الفرق بين حمل اﻷنثى وحمل الذكر

[ام حوحو]

تعرفوا حباباتي بلي جداتنا بكري كانوا يعرفوا بلي المرا الحامل عندها ولد ولا بنت في كرشها وهذا من خلال اعراض ووحم وحتى لافورم تاع الكرش ي. يقولوا ودائما العلم لله بلي المرا الحامل بولد وحامها يكون على حاجة حامضة ولافورم تاع كرشها تكون خارجة لقدام وحتى شكل المرا تتنفخ كامل جسمها بما فيهم وجها وهاذي بتجربتي الخاصة ،اما الحامل بأنثى وحامها يكون على حاجة حلوة ولافورم تاع كرشها تكون ضاربة للجوانب ويقولوا بلي المرا تولي شابة ياسر يعني ما تتنفخ ما يتبدلوا حوالها اما في الزيادة يا لطيف الطف بينا يقولوا وجعها سامط يروح ويجي عكس الولد ان شاء الله نكون من الي يسهلهم ربي ويجربو هاذ الوجع السامط . المهم هاذي راهي تبقى معتقدات جداتنا الكبارﻷنو في الحقيقة كل واحدة وكيفاه يجيها الحمل نتاعها سواء كانت بنت ولا ولد. ربي يسهلنا ويعطينا ذرية سليمة صالحة وتكبر في طاعة الله ورضوانه وربي يسمحلنا من الوالدين ،قولوا امين

 

[دعاء الجنات]

رد: الفرق بين حمل اﻷنثى وحمل الذكر

شكراا. ان شاء الله يارب مايحرم اي مرأة من تذوق طعم الأمومة
آمين

 

[YARA 26]

رد: الفرق بين حمل اﻷنثى وحمل الذكر

شكرا
اميييين​

 

[السلطانة]

رد: الفرق بين حمل اﻷنثى وحمل الذكر

شكرا اختي لكن لااعتقد هذا ينطبق على جميع النساء

تبقى مجرد تخمينات

كاين لي حملت ببنت تعبت وتبدل لون وجها وجسمها وبالطفل زيانت

وكاين لي زيانت بالطفلة وتعبت بالطفل


ربي يرزق الجميع الذرية الصالحة ان شاءلله

شكرا اختي .

 

[ام حوحو]

رد: الفرق بين حمل اﻷنثى وحمل الذكر

طبعا تبقى مجرد تخمينات كاين الي تصلح معاها وكاين الي يجيها حمل الولد كيما تاع البنت كيف كيف ربي يسهلنا ويعطينا الذرية الصالحة