نحكي ومتضحكوش عليا

[جيهان جوجو]

السلام عليكم ورحمة الله وبركاته حبيت نشاركم في هذا المواضيع الخاصة بهاذ الركن اهنا فرغ واش كاين في قلبك صراحة انا معرفتش واش نحكي وجات في بالي هاذ الكلام حبيت نقولولكم ومن فضلكم متضحكوش عليا ولا تحسبوني من النوع اللي ميبغيش القراية بالعكس نحبها ونموت عليها طولت عليكم هههههه الكلام هو كالاتي علاش غيتاخرو التلاميذ في الدخول للقسم يطردهم الاستاذ ويقلهم ممنوع الدخول وقصدي غيقلتلكم التاخر ماشي دائما تتاخر لو حتى اول مرة يطردك الاستاذ ويقلك لا ممنوع وهو يتاخر علينا نصف ساعة ونورمال عندو .وثاني عندي نقطة عندما يدق الجرس لازم ندخلو في الوقت وهاذي كامل نعرفوها واجباري علينا لكن غيدق الجرس للخروج علا شيقلونا مزال متخرجوش وانا صارتلي قبيل في الصبح والعشية مع 12 خرجونا مع 12.15 ومع17.00 خرجونا على ساعة 17.10 والله تعبت ياااسر بصح انا باغية نقرا لازم نتحمل كلشي هههه
اسمحلولي على لساني الثرثار لان لاحظت هاذ الحوايج وحبيت نقلهملكم وشكراااااااااااااااا

 

[sahiko hamza]

رد: نحكي ومتضحكوش عليا

تخلات عليك

ديجا اهنا عدنا اساتذة ...
هوما راح يجاوبوك ...
​

 

[امورة المنتدى]

رد: نحكي ومتضحكوش عليا

​

آكي قلتيهآ !
بآغية تقراي لازم تحملي كل شي : d
كامل عانينا من نفس المشكل !
ربي يصبرك

 

[الزهرة الحمراء]

رد: نحكي ومتضحكوش عليا

السلام عليكم أختي
اولا خلات علييك اليوم راسك يطير درك يجوك الأساذة تاعنا يتفاهموا معاك ههههه راني نقصر برك
بالنسبة للنقطة لي ذكرتيها اختي تع تأخر الأستاذ
اولا أختي التلميذ مثلا كي يتأخر بين ساعة وساعة واش هو السبب انا نظن ماعندو حتى سبب مثلا راهو يقرا تصوني ساعة يقعد حاكم بلاصتو حتى جيه الاستاذ الموالي علاه يهبط يدور حتى يتأخر ويخرجوا الاستاذ
وهذا على عكس الاستاذ لي يتأخر علاه مثلا يكون الساعة لي قبل يقري قسم وكي يدق الجرس يتأخر فالخروج من هداك القسم باه يجي للقسم الثاني او يتعطل فالطريق من قسم الى قسم آخر وهذا لي يخليه يدير الروطار عليكم
وثانيا يا اختي مثلا استاذ في قسم فيه 38 تلميذ تلميذ واحد يدير الروطار يقوم الأستاذ بطرده هدا ماهوش رايح يأثر لا على القسم ولا على المؤسسة وبالمقابل لوكان استاذ يدير الروطار واش رايحين هو تاني نقولولو ماتقريش هاديك الساعة شكون رايح ينضر باين التلميذ فهمتي اختي المعادلة كيفاه راهي تمشي
وبالنسبة اختي لواش قلتي تع التأخير باه يخرجوكم هاديك مانقدرش نهدر عليها على خاطر مانقدر نعرف فالمؤسسة تاعكم واش كاين وواش هو سبب الروطار هداك
المهم اختي انت حطي راسك مع قرايتك وانجحي وربي يوفقك غاليتي
دمتي في رعاية الله وحفظه ​

 

[جيهان جوجو]

رد: نحكي ومتضحكوش عليا

السلام عليكم أختي
اولا خلات علييك اليوم راسك يطير درك يجوك الأساذة تاعنا يتفاهموا معاك ههههه راني نقصر برك
بالنسبة للنقطة لي ذكرتيها اختي تع تأخر الأستاذ
اولا أختي التلميذ مثلا كي يتأخر بين ساعة وساعة واش هو السبب انا نظن ماعندو حتى سبب مثلا راهو يقرا تصوني ساعة يقعد حاكم بلاصتو حتى جيه الاستاذ الموالي علاه يهبط يدور حتى يتأخر ويخرجوا الاستاذ
وهذا على عكس الاستاذ لي يتأخر علاه مثلا يكون الساعة لي قبل يقري قسم وكي يدق الجرس يتأخر فالخروج من هداك القسم باه يجي للقسم الثاني او يتعطل فالطريق من قسم الى قسم آخر وهذا لي يخليه يدير الروطار عليكم
وثانيا يا اختي مثلا استاذ في قسم فيه 38 تلميذ تلميذ واحد يدير الروطار يقوم الأستاذ بطرده هدا ماهوش رايح يأثر لا على القسم ولا على المؤسسة وبالمقابل لوكان استاذ يدير الروطار واش رايحين هو تاني نقولولو ماتقريش هاديك الساعة شكون رايح ينضر باين التلميذ فهمتي اختي المعادلة كيفاه راهي تمشي
وبالنسبة اختي لواش قلتي تع التأخير باه يخرجوكم هاديك مانقدرش نهدر عليها على خاطر مانقدر نعرف فالمؤسسة تاعكم واش كاين وواش هو سبب الروطار هداك
المهم اختي انت حطي راسك مع قرايتك وانجحي وربي يوفقك غاليتي
دمتي في رعاية الله وحفظه ​

