وصفة البراج من فضلكن يا بنات ...

[مسك وعنبر]

سلااام يا شاطرات اللمة واش حوالكم إن شاء الله تماام :up: كاش وصفات ولا والو ؟؟ اليوم حبيت نسقسيكم على وصفة البراج اللي يندار بالمعجون نتاع التمر المرحي أنا راني جربتو مرات عديدة بالصح المشكل أنو لعجينة ديالو كيفيش نلموها بلا عجين وتجينا طرية هادي هي اللي راني نستفسر عليها تعيشو الي عندها خدعة تمدهالنا هههه مشكووورة مع تحياتي للجميع ​

 

[الحلم الوردي]

رد: وصفة البراج من فضلكن يا بنات ...

بسم الله الرحمن الرحيم
السلام عليكم

البراج على طريقتي

المقادير :
3 كيلات سميد متوسط والكيلة تكون ممسوحة مليح مليح
ناخد نفس المكيال نذوب قطعة زبدة ستار ونضعها داخله ثم نكمل الكيلة بسمن ذائب وبارد ( سمن مدينة بالنسبة لي ) المهم في الاخر الحصول على كيلة مملوءة على الأخر من ليدام
رشة ملح لا نكثر
وماء زهر + ماء عادي لجمع العجينة
الحشو :
غرس منقى يفضل غرس البطانة يعطيه طعم أفضل
نضيف للغرس القليل من القرفة + القليل من الزبدة اللينة + ماء زهر حتى الحصول على غرس لينة هنا لمن يفضلون الجلجلان يمكن اضافته
بالنسبة لي لا احب الجلجلان في غرس البراج أستعملها في غرس مقرود الكوشة فقط
التحضير :
أولا نضع السميد في قصعة مع الملح

ونعمل حفرة في الوسط نفرغ خليط السمن الذائب والزبدة
ونخلط بأطراف الأصابع دون عجنها أي مجرد خلط فقط

ثم نضيف القليل من ماء الزهر + ماء عادي تدريجيا إلى غاية الحصول على عجينة
متماسكة ولا نعجنها بمجرد أن تجمع العجينة فقط لا نفرط في الخلط

نقسم العجينة إلى جزئين

نأخد القليل من السميد الخشن نضعه في صحن و نضع عليه القليل من السمن الذائب ونخلط ونترك الخليط جانبا

نأخد ورق خبز نبسط عليه أولا الغرس بشكل دائري دائرة ليست كبيرة جدا ونتركها جانبا

نأخد ورقتين أخرييتين من ورق الخبز و نبسط عليهما العجينتين بشكل دائري بحيث تكون أكبر بقليل من عجينة الغرس

نأخد القسم الأ ول من العجينة نضع فوقه دائرة الغرس

ثم نضع عليه الطبقة الثانية من العجينة بحذر ونحاول غلق الأطراف
كي لا تخرج الغرس ونسوي الطبقات جيدا مع بعضها بهذا الشكل

نأخد الخليط الي حضرناه من السميد والسمن ونضعه على الخبزة
السر في وضع هذا الخليط هنا كي لا تحترق الحبات وتنضج بلون جميل

ونمررها على كامل السطح والجوانب ثم نقلب الدائرة ونضع أيضا فوقها
خليط السميد والسمن نمرره جيدا أيضا على كامل السطح والجوانب

ثم نأخد حلال ونحاول بسط الخبزة بحذرإلى غاية الحصول على السمك المطلوب لا نرقها كثيرا

نسوي الأطراف جيدا

نأخد قطاعة كبيرة مخصصة ونقطع معينات أو ممكن نستخدم سكين ليس شرطا القطاعة

نأخد طاجين مخصص العادي أو كهذا انا أول مرة إستخدمه وصراحة الخبز فيه رائع
الحبات تخبز بشكل جميل ولونها بلون الخوخ

نخبز قطع البراج حتى الحصول على لون جميل كلون الخوخ

عندما تنضج الحبات نتركها تبرد تماما ثم نأخد كل حبيتين مع بعض وكيما نقولو بالدارجة نحكوهم مع بعضهم برفق من الهتين باش نزيل هذا الدقيق الحرش اللي لاصق ومن بعدها نحاول تنفيض الحبة بفرشاة لإزالة الدقيق المتبقي

وهذا الشكل النهائي

​

 

[الحلم الوردي]

رد: وصفة البراج من فضلكن يا بنات ...

