ملتقى مبتدئات الكروشي-عاونونا-

[خيرة جانت]

رد: ملتقى مبتدئات الكروشي-عاونونا-

السلام عليكم بصراحة عجبني الموضوع بلبزاف نتعشى ونجيكم حبيباتي باش نوضح بعض الامور ​

 

[hadil2044]

رد: ملتقى مبتدئات الكروشي-عاونونا-

يعطيك الصحة على الموضوع

واي استفسار راني هنا نعرف الكروشي مليح
​

 

[سكون الفجر]

رد: ملتقى مبتدئات الكروشي-عاونونا-

بارك الله فيكن أخواتي، ربي يوفقنا لفعل الخير
ان شاء الله أساعدكن واتعلم منكن
​

 

[أم لينة]

رد: ملتقى مبتدئات الكروشي-عاونونا-

وهذي بعض الرموز لي تلقايها في باترونات مجلات الكروشي

​

 

[{مُدَلَّلَتُهُ}]

رد: ملتقى مبتدئات الكروشي-عاونونا-

السلام عليكم و رحمة الله و بركاته

تعلمت اليوم كيفاه نخدم السنسلة ههههههه بداية مشرفة و أخيرا
​

 

[السلطانة]

رد: ملتقى مبتدئات الكروشي-عاونونا-

تعيشو اخواتي

على النصائح المفيدة


لي عودة ان شاء الله

 

[{مُدَلَّلَتُهُ}]

رد: ملتقى مبتدئات الكروشي-عاونونا-

السلام عليكم و رحمة الله و بركاته

بارك الله فيك أم لينة على النصائح + أم لقمان الي راهي تعاني معايا في الدار ههههههه

اليوم زعما بديت في هاديك تع الـX

مازال ما تقنتها غايا بصح راني معاها ♥ و أم لقمان مقرقشتها معايا :$ ربي يخليهالي ♥
​

 

[خيرة جانت]

رد: ملتقى مبتدئات الكروشي-عاونونا-

السلام عليكم ورحمة الله
شوفو لبنات بكل بساطة الكروشي راه شغف -موهبة - ممارسة و رغبة في التعلم
ماهوش رياضيات ولا حاجة صعيبة
انا وحدة من الناس امي علمتني اساسياتو وامبعد طورت روحي بنفسي وذلك عن طريق الممارسة
اما قضية مسك الكروشي والله ماهيش ثابتة لانو كل وحدة وكيفاش تعودت نهار اللول تشد الكروشي يعني كاين اختلاف بين شخص واخر بالتالي ماتعمروش راسك بيها خلاص
الاساسيات هي الصح كيفاش ديري سنسلة وتعمريها بالماي سيري او x
اما كون الخيط الرقيق صعيب على المبتدئة صح شوية واعر كي تجي تخدمي بيه مي مع الوقت تتعودي بالتالي اللي حبت تتعلم على الصوف والكروشي الكبير عادي افضل باش تتعلم بالخف بالصح لازم تجربو الخيط الرقيق والكروشي الرقيق ايضا كما انو كاين خيط رقم 16 راه خشين شوي تقدرو تستعملوه مع كروشي رقم 1

واللي لقات شكون تعلمها الاساسيات على المباشر احسن
واكيد اللي خصتكم رانا هنا
تشجعو اخواتي والله غير ساهل خلالالالالالالالالالالاص صح كاين غرز معقدة شوي و باترون حر مش كلاسيك مي عادي مع الوقت تتعلمو ديرو النية برك
موفقات حبيبات البي
وهذي شوية اساسيات من عندي

​

 

[{مُدَلَّلَتُهُ}]

رد: ملتقى مبتدئات الكروشي-عاونونا-

السلام عليكم و رحمة الله و بركاته

واقيلا راني ندور غي وحدي في الورشة هادي هههههههههه

أحم المهم تعلمت ♥ الدروس الي حطتهم أم لينة كلهم طبقتهم ! ما عادا هادوك تع كيفاه تزيدي ما بغيتش نشوفهم :p

مالا راني محترفة ضروك :d

وين راكم الشيرات ؟ ! هايا شدو همتكم ! باه نديرلكم دروس :p
​

 

[خيرة جانت]

رد: ملتقى مبتدئات الكروشي-عاونونا-

ارجو من الاخوات استغلال هذا الموضوع من اجل طرح جميع تساؤلاتهن في عالم الكروشي وكذلك جعله فضاء لحل مشكلاتهن في هذا المجال ​

 

[أم محمد وأمين]

رد: ملتقى مبتدئات الكروشي-عاونونا-

مشكورين أخواتي على الموضوع وعلى الدروس رايحة نتبع الخطوات أو نتعلم أن شاء الله
​

 

[خيرة جانت]

رد: ملتقى مبتدئات الكروشي-عاونونا-

مشكورين أخواتي على الموضوع وعلى الدروس رايحة نتبع الخطوات أو نتعلم أن شاء الله
​

العفو خيتي وهو المطلوب
وبربي تنجحي ونشوفو انجازاتك في القريب العاجل منورة ​