض الحياة]

رد: حكه تشبه قرصة الناموس و حبوب

بلا جميل حبووبتي
كان مرادي اني نعاونك اكثر
لكن الامر يتطلب معاينة ع المبآشر :d
ربي يشافيك غاليتي
وربي يحفظك
​