بسم الله
بون المقادير والطريقة مع بعض
كيلة سمن ذائب بـ 3 كيلات دقيق
تغربلي الدقيق ممبعد تصبي عليه السمن الذايب (انا استعملت المرجان هااايل)
وشوية فرينة (باش ما يطلقش الدهن بزاف)
تحاولي تدخلي السمن مليح فالدقيق بيديك
ممبعد تلميه بجنب وتحطي شزية ملح وتصبي الماء الدافي عليه وشوية ماء زهر
كي يذوب هداك الملح فالماء تخلطي الدقيق المبسس
وتبقاي تزيدي فالماء حتى تحسيه تلم

تغطيه وتروحي للغرس
انا الغرس جاني يابس طريتو بشوية ماء (لأنو يشرب)
كي طرا درتلو ماء زهر ، قرفة، قرنفل ، وجلجلانية محمصة
عجنتو وحطيتو بجيهة

قسمت العجينة تاعي على 2
ممبعد على طاولة العمل طرحت العجينة الأولى
مي قبل ما نطرحها حطيت تحتها شوية دقيق مخلط بالسمن يكون شوية شايح وممبعد نزيد نحطو ملفوق
طرحت الغرس على البلاستيك
وممبعد قلبتو على هديك العجينة
ثم حطيت العجينة الثانية
وطرحتهم مليح باش متجيش بزاف خشينة

ممبعد قطعتو بهاد الطريقة

عدلتو الحواف وحطيتو يطيب فالطاجين

السر تع البراج باش ما يجيش مفتفت ما تقلبيهش بزاف
خليه كي تشوفيه بدا يصفار ملفوق قلبيه

ممبعد كي تنحيه خليه يبرد واميحيه بقطعة قماش باش يتنحالو الفتات
وقدميه

احنا عادة ناكلوه باللبن يجي ما يتشبعش

نتمنى تكونو حبيتو البراج تاعنا​

 

[مسك وعنبر]

رد: وصفة البراج من فضلكن يا بنات ...

سلااام ألف شكر لكن يا بنات أعطيتوني فكرة واضحة أكثر على الوصفة بالتوفيق مع تحياتي ​

 

[iman-dz4ever]

رد: وصفة البراج من فضلكن يا بنات ...

الله عليك يا ملكة زماني على الشرح الرائع
انا نموووووووت على البراج
​

 

[السلطانة]

رد: وصفة البراج من فضلكن يا بنات ...

وعليكم السلام تفضلي اختي البراج على طريقتي

أسراري في براج الربيع


لطراوة الغرس:


2 كيلو غرس عجنتهم مليح بالزبدة حتى طراو مليح

الدقيق 3 كيلات الكيلة لي كيلت بيها برمة نفسها كيلت بيها 2 مرات الزبدة


الطريقة :
حطيت الزبدة ومباعد الدقيق حكيت شوي


ومباعد زدت الملح وبديت بالماء
نبلل ونحك في الخليط بين يديا
حتى طرات العجينة
وبديت نتحف

والطريقة بالصور

****************

*****************

**********

******************

******************

****************

*********

************

******

************

****

***

**
ودرك نجيو للطياب
طيبتها فوق كارلاجة بعد ماغسلتها مليح
باه متديرش الدخان والريحة
وتطيب على نار هادية

****

***

****



***
نتمنى يعجبوكم بريجاتي
ظهري تقوقع معاهم وزيد النت هبلتني


تحياتي سيداتي

****



https://www.4algeria.com/forum/t/398826/

 

[saho souhila]

رد: وصفة البراج من فضلكن يا بنات ...

مرسي على الوصفة ختي و المساعدة ايضا