شكرا اختي على الرد هههههه ياو راني نطلعلكم في السكر يعني راني نقصر غيكتبت هاذ الموضوع باش نشوف طريقة تعاملكم مع هاذ الموضوع فقط ههههههههههههه اصلا الاستاذ له الحق اكثر من التلميذ وانا هنا لم ادافع على الاستاذ بل دافعت على التلاميذ خدععععععععععععععععععععععععة

 

[♫الباحثة عن الحظ♫]

رد: نحكي ومتضحكوش عليا

سلام
يدخل بكري باه يمشي في البرنامج ويخرج روطار باه يكمل البرنامج
مهم هو يكمل البرنامج وافار تاع تفهم متفهمش هادي راحت عليك
بلادنا بلاد ميكي
مهم هو يقول كملت 80 ولا 90 بالمئة من البرنامج
و مش عندو اهمية للتلميذ
​

 

[ثَسْكُورْثْ نَثْدُوكْلِي]

رد: نحكي ومتضحكوش عليا

ههههههه اهلا اختي معليه معليه ماتزعفيش تكبري تولي عندك سوفونير و كلما تتفكري تضحكي ^^

المهم ماتخليش اي حاجة تتاثر بدراستك وماتتهاونيش باه تنجحي وتتفوقي ..

بيني وبينك ادخلي ف الوقت بركاي من التفنيين ههههعععع ..

فكرتيني ف اختي الاسبوع اللي فات تقرا سنة رابعة متوسط يما ماكنتش ف الدار وزعما انا نوضها هي وخويا باه يقراو هيهيهي البورتابل تعي طفااا وماصوناش خخخ نوضتهم تقريباا على الثامنة وراحو يجريو
خخخخ وكي رجعت اختي قالتلي مادخلونيش روطار -_- ولازملها ورقة دخول مي جازت سالمات ..

هههه اصبري وديري راسك ف القرايا وربي ينجحك الزينة ماتخميش بزاااف وادخلي ف الوقت ^^

تحياتي لك
​

 

[بنت الـ25]

رد: نحكي ومتضحكوش عليا

السلام عليكم
كيما قاتلك الزهرة الحمراء طرد تلميذ متاخر مراحش يأثر على القسم بالعكس أنا نشوف فيه يخلق الانضباط
اليوم تأخرتي انتي غض الاستاذ عليك الطرف ، غدوا يتأخر القسم كامل، مي كي يتطرد واحد مرة يولي عبرة لمن يعتبر هههههه
أما الأستاذ كي يتأخر ، بون نتي متعرفيش وش يصرا فالكواليس وأقصد بالكواليس اللي تكون خارج أسوار القسم
الأستاذ كي يخرج من قسم ويدخل باش يدرس قسم اخر ، كاين لي يفوت على قاعة الأساتذة مثلا يرفد أشياء رايح يقري بيها
مثلا استاذ الرياضيات ما يبقاش نهار كامل وهو رافلد المدور والكوس والمسطرة ويدور بيهم
ممكن ظرف طارئ راح لدورة المياه ، وممكن وممكن ...
وعلى كل كيما نتوما يحاسبكم الأستاذ هو تاني عندو اللي يحاسبو
المدير هو اللي المشرف على المعلمين في المدرسة والمعلم او الأستاذ هو المشرف على التلاميذ في القسم
مش من حق التلاميذ يحاسبوه ، ولو شافو منو تقصير يقدرو يشكيو بيه للإدارة وهي تتصرف
​

 

[نبض الحياة]

رد: نحكي ومتضحكوش عليا

السلام عليكم
انا ضحية مثلك ههههههه
نشوفو الساادة الاسااتذة واش يقولوولنا خخخخخ
ربي يوفقك ويقدرك غاليتي

 

[السلطانة]

رد: نحكي ومتضحكوش عليا

وعليكم السلام

تصوريها كون كل استاذ خلاكم تتأخرو كيما حبيتو وتدخلو كيما حبيتو واش يصرى في القسم ؟

متعودش قراية هنا


لازم يكون الانضباط قبل كل شيء

 

[maya36]

رد: نحكي ومتضحكوش عليا

ههههههههه عندك الحق و الله جبتيها ف الصواب
مام انا نفس لي رومارك
ياخي اساتذة ههههه يشكيو منا و نساو بلي هما اكثر منا

 

[شمس الاصيل2]

رد: نحكي ومتضحكوش عليا

نشاء الله تولي استادة وفي هداك الوقت تديري نفس الشيء ربي يوفقك