ما عنديش الزهر مع البنات

[selma orkida]

السلام عليكم أعضاء اللمة​

مافهمتش علاه دارت هكا الناس كامل قالولي غايرة منك لاني وبصراحة اجمل منها ومحبوبة_ هي وحدة ماتحملها لانو ديما مشنفة والظرافة خاطيتها طول_ ونقرى خير منها وديما قبلها في النتائج :sport02: على العموم كل الي نتمناه حاليا انو ربي يرزقني الصحبة الطيبة انشالله ويوفقني في قرايتي ونكمل هادو العامين على خير :graduation: وادعولي معاكم :thumb_up02:​

 

[بنت الـ25]

رد: ما عنديش الزهر مع البنات

السلام عليكم
اختي راني حاسة بيك مي دوكا قليل وين تلقاي الصداقة الحقيقية
انتي صاحبتك تع عامين وحسيتي تجرحتي منها
كون تشوفيني انا صحاباتي تع عمر الفم برك يقول 10 و 15 سنة مي فاللخر تبخرو كي شغل مكانوش جزء من حياتك
ومعظم ذكرياتي هوما متواجدين فيها
قلبوهم جافية وممكن كيما قلتي غيرة
الغيرة بين الفتيات تعمل اكثر من هك احمدي ربي لي ما خلقتلكش مشاكل وجبدت روحها بالعافية
واللي باعك بالفول صولديه
اختي صديقتك الحقيقية هي امك ولا اختك هادو برك لي يستاهلو اما الباقي الريح فالشباك
نحكي عن تاجربة وصدمة تعرضت ليها خلاتني نفقد الثقة فحاجة اسمها الصداقة نتي ديري وش يقلك قلبك
وتفكري دايما كرامتك أهم من كل شيء ، أهم من شعورك بالوحدة
فشعورك بالوحدة أرحم من شعورك بالغباء والتعرض للغدر والخيانة والتجريح
والسلام عليكم
​

 

[Hakan]

رد: ما عنديش الزهر مع البنات

سيتم اغلاق الموضوع بعد التناقش مع صاحبته واستئذانها ..​